1.  

Starfshópur um framtíðarskipan komu skemmtiferðaskipa - 2016090040

Tillaga 963. fundar bæjarráðs um að samþykkja erindisbréf starfshóps um framtíðarskipan komu skemmtiferðaskipa.

Til máls tóku: Nanný Arna Guðmundsdóttir, forseti og Kristín Hálfdánsdóttir.

Daníel Jakobsson, bæjarfulltrúi, leggur fram eftirfarandi breytingar á erindisbréfinu:
"Kjörnir fulltrúar fá greitt í samræmi við reglur Ísafjarðarbæjar um greiðslur til bæjarfulltrúa og nefndarmanna."

Forseti ber breytingartillöguna upp til atkvæða.
Tillagan samþykkt 9-0.

Forseti ber erindisbréfið upp til atkvæða að teknu tilliti til breytingartillögu.
Tillagan samþykkt 9-0.

Daníel Jakobsson yfirgefur fundinn undir þessum lið kl. 17:15.

2.  

Styrkbeiðni frá SFÍ - 2017010047

Tillaga 963. fundar bæjarráðs, um að samþykkja viðauka vegna styrkbeiðni Skíðafélags Ísfirðinga í tengslum við Unglingameistaramót Íslands sem haldið verður á Ísafirði 23.-26. mars 2017.

Til máls tóku: Nanný Arna Guðmundsdóttir, forseti, Arna Lára Jónsdóttir, Kristín Hálfdánsdóttir, Gísli Halldór Halldórsson, bæjarstjóri, Kristján Andri Guðjónsson og Jónas Þór Birgisson.

Arna Lára Jónsdóttir, bæjarfulltrúi Í-listans, leggur til að viðauka vegna styrkbeiðni til SFÍ verði frestað og verði skoðuð í samhengi við fyrirhugaðan uppbyggingarsamning við félagið.

Forseti ber tillöguna Örnu Láru Jónsdóttur upp til atkvæða.
Tillagan samþykkt 7-1.

Kristín Hálfdánsdóttir er á móti.
Daníel Jakobsson var ekki viðstaddur atkvæðagreiðslu.

Daníel Jakobsson kom aftur inn á fundinn kl. 17:23.

3.  

Byggðakvóti fiskveiðiárið 2016/2017 - 2016090018

Tillaga 963. fundar bæjarráðs, 13. febrúar 2017, um að sérreglur um byggðakvóta í Ísafjarðarbæ fiskveiðiárið 2016/2017 verði samþykktar að nýju þannig að skýrt komi fram að aðeins verði gerð breyting frá fyrra ári á 1. málsl. 1. og 2. mgr. 4. gr. reglugerðarinnar. Breytingin sé sú að fyrst skuli úthluta bátum með frístundaleyfi sbr. a-lið, 1 þorskígildistonni á bát, 40% af því sem eftir stendur skuli skipta jafnt milli annarra skipa, þó ekki meira, í þorskígildum talið, sem landað var innan byggðalagsins á tímabilinu 1. september 2015 til 31. ágúst 2016.

Til máls tóku: Nanný Arna Guðmundsdóttir, forseti.

Forseti leggur fram eftirfarandi breytingartillögu:
"Sérreglur verði óbreyttar frá því sem var fiskveiðiárið 2015/2017 utan þess að nú skal 40% skipt jafnt milli skipa í stað 30% áður. Reglurnar verða því svohljóðandi:
„Ákvæði reglugerðar nr. 641 frá 8. júlí 2016 gilda um úthlutun byggðakvóta Ísafjarðar, Hnífsdals, Þingeyrar, Flateyrar og Suðureyrar með eftirfarandi viðauka/breytingum:
a) Ákvæði a-liðar 1. gr. breytist og verður: Hafa leyfi til veiða í atvinnuskyni, sbr. 4. gr. laga nr. 116/2006, um stjórn fiskveiða, með síðari breytingum, eða frístundaveiðileyfi skv. 2. tl. 4. mgr. 6. gr. sömu laga, við lok umsóknarfrests.
b) Ákvæði c-liðar 1. gr. breytist og verður: Eru í eigu eða leigu einstaklinga eða lögaðila með heimilisfang í sveitarfélaginu 1. júlí 2016.
c) Ákvæði 1. málsl. 1. og 2. mgr. 4. gr. reglugerðarinnar breytist og verður: Skipting þess afla-marks, sem nú kemur í hlut byggðarlags, auk þess aflamarks byggðarlagsins sem kann að vera eftir af úthlutun fyrra fiskveiðiárs, skal að öðru leyti fara fram til einstakra fiskiskipa sem uppfylla skilyrði 1. gr., sbr. reglur um sérstök skilyrði fyrir úthlutun byggðakvóta í einstökum sveitarfélögum sem ráðuneytið staðfestir samkvæmt 2.-3. gr., eftir því sem við á, og skal fyrst úthluta bátum með frístundaleyfi sbr a-lið, 1 þorskígildistonni á bát, 40% af því sem eftir stendur skal skipt jafnt milli annarra skipa, þó ekki meira, í þorskígildum talið, en viðkomandi bátur landaði á fiskveiðiárinu 2015/2016, afganginum skal skipt hlutfallslega, miðað við allan landaðan botnfiskafla í tegundum sem hafa þorskígildisstuðla, í þorskígildum talið, sem landað var innan sveitarfélagsins á tímabilinu 1. september 2015 til 31. ágúst 2016.
Afli af fiskiskipum sem landað er í sveitarfélaginu af bátum sem ekki eru skráðir innan sveitarfélagsins, telst ekki til landaðs afla samkvæmt 1. mgr.
d) Ákvæði 1. málsl. 1. mgr. 6. gr. reglugerðarinnar breytist og verður: Fiskiskipum er skylt að landa þeim afla, sem telja á til byggðakvóta Ísafjarðar til vinnslu innan sveitarfélagsins, á tímabilinu frá 1. september 2015 til 31. ágúst 2016.""

Forseti ber breytingartillöguna upp til atkvæða.
Breytingartillagan samþykkt 9-0.

4.  

3X óskar eftir óverulegri aðalskipulagsbreytingu - 2016120008

Tillaga 471. fundar skipulags- og mannvirkjanefnd um að samþykkja meðfylgjandi tillögu og heimila málsmeðferð í samræmi við 2. mgr. 36. gr. skipulagslaga nr. 123/2010 um óverulega breytingu.

Til máls tóku: Nanný Arna Guðmundsdóttir, forseti, og Sigurður Hreinsson.

Forseti ber tillöguna upp til atkvæða.
Tillagan samþykkt 9-0.

5.  

Samþykkt um fráveitu Ísafjarðarbæjar - 2016040069

Tillaga 960. fundar bæjarráðs um að samþykkt um fráveitu í Ísafjarðarbæ verði samþykkt, áður samþykkt af heilbrigðisnefnd með vísan til bréfs Heilbrigðiseftirlits Vestfjarða, dags. 6. nóvember 2016.

Til máls tóku: Nanný Arna Guðmundsdóttir, forseti.

Forseti ber tillöguna upp til atkvæða.
Tillagan samþykkt 9-0.

Kristín Hálfdánsdóttir yfirgefur fundinn undir þessum lið, kl. 17:36.

6.  

Sjókvíaeldi Arctic Sea Farm í Ísafjarðardjúpi - 2017010103

Tillaga bæjarstjóra að umsögn Ísafjarðarbæjar um tillögu að matsáætlun um 7.600 tonna framleiðsluaukningu á laxeldi Arctic Sea Farm í Ísafjarðardjúpi, beiðnin var tekið fyrir á 189. fundi hafnarstjórnar og 471. fundi skipulags- og mannvirkjanefndar.

Til máls tóku: Nanný Arna Guðmundsdóttir, forseti, Kristín Hálfdánsdóttir, Kristján Andri Guðjónsson, Jónas Þór Birgisson, Arna Lára Jónsdóttir, Daníel Jakobsson og Sigurður Hreinsson.

Tillaga bæjarstjóra er svohljóðandi:
"Bæjarstjórn Ísafjarðarbæjar fagnar fyrirhuguðum áformum fiskeldisfyrirtækja um uppbyggingu fiskeldis í Ísafjarðardjúpi. Bæjarstjórn telur að fiskeldi muni styrkja undirstöður atvinnulífs í sveitarfélaginu og treysta tekjustofna Ísafjarðarhafna.
Bæjarstjórn tekur undir með hafnarstjórn Ísafjarðarbæjar að ekki verður fallist á að eldiskvíar verði staðsettar á því svæði út af Arnarnesi (Skutulsfirði) sem lagt er til í matsáætluninni. Sú staðsetning myndi skerða aðkomu stærri skipa að Skutulsfirði og þrengja athafnasvæði þeirra, er í því sambandi aðallega átt við skemmtiferðaskip, flutningaskip og stærri olíuskip. Nú þegar eru eldiskvíar á Skutulsfirði sem skerða athafnarými og geta gert stærri skipum erfitt fyrir á akkerislægi. Ekki verður unað við frekari skerðingu.
Bæjarstjórn telur að koma mætti í veg fyrir truflun á innsiglingu til Skutulsfjarðar ef umrætt svæði yrði fært a.m.k. lengd sína til suðausturs þannig að norðvestur mörk svæðisins sé í línu við Kirkjubólshlíð.
Bæjarstjórn ítrekar enn og aftur að afleitt sé að enga stefnumörkun stjórnvalda sé að finna um sjókvíaeldi á Vestfjörðum, fremur en annars staðar á landinu. Óheppilegt er að burðarþolsmat Ísafjarðardjúps skuli ekki liggja fyrir þegar leitað er umsagna um fiskeldisáform og verður til mikilla bóta þegar það verður gefið út en Ísafjarðarbær hefur upplýsingar um að matið sé hér um bil tilbúið. Rannsóknir á samlegðaráhrifum eldis og lífríkis í Ísafjarðardjúpi eru mikilvæg undirstaða í uppbyggingu fiskeldis við Djúp og skipulagningu þess og því er kallað eftir að stjórnvöld leggi fullan þunga í þann undirbúning sem nauðsynlegur er. Að frumkvæði sveitarfélaga á Vestfjörðum og Fjórðungssambands var unnin nýtingaráætlun fyrir Arnarfjörð sem vera mátti stjórnvöldum fordæmi. Það er því mjög miður að ríkisvaldið hafi ekki séð ástæðu til að samsvarandi skipulagsvinna færi fram á strandsvæði Ísafjarðardjúps, slík áætlun hefði auðveldað mjög framlagningu matsáætlana og gerð umsagna um þau.
Bæjarstjórn Ísafjarðarbæjar ítrekar einnig þá áskorun sína að að sveitarfélög ráði skipulagi strandsjávar út að 1 sjómílu út fyrir grunnlínu landhelginnar. Einnig kallar bæjarstjórn eftir því að sveitarfélög fái heimildir til gjaldtöku af þeim aðilum sem nýta svæði í strandsjó til fiskeldis.
Þessi umsögn tekur yfir fyrri umsagnir nefnda Ísafjarðarbæjar og dregur þær saman í eina.
Bæjarstjórn gerir að öðru leyti ekki athugasemdir við framkomna tillögu að matsáætlun."

Forseti ber tillöguna upp til atkvæða.
Tillagan samþykkt 8-0.
Kristín Hálfdánsdóttir tók ekki þátt í atkvæðagreiðslu.

Kristín Hálfdánsdóttir kom aftur á fundinn kl. 17:43.

7.  

Bæjarráð - 962 - 1702005F

Fundargerð 962. fundar bæjarráðs sem haldinn var 6. febrúar sl., fundargerðin er í 8 liðum.

Til máls tók: Nanný Arna Guðmundsdóttir, forseti.

Fundargerðin lögð fram til kynningar.

8.  

Bæjarráð - 963 - 1702012F

Fundargerð 963. fundar bæjarráðs sem haldinn var 13. febrúar sl., fundargerðin er í 19 liðum.

Til máls tók: Nanný Arna Guðmundsdóttir, forseti.

Fundargerðin lögð fram til kynningar.

9.  

Barnaverndarnefnd á norðanverðum Vestfjörðum - 147 - 1702003F

Fundargerð 147. fundar barnaverndarnefndar á norðanverðum Vestfjörðum sem haldinn var 2. febrúar sl., fundargerðin er í 3 liðum.

Til máls tók: Nanný Arna Guðmundsdóttir, forseti.

Fundargerðin lögð fram til kynningar.

10.  

Félagsmálanefnd - 415 - 1702008F

Fundargerð 415. fundar félagsmálanefndar sem haldinn var 7. febrúar sl., fundargerðin er í 5 liðum.

Til máls tók: Nanný Arna Guðmundsdóttir, forseti.

Fundargerðin lögð fram til kynningar.

11.  

Hafnarstjórn - 189 - 1702006F

Fundargerð 189. fundar hafnarstjórnar sem haldinn var 7. febrúar sl., fundargerðin er í 9 liðum.

Til máls tóku: Nanný Arna Guðmundsdóttir, forseti, og Kristján Andri Guðjónsson.

Fundargerðin lögð fram til kynningar.

12.  

Íþrótta- og tómstundanefnd - 175 - 1702007F

Fundargerð 175. fundar íþrótta- og tómstundanefndar sem haldinn var 8. febrúar sl., fundargerðin er í 3 liðum.

Til máls tók: Nanný Arna Guðmundsdóttir, forseti.

Fundargerðin lögð fram til kynningar.

13.  

Skipulags- og mannvirkjanefnd - 471 - 1701018F

Fundargerð 471. fundar skipulags- og mannvirkjanefndar sem haldinn var 8. febrúar sl., fundargerðin er í 9 liðum.

Til máls tók: Nanný Arna Guðmundsdóttir, forseti.

Fundargerðin lögð fram til kynningar.

14.  

Umhverfis- og framkvæmdanefnd - 41 - 1702002F

Fundargerð 41. fundar umhverfis- og framkvæmdanefndar sem haldinn var 7. febrúar sl., fundargerðin er í 4 liðum.

Til máls tók: Nanný Arna Guðmundsdóttir, forseti.

Fundargerðin lögð fram til kynningar.

1.  

Samstarf um barnavernd á norðanverðum Vestfjörðum. - 2017020009

Lagt fram minnisblað barnaverndarnefndar á norðanverðum Vestfjörðum, dagsett 1. febrúar sl., þar sem lagt er til að gerður verði nýr samningur um meðferð barnaverndarmála, kosningu í barnaverndarnefnd og kostnaðarþátttöku sveitarfélaganna þriggja í barnavernd.

Bæjarráð felur bæjarstjóra að ræða um samning á grundvelli framlagðs minnisblaðs við Bolungarvíkurkaupstað og Súðavíkurhrepp, þannig að leggja megi fram ný drög að samningi.

2.  

Skrúður, þjónustuhús. - 2017010006

Lagt fram bréf Einars Ísakssonar, f.h. Minjastofnunar, dagsett 14. febrúar sl. Minjastofnun bendir á að Skrúður fellur undir ákvæði um friðaðar menningarminjar og því er allt rask og/eða framkvæmdir innan 15 metra friðhelgi Skrúðs óheimilar. Ennfremur leggst stofnunin á móti hverskyns framkvæmdum í nágrenni garðsins sem gætu spillt aðkomu og ásýnd hans.

Bæjarráð þakkar Minjastofnun fyrir ábendinguna.

3.  

Samstarfssamningur - Kómedíuleikhúsið - 2005090047

136. fundur atvinnu- og menningarmálanefndar lagði til að bæjarráð gerði sambærilegan samning við Kómedíuleikhúsið og verið hefur í gildi og að gerður yrði viðauki við fjárhagsáætlun Ísafjarðarbæjar 2017.
Kynnt verða drög að samstarfssamningi í samræmi við bókun atvinnu- og menningarmálanefndar.

Bæjarráð tekur jákvætt í samninginn en felur bæjarstjóra að ræða við forsvarsmenn Kómedíuleikhússins um verkefnaskrána og leggja fyrir bæjarstjórn ásamt viðauka.

4.  

Act Alone - styrkbeiðni - 2017020093

Lagður fram tölvupóstur Elfars Loga Hannessonar, dagsettur 17. febrúar sl., þar sem hann óskar eftir auknum fjárstuðningi Ísafjarðarbæjar við hátíðina Act Alone. Framtíð leiklistarhátíðarinnar er í húfi vegna erfiðleika við fjármögnun.

Bæjarráð felur bæjarstjóra að ræða við forsvarsmenn Act Alone um endurnýjun samnings vegna hátíðarinnar.

5.  

Almennar styrktarbeiðnir og styrktarlínur 2017 - 2017010042

Lagt fram bréf Sirrýjar Sifjar Sigurlaugardóttur, fræðslustjóra Alzheimersamtakanna, dagsett 7. febrúar sl. Óskað er eftir styrk til að halda röð málþinga um land allt á næstu mánuðum.

Bæjarráð óskar umsagnar félagsmálanefndar um styrkbeiðnina.

6.  

Veraldarvinir 2017 - 2017020083

Lagður fram tölvupóstur Steindórs Inga Þórarinssonar, f.h. Veraldarvina, dagsettur 15. febrúar sl., þar sem kynnt er starfsemi Veraldarvina, en markmið samtakanna er að stuðla að heilbrigðum lífsháttum og betri umgengni manna við umhverfi sitt. Sjálfboðaliðar á vegum Veraldarvina bjóða fram aðstoð sína við fjölbreytileg verkefni vítt og breitt um landið.

Bæjarráð vísar erindinu til úrvinnslu á umhverfis- og eignasviði.

7.  

Lánasjóður - ýmis erindi 2016 - 2017 - 2016040045

Lagður fram tölvupóstur frá Magnúsi Karel Hannessyni, f.h. Sambands íslenskra sveitarfélaga, dagsettur 10. febrúar sl., ásamt bréfi Lánasjóðs sveitarfélaga, einnig dagsett 10. febrúar sl., þar sem auglýst er eftir framboðum í stjórn sjóðsins.

Lagt fram til kynningar.

8.  

Beiðni um upplýsingar vegna stefnumótunar í fiskeldi - 2017020079

Lagður fram tölvupóstur Jóns Þrándar Stefánssonar, f.h. atvinnuvega- og nýsköpunarráðuneytis, dagsettur 14. febrúar sl., ásamt bréfi ráðuneytisins, þar sem óskað er eftir upplýsingum um hvaða áhrif fiskeldi hefur í sveitarfélaginu, eða á þau verkefni sem falla undir verksvið þess.

Bæjarráð felur bæjarstjóra að svara erindinu.

9.  

Frumvarp til laga um farþegaflutninga og farmflutninga - 2017020032

Lagður fram tölvupóstur Sigrúnar Helgu Sigurjónsdóttur, ritara nefndasviðs Alþingis, dagsettur 10. febrúar 2017. Ísafjarðarbæ er sent til umsagnar frumvarp til laga um farþegaflutninga og farmflutninga, 128. mál. Þess er óskað að undirrituð umsögn berist eigi síðar en 24. febrúar nk.

Bæjarráð Ísafjarðarbæjar telur þörf á því að tekin séu inn ákvæði um ferðaþjónustuleyfi inn í lögin, sem heimili fólki í ferðaþjónustu að starfrækja fólksbifreiðar í ferðaþjónustu.

10.  

Fundur um fjármálastefnu, fjármálaáætlun og endurskoðun á fjármálakafla sveitarfélaga - 2017020086

Lagður fram tölvupóstur Karls Björnssonar, framkvæmdastjóra Sambands íslenskra sveitarfélaga, dagsettur 15. febrúar sl., þar sem kynnt er dagskrá fundar um fjármálastefnu, fjármálaáætlun og endurskoðun á fjármálakafla sveitarstjórnarlaga sem haldinn verður í dag 20. febrúar.

Lagt fram til kynningar. Gísli H. Halldórsson, bæjarstjóri og Daníel Jakobsson, bæjarfulltrúi munu mæta á fundinn fyrir hönd Ísafjarðarbæjar.

11.  

31. landsþing Sambands íslenskra sveitarfélaga - 2017020096

Lagður fram tölvupóstur Magnúsar Karels Hannessonar, f.h. Sambands íslenskra sveitarfélaga, dagsettur 17. febrúar sl. Póstinum fylgir skrá um landsþingsfulltrúa og varamenn þeirra, og þarf sveitarstjórn að láta vita fyrir 6. mars nk., ef breytingar hafa orðið á fulltrúum.

Lagt fram til kynningar.

12.  

Náttúrustofa - Fundargerð 102. fundar - 2017020094

Lögð fram fundargerð 102. fundar stjórnar Náttúrustofu Vestfjarða, sem haldinn var 3. febrúar sl.

Lagt fram til kynningar.

13.  

Byggðasamlag Vestfjarða - Fundargerðir - 2016050089

Lagðar fram fundargerðir stjórnarfunda Byggðasamlags Vestfjarða um málefni fatlaðs fólks frá 20. desember og 23. janúar sl., ásamt fundargerð samráðsvettvangs aðildarsveitarfélaga Byggðasamlagsins, frá 25. janúar sl.

Lagt fram til kynningar.

14.  

Fundargerðir heilbrigðisnefndar og ýmis erindi 2017 - 2017020078

Lagður fram tölvupóstur Antons Helgasonar, f.h. Heilbrigðiseftirlits Vestfjarða, dagsettur 13. febrúar sl., ásamt fundargerð heilbrigðisnefndar Vestfjarða frá 10. febrúar sl. Einnig er meðfylgjandi gjaldskrá fyrir heilbrigðiseftirlit 2017 sem sveitarfélög þurfa að samþykkja.

Bæjarráð felur bæjarstjóra og fjármálastjóra að fara yfir gjaldskrána og leggja hana til samþykktar fyrir bæjarráð.

15.  

Atvinnu- og menningarmálanefnd - 136 - 1702009F

Fundargerð 136. fundar atvinnu- og menningarmálanefndar sem haldinn var 14. febrúar sl., fundargerðin er í 3 liðum.

Lagt fram til kynningar.

1.  

Verkefnalisti fræðslunefndar - 2014030064

Lagður fram verkefnalisti fræðslunefndar.

Gerð var grein fyrir þeim verkefnum sem liggja fyrir og stöðu mála.

2.  

Bréf frá stjórn Félags kennara og stjórnenda í tónlistarskólum til sveitarstjórnarmanna. - 2017020098

Lagður fram tölvupóstur frá Dagrúnu Hjartardóttur, starfandi formanni félags kennara og stjórnenda í tónlistarskólum, dagsettur 9. febrúar sl., þar sem KÍ gerir athugasemdir við yfirlýsingu, sem samninganefnd Sambands íslenskra sveitarfélaga sendi frá sér 22. desember sl.um stöðuna í kjaraviðræðum þeirra við Félag kennara og stjórnenda í tónlistarskólum.

Fræðslunefnd þakkar Dagrúnu fyrir bréfið og lýsir jafnframt ánægju sinni yfir að samningar hafi náðst.

3.  

Íslandsmót iðn- og verkgreina 2017 - hvatning til sveitarfélaga og skóla - 2017020044

Lagður fram tölvupóstur Svandísar Ingimundardóttur, skólamálafulltrúa Sambands íslenskra sveitarfélaga, dagsettur 7. febrúar sl. þar sem kynnt er Íslandsmót iðn- og verkgreina 2017. Á mótinu gefst grunnskólanemendum tækifæri til að kynnast fjölbreyttu framboði iðn- og verknáms á framhaldsskólastigi, sjá nemendur á viðkomandi námssviðum spreyta sig á ólíkum verkefnum auk þess að fá sjálfir að reyna sig við ýmsar verklegar æfingar.
Verkiðn sér um skipulagningu og framkvæmd viðburðarins í samstarfi við fagfélög iðn- og verkgreina og framhaldsskóla og býður sveitarfélögum og skólum styrki til þess að koma nemendum á staðinn með rútum.
Bæjarráð vísaði erindinu til fræðslunefndar á 963. fundi sínum 13. febrúar sl.

Fræðslunefnd þakkar fyrir kynninguna.

4.  

Endurskoðun á skólastefnu Ísafjarðarbæjar - 2016100048

Lögð fram drög að skipulagi við endurskoðun skólastefnu Ísafjarðarbæjar.

Skipaður verður stýrihópur og stefnt að verklokum fyrir árslok 2017.

1.  

Svæðisskipulag fyrir Dalabyggð, Reykhólahrepp og Strandabyggð - beiðni um umsögn - 2016060025

Á 962. fundi bæjarráðs var lagður fram tölvupóstur Matthildar Kr. Elmarsdóttur, verkefnisstjóra svæðisskipulagsnefndar Dalabyggðar, Reykhólahrepps og Strandabyggðar, dagsettur 2. febrúar sl. Óskað er eftir umsögn Ísafjarðarbæjar um greiningaskýrslu, sem fylgir tölvupóstinum, vegna svæðisskipulagsgerðar og þarf umsögnin að berast fyrir 24. febrúar nk. Bæjarráð vísaði erindinu til skipulags- og mannvirkjanefndar.

Skipulags- og mannvirkjanefnd fagnar samstarfi Dalabyggðar, Reykhólahrepps og Strandabyggðar um gerð svæðisskipulags og óskar þeim velfarnaðar í áframhaldandi vinnu.

2.  

Æðartangi 6-8-10 - Umsókn um lóðir - 2017020157

Bryan Lynn Thomas, f.h. Kerecis ehf. sækir um lóðir við Æðartanga 6-8-10 skv. umsókn dags. 23.02.2017

Skipulags- og mannvirkjanefnd leggur til við bæjarstjórn að Kerecis ehf., fái lóðir við Æðartanga 6-8-10, Ísafirði skv. umsókn með þeim reglum sem í gildi eru og settar kunna að verða. Lóðarumsókn fellur úr gildi hafi teikningar ekki borist Ísafjarðarbæ innan 6 mánaða og framkvæmdir ekki hafist innan 12 mánaða frá úthlutun.

3.  

Æðartangi 12 - Umsókn um lóð - 2017020155

Einar Birkir Sveinbjörnsson sækir um lóð f.h. Gömlu Spýtunnar ehf. við Æðartanga 12, skv. umsókn dags. 03.02.2017

Skipulags- og mannvirkjanefnd leggur til við bæjarstjórn að Gamla Spýtan, fái lóð við Æðartanga nr.12 Ísafirði skv. umsókn með og þeim reglum sem í gildi eru og settar kunna að verða. Lóðarumsókn fellur úr gildi hafi teikningar ekki borist Ísafjarðarbæ innan 6 mánaða og framkvæmdir ekki hafist innan 12 mánaða frá úthlutun.

4.  

Æðartangi 14 - Umsókn um lóð - 2017020156

Arnar Kristjánsson sækir um lóð f.h. Sólberg ehf. við Æðartanga 14. Hjálagt er ódagsett umsókn.

Skipulags- og mannvirkjanefnd leggur til við bæjarstjórn að Sólberg efh. fái lóð við Æðartanga nr.14 Ísafirði skv. umsókn og með og þeim reglum sem í gildi eru og settar kunna að verða. Lóðarumsókn fellur úr gildi hafi teikningar ekki borist Ísafjarðarbæ innan 6 mánaða og framkvæmdir ekki hafist innan 12 mánaða frá úthlutun.

5.  

Deiliskipulag - Birkilundur Furulundur - 2016120035

Frumdrög að deiliskipulagi við Furulund og Birkilund ásamt skuggavarpi á lóðirnar, lagt fram til kynningar

Skipulagsfulltrúa falið að vinna málið áfram út frá umræðum á fundi.

6.  

Sindragata 4 - Deiliskipulag - 2016110020

Drög að deiliskipulagi fyrir Sindragötu 4, Ísafirði, frá Tækniþjónustu Vestfjarða, Lagt fram til kynningar,

Þann 23. nóvember 2006 var samþykkt tillaga um að breyta deiliskipulagi fyrir lóðina að Sindragötu 4 á Ísafirði. Breytingin fól í sér að skipta lóðinni í tvær lóðir, Sindragötu 4 og 4a. Deiliskipulagið reyndist ógilt vegna formgalla. Málið var tekið upp að nýju þann 09.11.2016

Skipulagsfulltrúa falið að vinna málið áfram.

7.  

Deiliskipulag-Suðurtangi - 2016060017

Frumdrög að nýju deiliskipulagi fyrir Suðurtanga, frá Verkís hf. lögð fram til kynningar. Um er að ræða tvær tillögur annarsvegar tillaga A og hinsvegar tillaga B

Skipulagsfulltrúa falið að vinna málið áfram.

8.  

Dýrafjarðargöng - Umsókn um framkvæmdaleyfi - 2016120021

Eftirfarandi erindi var áður á dagskrá á fundi skipulags- og mannvirkjanefndar þann 08.02.2017 þar sem því var frestað. Að ósk Vegagerðarinnar skv. bréfi dags. 22.02.2017 er erindið tekið fyrir að nýju.
Guðmundur Rafn Kristjánsson, f.h. Vegagerðarinnar, sækir um framkvæmdaleyfi fyrir jarðgöng milli Arnarfjarðar og Dýrafjarðar í Ísafjarðarbæ skv. umsókn dags. 16. janúar 2017. Sótt er um framkvæmdaleyfi til Ísafjarðarbæjar vegna Dýrafjarðarganga, á grundvelli 13. gr. skipulagslaga nr. 123/2010 og reglugerðar nr. 772/2012 um framkvæmdaleyfi. Framkvæmdin er matsskyld skv. lögum um mat á umhverfisáhrifum nr. 106/2000 og er matsskýrsla og álit Skipulagsstofnunar fyrirliggjandi og meðfylgjandi. Sótt er um framkvæmdina á grundvelli Aðalskipulags Ísafjarðarbæjar 2008-2020 og deiliskipulags í landi Dranga, í Dýrafirði og Rauðsstaða í Arnarfirði, þar sem gert er ráð fyrir jarðgöngum. Meðfylgjandi eru eftirfarandi gögn vegna framkvæmdarleyfisumsóknar. 1. Afstöðumynd 2. Hönnunargögn, jarðgöng, vegir og brýr 3. Fylgiskjal 3 lýsing á framkvæmd, upplýsingar úr útboðslýsingu. 4. Umhverfismat og álit Skipulagsstofnunar. Óskað er eftir leyfi fyrir framkvæmdinni í heild sinni eins og henni er lýst í meðfylgjandi gögnum. Vegagerðin hefur sótt um leyfi til Fiskistofu vegna efnistöku úr Hófsá, vegna byggingar brúa á Mjólká og Hofsá og ræsis í Kjaransstaðaá.

Skipulags- og mannvirkjanefnd leggur til við bæjarstjórn að heimila útgáfu framkvæmdaleyfis vegna Dýrafjarðargangna á grundvelli þeirra gagna sem fyrir liggja og samkvæmt skipulagslögum nr. 123/2010

1.  

Sameining sveitarfélaga á norðanverðum Vestfjörðum - 2017020048

Umræður um hvort kanna eigi möguleika á sameiningu sveitarfélaga og sækja um fjárframlag frá Jöfnunarsjóði sveitarfélaga til framkvæmdar slíkrar könnunar.

Bæjarráð leggur til við bæjarstjórn eftirfarandi ályktun:
Bæjarstjórn Ísafjarðarbæjar óskar eftir samstarfi við Súðavíkurhrepp um að kannaðir verði kostir og gallar á sameiningu og hvernig þróa megi ríkara samstarf sveitarfélaganna sbr. 119. gr. sveitarstjórnarlaga og sótt um fjárframlag frá Jöfnunarsjóði sveitarfélaga til framkvæmdar þeirrar könnunar.

2.  

Hestamannafélagið Hending - kröfugerð vegna reiðvallar - 2016050078

Lögð fram drög að samningi við Hestamannafélagið Hendingu.

Bæjarráð vísar samningnum til samþykktar bæjarstjórnar.

3.  

Gjaldskrá fráveitu 2017 - 2016020047

Lögð er fram tillaga að endurnýjaðri gjaldskrá fráveitu fyrir árið 2017.

Bæjarráð leggur til við bæjarstjórn að samþykkja gjaldskrá fráveitu fyrir árið 2017.

4.  

Fjárhagsáætlun 2018 - 2017020049

Kynnt er tillaga að ferli við fjárhagsáætlunarvinnu Ísafjarðarbæjar vegna ársins 2018 ásamt vinnuskipulagi þeirra starfsmanna sem koma að áætluninni.

Bæjarráð gerir ekki athugasemdir við tillöguna.

Daníel Jakobsson yfirgaf fundinn kl. 8:43.

5.  

Styrkbeiðni frá SFÍ - 2017010047

Viðauki vegna styrkbeiðni SFÍ vegna Unglingameistaramóts Íslands tekinn aftur á dagskrá. Á 394. fundi bæjarstjórnar var ákveðið að fresta viðauka vegna styrkbeiðni til SFÍ og skoða í samhengi við fyrirhugaðan uppbyggingarsamning við félagið.

Bæjarráð fellur frá styrkveitingunni en felur sviðsstjóra skóla- og tómstundasviðs í samstarfi við Skíðafélag Ísafirðinga að fella það sem farið er fram á í styrkbeiðninni inn í fyrirliggjandi uppbyggingasamning Skíðafélags Ísafirðinga vegna Tungudals.

6.  

Uppbyggingasamningar við SFÍ - Tungudal 2017-2019 - 2017020028

Kynnt eru drög að uppbyggingasamningi við Skíðafélag Ísafjarðarbæjar vegna uppbyggingar í Tungudal, þar sem lagt er til að framlag Ísafjarðarbæjar verði 3 milljónir á árunum 2017, 2018 og 2019, samtals 9 milljónir í samræmi við tillögu íþrótta- og tómstundanefndar frá 175. fundi nefndarinnar.

Bæjarráð fellur frá styrkveitingunni en felur sviðsstjóra skóla- og tómstundasviðs í samstarfi við Skíðafélag Ísafirðinga að fella það sem farið er fram á í styrkbeiðninni inn í fyrirliggjandi uppbyggingasamning Skíðafélags Ísafirðinga vegna Tungudals.
Bæjarráð leggur til að uppbyggingasamningur við Skíðafélag Ísafirðinga vegna Tungudals verði samþykktur með þeirri breytingu sem að framan greinir.

7.  

Uppbyggingas. við SFÍ - Seljalandsdalur 2017 - 2017020028

Kynnt eru drög að uppbyggingasamningi við Skíðafélag Ísfirðinga vegna uppbyggingar á Seljalandsdal, þar sem lagt er til að framlag Ísafjarðarbæjar verði 3 milljónir á árinu 2017 í samræmi við tillögu íþrótta- og tómstundanefndar frá 175. fundi nefndarinnar.

Bæjarráð leggur til við bæjarstjórn að samþykkja fyrirliggjandi uppbyggingasamning við Skíðafélag Ísfirðinga vegna uppbyggingar á Seljalandsdal.

Daníel Jakobsson mætir aftur til fundarins kl. 8:57.

8.  

Uppbyggingasamningar við Golfklúbb Ísafjarðar 2017 - 2017020028

Kynnt eru drög að uppbyggingasamningi við Golfklúbb Ísafjarðar, þar sem lagt er til að framlag Ísafjarðarbæjar verði 3 milljónir á árinu 2017 í samræmi við tillögu íþrótta- og tómstundanefndar frá 175. fundi nefndarinnar.

Bæjarráð leggur til við bæjarstjórn að samþykkja fyrirliggjandi uppbyggingasamning við Golfklúbb Ísafjarðar.

9.  

Uppbyggingas. við Skotíþróttafélag Ísafjarðar 2017 - 2017020028

Kynnt eru drög að uppbyggingasamningi við Skotíþróttafélag Ísafjarðar, þar sem lagt er til að framlag Ísafjarðarbæjar verði 3 milljónir á árinu 2017 í samræmi við tillögu íþrótta- og tómstundanefndar frá 175. fundi nefndarinnar.

Bæjarráð leggur til við bæjarstjórn að samþykkja fyrirliggjandi uppbyggingasamning við Skotíþróttafélag Ísafjarðar.

10.  

Málþing um aðgengismál fatlaðra - 2017020174

Lagður fram tölvupóstur Guðjóns Helgasonar, f.h. Öryrkjabandalag Íslands, dagsettur 24. febrúar sl., þar sem boðið er á málþing um algilda hönnun í almenningsrými, í borgum, bæjum og á ferðamannastöðum.

Lagt fram til kynningar.

11.  

Málþing - Sveitarfélögin og ferðaþjónustan - 2017020159

Lagður fram tölvupóstur Guðjóns Bragasonar, f.h. Sambands íslenskra sveitarfélaga, dagsettur 20. febrúar sl., þar sem kynnt er málþingið "Sveitarfélögin og ferðaþjónustan", sem haldið verður 3. mars nk. Markmið málþingsins er að sveitarstjórnarmenn komi saman til þess að ræða málefni ferðaþjónustu og þær áskoranir og tækifæri sem felast í fjölgun ferðamanna sem leggja leið sína hingað til lands. Einnig er lögð fram dagskrá málþingsins.

Lagt fram til kynningar.

12.  

Fjórðungssamband Vestfirðinga - fundargerðir 2017 - 2017010014

Lagður fram tölvupóstur Aðalsteins Óskarssonar, f.h. Fjórðungssambands Vestfirðinga, dagsettur 20. febrúar sl., ásamt fundargerð stjórnarfundar sambandsins frá 16. febrúar sl.

Fundargerðin lögð fram til kynningar.

13.  

Fundargerðir heilbrigðisnefndar og ýmis erindi 2017 - 2017020078

Lagður fram ársreikningur Heilbrigðiseftirlits Vestfjarða fyrir árið 2016, dagsettur 10. febrúar sl.

Fundargerðin lögð fram til kynningar.

14.  

Fræðslunefnd - 377 - 1702014F

Lögð er fram fundargerð 377. fundar fræðslunefndar sem haldinn var 23. febrúar sl., fundargerðin er í 4 liðum.

Fundargerðin lögð fram til kynningar.

Brynar Þór Jónasson, sviðsstjóri umhverfis- og eignasviðs mætir til fundarins kl. 9:10.

15.  

Skipulags- og mannvirkjanefnd - 472 - 1702021F

Lögð er fram fundargerð 472. fundar skipulags- og mannvirkjanefndar sem haldinn var 24. febrúar sl., fundargerðin er í 8 liðum.

Fundargerðin lögð fram til kynningar.

16.  

Umhverfis- og framkvæmdanefnd - 42 - 1702017F

Lögð er fram fundargerð 42. fundar umhverfis- og framkvæmdanefndar sem haldinn var 21. febrúar sl., fundargerðin er í 3 liðum.

Fundargerðin lögð fram til kynningar.

1.  

Æðartangi 6-8-10 - Umsókn um lóðir - 2017020157

Skipulags- og mannvirkjanefnd leggur til við bæjarstjórn að Kerecis ehf., fái lóðir við Æðartanga 6-8-10, Ísafirði skv. umsókn með þeim reglum sem í gildi eru og settar kunna að verða. Lóðarumsókn fellur úr gildi hafi teikningar ekki borist Ísafjarðarbæ innan 6 mánaða og framkvæmdir ekki hafist innan 12 mánaða frá úthlutun.

Til máls tóku: Nanný Arna Guðmundsdóttir, forseti, Gísli Halldór Halldórsson, bæjarstjóri og Sigurður Jón Hreinsson.

Gísli Halldór Halldórsson, bæjarstjóri, leggur fram eftirfarandi breytingatillögu:
Bæjarstjórn samþykkir tillögu skipulags- og mannvirkjanefndar með þeirri breytingu að með vísan í úthlutunarreglur Ísafjarðarbæjar, lið 3.8, verði lóðinni úthlutað til 24 mánaða, með þeim ákvæðum sem gilda samkvæmt lið 3.8.

„Samkv. úthlutunarreglum, liður 3.8:
Í sérstökum tilfellum er heimilt að sækja um lóðir án þess að fyrirhugað sé að byggja á lóðinni í náinni framtíð. Þetta á sérstaklega við á athafnasvæðum þar sem fyrirtæki í örum vexti hyggst tryggja sér stækkunarmöguleika. Greiða skal 50% af áætluðu gatnagerðagjaldi sem fæst endurgreitt m.v. byggingavísitölu ef ekki verður af byggingu á lóðinni. Slík úthlutun gildir að hámarki til þriggja ára“

Forseti ber breytingatillögu bæjarstjóra upp til atkvæða.

Tillagan samþykkt 9-0.

Forseti ber tillögu skipulags- og mannvirkjanefndar, með breytingum samkvæmt breytingatillögu bæjarstjóra, upp til atkvæða.

Tillagan samþykkt 9-0.

2.  

Æðartangi 12 - Umsókn um lóð - 2017020155

Skipulags- og mannvirkjanefnd leggur til við bæjarstjórn að Gamla Spýtan, fái lóð Við Æðartanga nr.12 Ísafirði skv. umsókn með og þeim reglum sem í gildi eru og settar kunna að verða. Lóðarumsókn fellur úr gildi hafi teikningar ekki borist Ísafjarðarbæ innan 6 mánaða og framkvæmdir ekki hafist innan 12 mánaða frá úthlutun.

Til máls tóku Nanný Arna Guðmundsdóttir, forseti.

Forseti ber tillöguna upp til atkvæða.

Tillagan samþykkt 9-0.

3.  

Æðartangi 14 - Umsókn um lóð - 2017020156

Skipulags- og mannvirkjanefnd leggur til við bæjarstjórn að Sólberg efh. fái lóð við Æðartanga nr.14 Ísafirði skv. umsókn og með þeim reglum sem í gildi eru og settar kunna að verða. Lóðarumsókn fellur úr gildi hafi teikningar ekki borist Ísafjarðarbæ innan 6 mánaða og framkvæmdir ekki hafist innan 12 mánaða frá úthlutun.

Til máls tók: Nanný Arna Guðmundsdóttir, forseti.

Forseti ber tillöguna upp til atkvæða.

Tillagan samþykkt 9-0.

4.  

Dýrafjarðargöng - Umsókn um framkvæmdaleyfi - 2016120021

Skipulags- og mannvirkjanefnd leggur til við bæjarstjórn að heimila útgáfu framkvæmdaleyfis, vegna Dýrafjarðarganga á grundvelli þeirra gagna sem fyrir liggja og samkvæmt skipulagslögum nr. 123/2010

Til máls tóku: Nanný Arna Guðmundsdóttir, forseti, Gísli Halldór Halldórsson, bæjarstjóri og Sigurður Jón Hreinsson.

Forseti ber tillöguna upp til atkvæða.

Tillagan samþykkt 9-0.

5.  

Sameining sveitarfélaga á norðanverðum Vestfjörðum - 2017020048

Tillaga frá 965. fundi bæjarráðs, 27. febrúar 2017.

Bæjarráð leggur til við bæjarstjórn eftirfarandi ályktun:
Bæjarstjórn Ísafjarðarbæjar óskar eftir samstarfi við Súðavíkurhrepp um að kannaðir verði kostir og gallar á sameiningu og hvernig þróa megi ríkara samstarf sveitarfélaganna sbr. 119. gr. sveitarstjórnarlaga og sótt verði um fjárframlag frá Jöfnunarsjóði sveitarfélaga til framkvæmdar þeirrar könnunar.

Til máls tóku: Nanný Arna Guðmundsdóttir, forseti, Jónas Þór Birgisson, Gísli Halldór Halldórsson, bæjarstjóri, Daníel Jakobsson, Kristín Hálfdánsdóttir, Marzellíus Sveinbjörnsson, Kristján Andri Guðjónsson og Sigurður Jón Hreinsson.

Forseti ber tillöguna upp til atkvæða.

Tillagan samþykkt 8-0.

Kristín Hálfdánsdóttir situr hjá.

Jónas Þór Birgisson gerir grein fyrir atkvæði sínu.

Greinargerð:
Á árunum 2009-2010 var skipuð svokölluð Hundraðdaganefnd um fýsileika þess að sameina sveitarfélögin Ísafjarðarbæ, Bolungarvíkurkaupstað og Súðavíkurhrepp. Niðurstöður voru blendnar og leiddu ekki til frekari úrvinnslu. Samkvæmt niðurstöðum var helsti kostur sameiningar að sameinað sveitarfélag yrði öflugri stjórnsýslueining og hefði forsendur til að veita sérhæfðari þjónustu. Helsti gallinn var talinn hættan á að sameining leiddi til þess að drægi úr fjölbreytni atvinnulífs í smærri samfélögum.
Nokkur tími er liðinn frá skýrslu Hundraðdaganefndar og hefur efnahagsumhverfi breyst og framtíðarhorfur eru allt aðrar en var árið 2010. Fyrirsjáanleg er mikil uppbygging í fiskeldi og ferðaþjónustu sem kallar á aukinn styrk sveitarfélaganna til að takast á við verkefni í skipulagi, stefnumótun og annarri þjónustu. Jafnframt hafa kröfur á sveitarfélög aukist verulega á undaförnum árum vegna laga, reglna, flutnings verkefna og aukinna krafna í þjóðfélaginu. Ástæða er til að íhuga vandlega þann samfélagslega og hagræna ávinning sem gæti falist í sameiningu sveitarfélaganna.
Óformlegar viðræður sveitarstjórnarfólks í sveitarfélögunum á norðanverðum Vestfjörðum hafa farið fram og þar kom fram að vilji til frekari skoðunar þessara mála er til staðar hjá Súðavíkurhreppi og Ísafjarðarbæ.

6.  

Gjaldskrá tjaldsvæða 2017 - 2016020047

Umhverfis- og framkvæmdanefnd leggur til við bæjarstjórn að breytt gjaldskrá fyrir tjaldsvæði 2017 verði samþykkt.

Til máls tóku: Nanný Arna Guðmundsdóttir, forseti og Daníel Jakobsson.

Verðið tekur breytingum með gistináttaskatti.

Forseti ber tillöguna upp til atkvæða.

Tillagan samþykkt 9-0

7.  

Gjaldskrá fráveitu 2017 - 2016020047

Bæjarráð lagði til við bæjarstjórn á 965. fundi sínum, 27. febrúar sl., að samþykkja nýja gjaldskrá fráveitu fyrir árið 2017.

Til máls tók: Nanný Arna Guðmundsdóttir, forseti.

Forseti ber tillöguna upp til atkvæða.

Tillagan samþykkt 9-0.

Daníel Jakobsson víkur af fundi kl 18:00, undir þessum lið.

8.  

Uppbyggingasamningur við Skíðafélag Ísfirðinga, Seljalandsdalur - 2017020028

Bæjarráð lagði til við bæjarstjórn á 965. fundi sínum, 27. febrúar sl., að samþykkja fyrirliggjandi uppbyggingasamning við Skíðafélag Ísfirðinga vegna uppbyggingar á Seljalandsdal, þar sem lagt er til að framlag Ísafjarðarbæjar verði 3 milljónir króna á árinu 2017 í samræmi við tillögu íþrótta- og tómstundanefndar frá 175. fundi nefndarinnar.

Til máls tóku: Nanný Arna Guðmundsdóttir, forseti, Daníel Jakobsson, Gísli Halldór Halldórsson, bæjarstjóri, Sigurður Jón Hreinsson og Kristján Andri Guðjónsson.

Daníel Jakobsson tilkynnir að hann víki af fundi undir þessum lið, þar sem málið er honum skylt.

Forseti ber tillöguna upp til atkvæða.

Tillagan samþykkt 8-0.

Daníel Jakobsson kemur aftur inn á fundinn kl 18:11.

Kristín Hálfdánsdóttir víkur af fundi kl. 18:15, undir þessum lið.

9.  

Uppbyggingasamningur við Golfklúbb Ísafjarðar - 2017020028

Bæjarráð lagði til við bæjarstjórn á 965. fundi sínum, 27. febrúar sl., að samþykkja fyrirliggjandi uppbyggingasamning við Golfklúbb Ísafjarðar, þar sem lagt er til að framlag Ísafjarðarbæjar verði 3 milljónir króna á árinu 2017 í samræmi við tillögu íþrótta- og tómstundanefndar frá 175. fundi nefndarinnar.

Til máls tóku: Nanný Arna Guðmundsdóttir, forseti, Kristín Hálfdánsdóttir, Kristján Andri Guðjónsson og Sigurður Jón Hreinsson.

Áður en umræður um þennan lið hefjast kynnir Kristín Hálfdánsdóttir starfsemi Golfklúbbsins, og tilkynnir því næst að hún víki af fundi undir þessum lið, þar sem málið er henni skylt.

Forseti ber tillöguna upp til atkvæða.

Tillagan samþykkt 8-0.

Kristín Hálfdánsdóttir kemur aftur inn á fundinn kl. 18:17.

10.  

Uppbyggingasamningur við Skotíþróttafélag Ísafjarðar - 2017020028

Bæjarráð lagði til við bæjarstjórn á 965. fundi sínum, 27. febrúar sl., að samþykkja fyrirliggjandi uppbyggingasamning við Skotíþróttafélag Ísafjarðar, þar sem lagt er til að framlag Ísafjarðarbæjar verði 3 milljónir króna á árinu 2017 í samræmi við tillögu íþrótta- og tómstundanefndar frá 175. fundi nefndarinnar.

Til máls tóku: Nanný Arna Guðmundsdóttir, forseti, Gunnhildur Björk Elíasdóttir og Sigurður Jón Hreinsson.

Forseti ber tillöguna upp til atkvæða.

Tillagan samþykkt 9-0.

11.  

Hestamannafélagið Hending - kröfugerð vegna reiðvallar - 2016050078

Bæjarráð lagði til við bæjarstjórn á 965. fundi sínum, 27. febrúar sl., að samningur við Hestamannafélagið Hendingu yrði samþykktur.

Til máls tóku: Nanný Arna Guðmundsdóttir, forseti, Gísli Halldór Halldórsson, bæjarstjóri, Daníel Jakobsson, Marzellíus Sveinbjörnsson, Kristján Andri Guðjónsson, Gunnhildur Björk Elíasdóttir, Kristín Hálfdánsdóttir, Sigurður Jón Hreinsson og Jónas Þór Birgisson.

Lögð fram breytingatillaga bæjarstjóra, með nýrri útfærslu á 3. grein samningsins.

Daníel Jakobsson leggur fram eftirfarandi breytingatillögu.
Ísafjarðarbær samþykkir að gera samkomulag um byggingu reiðskemmu með Hestamannafélaginu Hendingu og leggja til verksins 30.000.000 kr. auk jarðefnis undir bygginguna. Til viðbótar komi framlag Vegagerðarinnar vegna bóta fyrir skerðingu á aðstöðu félagsins í Hnífsdal að upphæð 20.000.000 kr. Í tengslum við þetta samkomulag falli Hestamannafélagið Hending frá kröfum á Ísafjarðarbæ og Vegagerðina um bætur vegna þeirrar aðstöðu sem var í Hnífsdal.
Skipuð verði byggingarnefnd sem í sitja tveir aðilar frá hestamönnum og einn frá umhverfis- og eignasviði Ísafjarðarbæjar, sem mun vinna að samningi um skiptingu kostnaðar og eignarhald þegar að skilalýsing og kostnaðaráætlun liggur fyrir.
Nefndin taki að sér að gera þarfagreiningu og skilalýsingu fyrir bygginguna og nákvæma kostnaðaráætlun með magntölum, ákvörðun um endanlega staðsetningu, stærð og efnisvali. Hvaða búnaður og innréttingar þurfa að vera í húsinu, t.d. hvað verði upphitað, salerni og félagsaðstaða, áhorfendur o.s.frv.
Byggingarnefnd kemur sér saman um verkframgang og áfangskiptingu í útboðsverkum sem er algjör forsenda svona framkvæmda.
Jafnframt gerir byggingarnefnd tillögu um það hvenær og að loknum hvaða verkþáttum greiðslur bæjarins eru inntar af hendi.
Nefndin skoði hvað sé heppilegasta eignarhald á byggingunni með tilliti til rekstrarkostnaðar.
Við undirritun samkomulags á grundvelli þessarar yfirlýsingar bæjarstjórnar verði Hendingu greiddar 20.000.000 kr. framlag Vegagerðarinnar.

Forseti ber breytingatillögu Daníels Jakobssonar upp til atkvæða.

Tillagan felld af meirihluta 5-3.
Daníel Jakobsson situr hjá við atkvæðagreiðsluna.

Forseti ber breytingatillögu bæjarstjóra upp til atkvæða.

Tillagan samþykkt af meirihluta 5-3.
Daníel Jakobsson situr hjá við atkvæðagreiðsluna.

Forseti ber tillöguna, ásamt breytingum bæjarstjóra, í heild sinni upp til atkvæða.

Tillagan samþykkt af meirihluta 5-3.
Marzellíus Sveinbjörnsson situr hjá við atkvæðagreiðsluna.

12.  

Bæjarráð - 964 - 1702018F

Lögð er fram fundargerð 964. fundar bæjarráðs sem haldinn var 20. febrúar sl., fundargerðin er í 15 liðum.

Til máls tók: Nanný Arna Guðmundsdóttir, forseti.

Fundargerðin lögð fram til kynningar.

13.  

Bæjarráð - 965 - 1702022F

Lögð er fram fundargerð 965. fundar bæjarráðs sem haldinn var 27. febrúar sl., fundargerðin er í 16 liðum.

Til máls tók: Nanný Arna Guðmundsdóttir, forseti.

Fundargerðin lögð fram til kynningar.

14.  

Fræðslunefnd - 377 - 1702014F

Lögð er fram fundargerð 377. fundar fræðslunefnar sem haldinn var 23. febrúar sl., fundargerðin er í 4 liðum.

Til máls tók: Nanný Arna Guðmundsdóttir, forseti.

Fundargerðin lögð fram til kynningar.

15.  

Skipulags- og mannvirkjanefnd - 472 - 1702021F

Lögð er fram fundargerð 472. fundar skipulags- og mannvirkjanefndar sem haldinn var 24. febrúar sl., fundargerðin er í 8 liðum.

Til máls tók: Nanný Arna Guðmundsdóttir, forseti.

Fundargerðin lögð fram til kynningar.

16.  

Umhverfis- og framkvæmdanefnd - 42 - 1702017F

Lögð er fram fundargerð 42. fundar umhverfis- og framkvæmdanefndar sem haldinn var 21. febrúar sl., fundargerðin er í 3 liðum.

Til máls tók: Nanný Arna Guðmundsdóttir, forseti.

Fundargerðin lögð fram til kynningar.

1.  

Gjaldskrá Safnahúss, fjárhagsáætlun 2017 - 2016020047

Lagt er fram minnisblað Jónu Símoníu Bjarnadóttur, forstöðumanns Safnahússins, dags. 1. mars sl., þar sem óskað er eftir þremur breytingum á gjaldskrá Safnahússins.

Bæjarráð vísar gjaldskránni til samþykktar í bæjarstjórn.

2.  

Nýherji - breyting á verðskrá - 2016060013

Lagt fram bréf Gunnars Zoega, f.h. Nýherja, þar sem tilkynnt er um 5,9% verðhækkun á útseldri tímavinnu starfsmanna, til að mæta hækkun launa á vinnumarkaði.

Lagt fram til kynningar.

3.  

Málþingið Vestfirska vorið - 2017020183

Lagt fram bréf Hermanns Bjarnar Þorsteinssonar, sem barst með tölvupósti 27. febrúar sl., vegna málþings sem haldið verður á Flateyri 5. og 6. maí nk. og ber heitir "Vestfirska vorið". Markmið málþingsins er að vekja athygli á vestfirsku samfélagi og málefnum dreifðra byggða á Íslandi.
Óskað er eftir því að Ísafjarðarbær sjái um fríar ferðir til og frá Ísafjarðarflugvelli, fyrir gesti málþingsins.

Bæjarráð samþykkir erindið.

4.  

Styrktarsjóður EBÍ 2017 - 2017020194

Lagt fram bréf Önnu Sigurðardóttur, framkvæmdastjóra Eignarhaldsfélagsins Brunabótafélags Íslands, dagsett 23. febrúar sl. Vakin er athygli á að umsóknarfrestur um styrk úr sjóðnum er til aprílloka, og kynntar eru breytingar á reglum sjóðsins.

Bæjarráð felur sviðsstjórum að sækja um styrk til Eignarhaldsfélagsins Brunabótafélags Íslands.

5.  

Barnasýningar í boði Þjóðleikhússins - 2016060097

Lagður fram tölvupóstur Ara Matthíassonar, þjóðleikhússtjóra, dagsettur 28. febrúar sl., þar sem hann þakkar fyrir samstarfið um leiksýninguna Lofthrædda örninn Örvar, sem sýnd var sl. haust.

Bæjarráð Ísafjarðarbæjar hvetur menntamálaráðherra og forsvarsmenn Þjóðleikhússins til að gera Þjóðleikhúsinu kleift að vera þjóðleikhús allra landsmanna, t.d. þannig að ekki þurfi að kosta sérstaklega til að börn á landsbyggðinni fái að njóta sýninga Þjóðleikhússins.

6.  

Íbúðamarkaðurinn á Ísafirði - 2017010050

Lögð er fram til kynningar úttekt Reykjavík Economics á íbúðamarkaðinum í Ísafjarðarbæ, dags. í desember 2016.

Lagt fram til kynningar.

7.  

Þjónustukjarni á Þingeyri - Blábanki - 2015100017

Kynnt eru drög að samningi vegna stofnunar Blábankans.

Bæjarráð vísar samningum til bæjarstjórnar.

8.  

31. landsþing Sambands íslenskra sveitarfélaga - 2017020096

Lagður fram tölvupóstur Magnúsar Karels Hannessonar, f.h. Sambands íslenskra sveitarfélaga, dagsettur 25. febrúar sl., með boði á 31. landsþing sambandsins, sem haldið verður 24. mars nk.

Lagt fram til kynningar.

9.  

Act Alone - styrkbeiðni - 2017020093

Lagður fram að nýju tölvupóstur Elfars Loga Hannessonar, dagsettur 17. febrúar sl., þar sem hann óskar eftir auknum fjárstuðningi Ísafjarðarbæjar við hátíðina Act Alone. Framtíð leiklistarhátíðarinnar er í húfi vegna erfiðleika við fjármögnun.

Bæjarráð felur bæjarstjóra að gera viðauka að fjárhæð kr. 200.000,- vegna viðbótarstyrks til Act Alone 2017 og leggur til við bæjarstjórn að samþykkja styrkveitinguna.

Bæjarráð telur óásættanlegt að leikhúsi á landsbyggðinni, utan Akureyrar og Reykjavíkur, sé ekki veittur fjárstuðningur og Act Alone sé dæmi um leikviðburð sem eðlilegt er að fái fjármagn frá ríkinu.

10.  

Uppbyggingasamningar við SFÍ vegna Tungudals 2017-2019 - 2017020028

Kynnt eru drög að uppbyggingasamningi við Skíðafélag Ísfirðinga vegna uppbyggingar í Tungudal, þar sem lagt er til að framlag Ísafjarðarbæjar verði 4 milljónir á árinu 2017 og 3 milljónir á ári árin 2018 og 2019.

Bæjarráð leggur til við bæjarstjórn að samþykkja fyrirliggjandi uppbyggingasamning við Skíðafélag Ísfirðinga vegna uppbyggingar í Tungudal.

11.  

Beiðni um viðbótarstuðning á leikskóla - 2017030009

Kynnt er minnisblað Margrétar Halldórsdóttur, sviðsstjóra skóla- og tómstundasviðs, um heimild til að ráða starfsmann til að sinna einstaklingsþjálfun nemanda í leikskóla á tímabilinu 15. mars - 15. ágúst 2017.

Bæjarráð leggur til við bæjarstjóra að gera viðauka vegna beiðninnar og leggja fram til samþykktar í bæjarstjórn.

12.  

Úttekt frárennslislagna 2016 - 2016110066

Kynnt er minnisblað sviðsstjóra umhverfis- og eignasviðs Ísafjarðarbæjar, Brynjars Þórs Jónassonar, dags. 3. mars 2017, varðandi úttekt á frárennslislögnum Ísafjarðarbæjar. Í minnisblaðinu leggur sviðsstjóri umhverfis- og eignasviðs til að samið verði við Verkís hf. um framkvæmd verksins.

Bæjarráð felur bæjarstjóra að gera viðauka vegna verksins og leggja fram til samþykktar í bæjarstjórn.

15.  

Samgönguáætlun 2014-2018 - 2015040052

Umræður um breytingar á Samgönguáætlun sem tilkynntar voru 2. mars sl.

Bæjarráð Ísafjarðarbæjar mótmælir þeirri stefnu stjórnvalda að fjármagna ekki samgöngukerfi landsins með þeim hætti sem nauðsynlegt er og líta þar með framhjá þeirri miklu þörf sem er í uppbyggingu innviða. Bætt samgöngukerfi er ein af forsendum þeirrar uppbyggingar sem þarf að eiga sér stað á Íslandi vegna vaxtar atvinnulífsins á sviði ferðamála og fiskeldis.

16.  

Gjaldskrár - Fjárhagsáætlun 2018 - 2017020049

Umræður um gjaldskrár 2018.

Umræður fóru fram um gjaldskrárbreytingar á árinu 2018.

13.  

Fundargerðir 2017 - Samband íslenskra sveitarfélaga - 2017010019

Lagður fram tölvupóstur Magnúsar Karels Hannessonar, f.h. Sambands íslenskra sveitarfélaga, dagsettur 1. mars sl., ásamt fundargerð 847. fundar stjórnar sambandsins, sem haldinn var 24. febrúar sl.

Lagt fram til kynningar.

14.  

Öldungaráð - 5 - 1702016F

Lögð er fram fundargerð 5. fundar öldungaráðs, sem haldinn var 14. febrúar sl. Fundargerðin er í 3 liðum.

Lagt fram til kynningar.

1.  

Uppbygging knattspyrnumannvirkja á Torfnesi - ósk um fund með Ísafjarðarbæ - 2017010066

Fulltrúar íþróttafélagsins Vestra og HSV mæta til fundar við skipulags- og mannvirkjanefnd til að ræða uppbyggingu knattspyrnumannvirkja á Torfnesi.

Fulltrúar Vestra og HSV óska eftir upplýsingum um fyrirætlanir í uppbyggingu knattspyrnumannvirkja á Torfnesi og óskuðu eftir samstarfi við Ísafjarðarbæ um uppbyggingu knattspyrnumannvirkja.

Fulltrúar HSV og Vestra mættu til fundar og ræddu um uppbyggingu íþróttamannvirkja á Torfnesi. Skipulags- og mannvirkjanefnd óskar heimildar bæjarstjórnar til að hefja formlega skipulagsvinnu á Torfnesi.

2.  

Hafnarstræti 15 - 17 Umsókn um lóð - 2016100041

Lagt fram bréf dags. 09.02.2017 frá íbúum Hafnarstrætis 18, þar sem óskað er eftir upplýsingum um fyrirætlanir á lóðum Hafnarstrætis gegnt Landsbanka. Einnig óska íbúar og eigendur Hafnarstrætis eftir upplýsingum um stefnu bæjarins á bæjarsýn t.a.m. byggingastíl, byggingaefni og lóðaskipulag í miðbæ Ísafjarðar.

Skipulags- og byggingafulltrúa falið að svara erindinu.

3.  

Deiliskipulag - Birkilundur Furulundur - 2016120035

Drög að óverulegri breytingu á deiliskipulagi í Furulundi í Tunguhverfi, voru lögð fram á fundi nr. 472 hjá skipulags- og mannvirkjanefnd 24. febrúar sl. Drögin merkt Frumdrög D gera ráð fyrir að aukalóð verði bætt við Furulund 2-8 þannig að fjöldi raðhúsalóða verða fimm í stað fjögurra. Fyrir liggur nýr uppdráttur út frá fyrri drögum og lagður fram til grenndarkynningar.

Skipulags- og mannvirkjanefnd samþykkir að grenndarkynna óverulega breytingu á deiliskipulagi við Furulund í Tunguhverfi skv. 2. mgr. 43.gr. skipulagslaga nr. 123/2010 fyrir hagsmunaaðilum, eigendum og íbúum aðliggjandi lóða. Skipulags- og mannvirkjanefnd telur að grenndarkynna þurfi breytinguna fyrir ábúanda bæjarins Efri Tungu í botni Skutulsfjarðar.

4.  

Deiliskipulag - Naustahvilft - 2016100047

Skipulagslýsing dags. 25.01.2017 vegna nýs deiliskipulags við Naustahvilft kynnt fyrir skipulags- og mannvirkjanefnd. Einnig drög að greinargerð deiliskipulags dags. febrúar 2017 lagt fram til kynningar.

Lagt fram til kynningar.

5.  

Hjallavegur 5-7, Flateyri - breytingar á svölum og verönd - 2017010079

Á 19. afgreiðslufundi byggingafulltrúa Ísafjarðarbæjar þann 10.02.2017 var eftirfarandi erindi tekið fyrir: Jón Grétar Magnússon sækir um byggingaleyfi f.h. Hjálma Fasteigna ehf. Sótt er um stækkun svala og að girða af verönd, skv. umsókn og uppdráttum frá Hugsjón ehf. dags. 17.01.2017
Ekkert deiliskipulag er í gildi fyrir svæðið. Umsókninni vísað til skipulags- og mannvirkjanefndar.

Skipulags- og mannvirkjanefnd samþykkir erindið og telur að ekki þurfi að grenndarkynna breytingu á svölum eða verönd þar sem grenndaráhrif eru óveruleg. Nefndin bendir jafnframt á að breidd svala þurfi að vera a.m.k. 160 cm með vísan í gr.9.5.3. í byggingarreglugerð 112/2012.
Byggingafulltrúa falið að vinna málið með vísan í ofangreint.

6.  

Umsókn um framkvæmdaleyfi - Kaldárvirkjun Önundarfirði - 2017030014

Birkir Þór Guðmundsson sækir um framkvæmdaleyfi fyrir Kaldárvirkjun í Önundarfirði í samræmi við 13.gr. skipulagslaga nr. 123/2010 og reglugerð um framkvæmdaleyfi nr. 772/2012. Eftirfarandi gögn eru lögð fram.

1. Umsókn um framkvæmdaleyfi dags. dags. 24.02.2017.

2. Ákvörðun um matsskyldu þar sem gerð er ýtarleg grein fyrir framkvæmdum og niðurstaða Skipulagsstofnunar um matsskyldu.

3.Greinargerð skipulags þar sem kemur fram hvernig frágangi og mótvægisaðgerðum verður háttað m.t.t. gróðurrasks.

4.Yfirlitsmynd

5.Hönnunargögn s.s. inntak fallpípu, þversnið fallpípu, vegþversnið. Stöðvarhús útlit.

Skipulags- og mannvirkjanefnd leggur til við bæjarstjórn að heimila útgáfu framkvæmdaleyfis.

7.  

Umsókn um framkvæmdaleyfi - Þverárvirkjun Önundarfirði - 2017030013

Birkir Þór Guðmundsson sækir um framkvæmdaleyfi fyrir Þverárvirkjun í Önundarfirði í samræmi við 13.gr. skipulagslaga nr. 123/2010 og reglugerð um framkvæmdaleyfi nr. 772/2012. Eftirfarandi gögn eru lögð fram.

1. Umsókn um framkvæmdaleyfi dags. dags. 24.02.2017.

2. Ákvörðun um matsskyldu þar sem gerð er ýtarleg grein fyrir framkvæmdum og niðurstaða Skipulagsstofnunar um matsskyldu.

3.Greinargerð skipulags þar sem kemur fram hvernig frágangi og mótvægisaðgerðum verður háttað m.t.t. gróðurrasks.

4.Yfirlitsmynd

5.Hönnunargögn s.s. inntak fallpípu, þversnið fallpípu, vegþversnið. Stöðvarhús útlit.

Skipulags- og mannvirkjanefnd leggur til við bæjarstjórn að heimila útgáfu framkvæmdaleyfis.

8.  

Vindorkustöð - Umsókn um byggingaleyfi - 2017030012

Jón Grétar Magnússon sækir um byggingaleyfi f.h. Græðis ehf. vegna 25kW vindorkustöðvar til raforkuframleiðslu. skv. ódagsettri umsókn ásamt útlits og afstöðumynd.

Erindi frestað

9.  

Umsókn um stöðuleyfi fyrir matarvagn á Silfurtorgi - 2017010075

Lagðar fram ljósmyndir af matsöluvagni frá Sunnu Jökulsdóttur vegna stöðuleyfisumsóknar. Málið var áður á dagsskrá á 471. fundi skipulags- og mannvirkjanefndar.

Skipulags samþykkir erindið og felur byggingarfulltrúa að ganga frá málinu út frá staðsetningu.

10.  

Umsókn um Stöðuleyfi - Gunnar Sæmundsson - 2016120003

Erindið var áður á dagsskrá á 471.fundi skipulags- og mannvirkjanefndar, erindi var frestað m.t.t. til nýrrar staðsetningar skv. umræðum á fundi og tímabils leyfisveitingar.

Skipulags- og mannvirkjanefnd samþykkir að gámur verði staðsettur á horni Aðalstrætis og Mjósunds og frá byrjun maí og út september. Gámur skal staðsettur yfir vetrartíma á hafnarsvæði í samráði við hafnarstjóra.

1.  

Fjárhagsáætlun 2018 - 2017020049

Umræður um fjárfestingaráætlun 2018-2021 og gjaldskrár 2018.

Umræður um fjárfestingar, viðhald og gjaldskrár árið 2018.

Gestir

Brynjar Þór Jónasson, sviðsstjóri umhverfis- og eignasviðs - 08:05

Edda María Hagalín, fjármálastjóri - 08:12

Edda María Hagalín yfirgefur fundinn kl. 9:25.

2.  

Asahláka í febrúar 2015 - 2015020033

Kynnt ódagsett drög að samkomulagi um uppgjör tjónabóta milli Ísafjarðarbæjar og Viðlagatryggingar Íslands, vegna tjóns á eignum Ísafjarðarbæjar á Ísafirði og Suðureyri í asahláku 8. febrúar 2015.

Bæjarráð vísar drögum að samkomulagi milli Ísafjarðarbæjar og Viðlagatryggingar Íslands til samþykktar í bæjarstjórn.

3.  

Svæðisáætlun Sorpmál - 2015090028

Umhverfis- og framkvæmdanefnd Ísafjarðarbæjar leggur til við bæjarráð að skipuð verði nefnd um útboð á sorpmálum sveitarfélaganna með fulltrúum Ísafjarðarbæjar, Bolungarvíkurkaupstaðar og Súðavíkurhrepps.

Fulltrúar Sjálfstæðisflokksins í umhverfisnefnd Ísafjarðarbæjar leggja til að áður en haldið verður áfram við vinnu við útboð í sorpmálum, þá verði haft samband við nágrannasveitarfélög okkar Bolungarvíkurkaupstað og Súðavíkurhrepp til að skoða hvort ekki sé flötur fyrir sameiginlegu útboði. Það gefur auga leið að um sameiginlegt hagsmunamál allra sveitarfélaganna er að ræða, bæði kostnaðarlega og umhverfislega. Við leggjum til að skipuð verði nefnd með fulltrúum allra sveitarfélaganna hið fyrsta og unnið verði hratt og vel í undirbúningi að sameiginlegu útboði í sorpmálum.

Bæjarráð felur sviðsstjóra umhverfis- og eignasviðs að ræða samstarfsmöguleika í sorpmálum við Bolungarvíkurkaupstað og Súðavíkurhrepp og aðkomu þeirra að væntanlegu útboði Ísafjarðarbæjar.

Brynjar Þór Jónasson yfirgefur fundinn kl. 9:37.

4.  

Kennslumínútnafjöldi í list- og verkgreinum í grunnskólum - 2017030019

Lagður fram tölvupóstur Margrétar Harðardóttur, f.h. mennta- og menningarmálaráðuneytis, dagsettur 7. mars sl., um fréttatilkynningu mennta- og menningarmálaráðuneytis með niðurstöðum úrvinnslu á upplýsingum frá Hagstofu Íslands um kennslustundafjölda í list- og verkgreinum í grunnskólum fyrir skólaárin 2013-2014, 2014-2015 og 2015-2016. Í tilkynningunni er lögð áhersla á að sveitarstjórnir sjái til þess að allir nemendur fái þann lágmarkskennslumínútnafjölda á skólaári sem þeim ber.

Lagt fram til kynningar og vísað til fræðslunefndar.

5.  

Beiðni um fjárframlag vegna vinabæjarheimsóknar 10. bekkjar til Kaufering haustið 2017 - 2017030025

Lagt fram bréf Herdísar M. Hübner, kennara við Grunnskólann á Ísafirði, sem barst með tölvupósti 8. mars sl., þar sem óskað er eftir fjárframlagi vegna vinabæjarheimsóknar 10. bekkjar til Kaufering haustið 2017.

Bæjarráð felur sviðsstjóra skóla- og tómstundasviðs að athuga hvort hægt sé að finna verkefninu stað innan núverandi fjárheimilda skóla- og tómstundasviðs.

6.  

Engi, leiga á húsnæði til ArtsIceland. - 2017020022

Kynnt eru drög að leigusamningi vegna leigu á Seljalandsvegi 102 til Kola og salts ehf.

Bæjarráð felur bæjarritara að gera þær breytingar á drögum leigusamningsins sem ræddar voru og felur bæjarstjóra að undirrita samninginn f.h. Ísafjarðarbæjar.

Kristján Andri Guðjónsson víkur af fundi undir þessum lið.

7.  

Styrkir til félaga og félagasamtaka 2017 - fasteignagjöld - 2017030031

Kynnt er minnisblað Eddu Maríu Hagalín, fjármálastjóra, dags. 10. mars sl., varðandi afgreiðslu styrkja til félaga og félagasamtaka til greiðslu á fasteignagjöldum 2017, samtals að fjárhæð kr. 1.323.083,-- en gert er ráð fyrir þessum styrkjum í áætlun 2017.

Bæjarráð samþykkir framkomna tillögu að styrkjum til félaga og félagasamtaka.

8.  

Nordjobb 2017 - 2017030032

Lagt fram bréf Kristínar Magnúsdóttur, verkefnisstjóra Nordjobb á Íslandi, dagsett 6. mars sl., þar sem kynnt starfsemi Nordjobb, sem er samnorrænt verkefni sem útvegar ungu fólki á aldrinum 18-28 ára sumarvinnu og húsnæði á hinum norðurlöndunum, og óskað er eftir að Ísafjarðarbær ráði tvo Nordjobbara til starfa sumarið 2017.

Bæjarráð vísar erindinu til sviðsstjóra skóla- og tómstundasviðs til skoðunar.

9.  

Málþingið Vestfirska vorið - 2017020183

Lagður fram tölvupóstur Jóhönnu Kristjánsdóttur, dagsettur 8. mars sl., með boðsbréfi á málþingið "Vestfirska vorið", sem haldið verður á Flateyri 5.-6. maí nk.

Bæjarráð þakkar boðið og hvetur bæjarfulltrúa til að mæta.

10.  

Frumvörp og þingsályktunartillögur til umsagnar 2017 - 2017020032

Lagður fram tölvupóstur Kristjönu Benediktsdóttur, f.h. nefndasviðs Alþingis, dagsettur 3. mars sl. þar sem óskað er eftir umsögn um frumvarp til laga um breytingar á lögum um verslun með áfengi og tóbak o.fl. (smásala áfengis), 106. mál.

Bæjarráð vísar frumvarpinu til umsagnar í bæjarstjórn.

11.  

Skipulags- og mannvirkjanefnd - 473 - 1703001F

Fundargerð 473. fundar skipulags- og mannvirkjanefndar sem haldinn var 8. mars sl., fundargerðin er í 10 liðum.

Lagt fram til kynningar.

12.  

Umhverfis- og framkvæmdanefnd - 43 - 1702019F

Lögð er fram fundargerð 43. fundar umhverfis- og framkvæmdanefndar sem haldinn var 7. mars sl., fundargerðin er í 3 liðum.

Lagt fram til kynningar.

1.  

Trúnaðarmál. - 2011090094

Fjögur trúnaðarmál kynnt fyrir félagsmálanefnd.

Umræður um trúnaðarmálin, þau afgreidd og færð til bókar í trúnaðarmálabók félagsmálanefndar.

2.  

Almennar styrktarbeiðnir og styrktarlínur 2017 - 2017010042

Á 964. fundi bæjarráðs Ísafjarðarbæjar var lagt fram bréf Sirrýjar Sifjar Sigurlaugardóttur, fræðslustjóra Alzheimersamtakanna, dagsett 7. febrúar sl. þar sem óskað var eftir styrk til að halda röð málþinga um land allt á næstu mánuðum.
Bæjarráð óskaði umsagnar félagsmálanefndar um styrkbeiðnina.

Félagsmálanefnd fagnar því að stefnt sé að því að halda málþing á Ísafirði. Félagsmálanefnd frestar afgreiðslu erindisins og felur starfsmanni á fjölskyldusviði að óska eftir frekari upplýsingum hjá Alzeimersamtökunum um fyrirhugaðan kostnað.

3.  

Fjárhagsáætlun 2018 - 2017020049

Lagt fram ferli fjárhagsáætlunar fyrir árið 2018, samantekt umræðna um gjaldskrá fyrir árið 2018 frá forstöðumannafundi, ásamt útreikningum lífeyris og tengdra bóta, gjaldskrá fjölskyldusviðs 2017 og reglum um fasteignagjöld.

Margrét Geirsdóttir, sviðsstjóri fjölskyldusviðs, kynnti vinnu vegna endurskoðunar gjaldskrár og fjárhagsáætlunar fyrir árið 2018. Félagsmálanefnd felur starfsfólki fjölskyldusviðs að koma með tillögur að gjaldskrá fyrir fjölskyldusvið og að skoða möguleika á samræmdum tekjuviðmiðum innan sviðsins.

4.  

Fundargerðir stjórnar BSVest. - 2015030003

Lagðar fram fundargerðir stjórnar BsVest frá fundum 6, 7 og 8.

Fundargerðirnar lagðar fram til kynningar og umræður um þær.

5.  

Öldungaráð, fundargerðir. - 2016090043

Lögð fram fundargerð frá 5. fundi öldungaráðs.

Fundargerð lögð fram til kynningar og umræður um hana.

6.  

Hjólasöfnun Barnaheilla - 2017030046

Lagður fram tölvupóstur dags. 3. mars 2017 frá Ástu Hafberg verkefnastjóra hjólastöfnunar Barnaheilla, þar sem kynnt er að Barnaheill hefja hjólasöfnun í fimmta sinn. Markmið hjólasöfnunarinnar er að börn í félagslega eða fjárhagslega erfiðri stöðu eignist reiðhjól. Hjólasöfnunin stendur frá miðjum marsmánuði til loka aprílmánaðar. Öllum sveitarfélögum landsins er boðið að taka þátt í verkefninu.

Félagsmálanefnd tekur jákvætt í verkefnið og felur starfsfólki fjölskyldusviðs að kanna þörfina í sveitarfélaginu.

1.  

Uppbygging knattspyrnumannvirkja á Torfnesi - 2017010066

Á 473. fundi Skipulags- og mannvirkjanefndar, 8. mars sl., óskaði nefndin heimildar bæjarstjórnar til að hefja formlega skipulagsvinnu á Torfnesi.

Til máls tóku: Nanný Arna Guðmundsdóttir, forseti, Sigurður J. Hreinsson og Jónas Þór Birgisson.

Forseti ber tillöguna upp til atkvæða.

Tillagan samþykkt 9-0.

2.  

Umsókn um framkvæmdaleyfi - Kaldárvirkjun Önundarfirði - 2017030014

Á 473. fundi sínum, 8. mars sl., lagði skipulags- og mannvirkjanefnd til við bæjarstjórn að heimila útgáfu framkvæmdaleyfis vegna Kaldárvirkjunar í Önundarfirði.

Til máls tóku: Nanný Arna Guðmundsdóttir, forseti og Sigurður J. Hreinsson.

Forseti ber tillöguna upp til atkvæða.

Tillagan samþykkt 9-0.

3.  

Umsókn um framkvæmdaleyfi - Þverárvirkjun Önundarfirði - 2017030013

Á 473. fundi skipulags- og mannvirkjanefndar 8. mars sl., lagði nefndin til við bæjarstjórn að heimila útgáfu framkvæmdaleyfis vegna Þverárvirkjunar í Önundarfirði.

Til máls tók: Nanný Arna Guðmundsdóttir, forseti.

Forseti ber tillöguna upp til atkvæða.

Tillagan samþykkt 9-0.

4.  

Act Alone - styrkbeiðni - 2017020093

Á 964. fundi bæjarráðs, 20. febrúar sl., var bæjarstjóra falið að ræða um við forsvarsmenn Act Alone um endurnýjun samnings vegna hátíðarinnar. Á 966. fundi bæjarráðs, 6. mars sl., lagði bæjarráð til við bæjarstjórn að samþykkja viðauka vegna viðbótarstyrkveitingar að upphæð kr. 200.000,- til Act Alone leiklistarhátíðarinnar. Heildarstyrkveiting til Act Alone 2017 yrði því kr. 700.000,-.

Til máls tóku: Nanný Arna Guðmundsdóttir, forseti, Jónas Þór Birgisson, Arna Lára Jónsdóttir og Kristján Andri Guðjónsson.

Forseti ber tillöguna upp til atkvæða.

Tillagan samþykkt 9-0.

5.  

Úttekt frárennslislagna 2016 - 2016110066

Bæjarráð lagði til við bæjarstjórn á 966. fundi sínum, 6. mars sl. að samþykkja viðauka við fjárhagsáætlun 2017, vegna úttektar á frárennslislögnum Ísafjarðarbæjar.

Til máls tóku: Nanný Arna Guðmundsdóttir, forseti og Gísli Halldór Halldórsson, bæjarstjóri.

Forseti ber tillöguna upp til atkvæða.

Tillagan samþykkt 9-0.

6.  

Gjaldskrá Safnahússins 2017 - 2016020047

Bæjarráð lagði til við bæjarstjórn á 966. fundi sínum, 6. mars sl., að samþykkja breytta gjaldskrá Safnahússins.

Til máls tók: Nanný Arna Guðmundsdóttir, forseti.

Forseti ber tillöguna upp til atkvæða.

Tillagan samþykkt 9-0.

7.  

Uppbyggingasamningar við íþróttafélög 2017-2018 - 2017020028

Bæjarráð lagði til við bæjarstjórn á 966. fundi sínum, 6. mars sl., að samþykkja fyrirliggjandi uppbyggingasamning við Skíðafélag Ísfirðinga vegna uppbyggingar í Tungudal.

Til máls tóku: Nanný Arna Guðmundsdóttir, forseti, Arna Lára Jónsdóttir, Jónas Þór Birgisson og Sigurður J. Hreinsson.

Forseti ber tillöguna upp til atkvæða.

Tillagan samþykkt 8-0. Sigurður J. Hreinsson situr hjá við atkvæðagreiðsluna.

8.  

Asahláka í febrúar 2015 - 2015020033

Á 967. fundi sínum 13. mars sl., vísaði bæjarráð til samþykktar í bæjarstjórn, drögum að samkomulagi milli Ísafjarðarbæjar og Viðlagatryggingar Íslands um tjónbætur vegna tjóns á eignum Ísafjarðarbæjar á Ísafirði og Suðureyri í asahláku 8. febrúar 2015.

Til máls tóku: Nanný Arna Guðmundsdóttir, forseti, Gísli Halldór Halldórsson, bæjarstjóri og Kristján Andri Guðjónsson

Forseti ber tillöguna upp til atkvæða.

Tillagan samþykkt 9-0.

9.  

Þjónustukjarni á Þingeyri - Blábanki - 2015100017

Á 966. fundi bæjarráðs, 6. mars sl., var samningsdrögum vegna stofnunar Blábankans vísað til bæjarstjórnar.

Til máls tóku: Nanný Arna Guðmundsdóttir, forseti, Arna Lára Jónsdóttir, Gunnhildur Elíasdóttir, Gísli Halldór Halldórsson, bæjarstjóri og Jónas Þór Birgisson.

Forseti ber tillöguna upp til atkvæða.

Tillagan samþykkt 9-0.

10.  

Skólamál á Flateyri - 2016110039

Tillaga forseta um að bæjarstjórn samþykki tilnefningar að fulltrúum í samráðshóp um leik- og grunnskólastarf á Flateyri.

Tilnefndir eru:
Fulltrúi kennara: Guðmunda Júlíusdóttir
Fulltrúi leikskólakennara: Steinunn Einarsdóttir
Fulltrúi skóla- og tómstundasviðs: Unnur Björk Arnfjörð
Fulltrúi foreldrafélags leikskóla: Dagný Arnalds
Fulltrúi foreldrafélags grunnskóla: Una Lára Waage
Fulltrúi Hverfisráðs Önundarfjarðar: Ívar Kristjánsson
Fulltrúi bæjarstjórnar: Nanný Arna Guðmundsdóttir

Til máls tók: Nanný Arna Guðmundsdóttir, forseti.

Forseti ber tillöguna upp til atkvæða.

Tillagan samþykkt 9-0.

11.  

Frumvarp til laga um breytingar á lögum um verslun með áfengi og tóbak - 2017020032

Á 967. fundi sínum, 13. mars sl., vísaði bæjarráð frumvarpi til laga um breytingar á lögum um verslun með áfengi og tóbak o.fl. (smásala áfengis), 106. mál, til umsagnar í bæjarstjórn.

Til máls tóku: Nanný Arna Guðmundsdóttir, forseti, Sigurður J. Hreinsson og Marzellíus Sveinbjörnsson.

Gert var fundarhlé kl. 17:42. Fundi haldið áfram kl. 17:55.

Sigurður J. Hreinsson leggur fram eftirfarandi tillögu f.h. allra viðstaddra bæjarfulltrúa að umsögn bæjarstjórnar Ísafjarðarbæjar

"Bæjarstjórn Ísafjarðarbæjar lýsir yfir andstöðu við frumvarp að breytingu á lögum (86/2011) um verslun með áfengi og tóbak.
Í frumvarpinu er lagt til að einkaleyfi ÁTVR á smásölu áfengis verði aflagt og smásala verði að ákveðnu marki frjáls ? bjór, léttvín og sterkt áfengi verði þar með selt í almennum verslunum. Að auki er í frumvarpinu lagt til að leyfa auglýsingar á áfengi.
Á undanförnum 20 árum hafa sveitarfélög eflt forvarnir gegn áfengis- og vímuefnaneyslu ungmenna með góðum árangri. Í evrópskri vímuefnarannsókn frá árinu 2015 má sjá að íslenskir unglingar eru ólíklegri en evrópskir unglingar til að hafa drukkið áfengi, slíkur árangur er ekki sjálfsagður. Einsýnt er að með breytingunum er gerð aðför að þessum góða árangri sem náðst hefur í forvarnastarfi.
Hugmyndir sem þessar, sem ganga gegn lýðheilsusjónarmiðum og fara þvert gegn ráðgjöf þeirra sérfræðinga sem hafa það hlutverk að vera stjórnvöldum til ráðgjafar í umræðu og ákvarðanatöku, eru ekki bara í andstöðu við almenna skynsemi heldur getur framkvæmd þeirra verið beinlínis hættuleg. Frumvarpið er taktlaust og er með því lagt til að fara þvert gegn stefnu stjórnvalda í áfengis- og vímuefnavörnum og vinna gegn markvissu forvarnastarfi sveitarfélaga undanfarinna ára, auk þess sem það stangast á við aðgerðaáætlun Alþjóðaheilbrigðismálastofnunarinnar gegn lífsstílstengdum sjúkdómum sem og nýlega samþykktum Heimsmarkmiðum Sameinuðu þjóðanna.
Landlæknir, heilbrigðisstarfsfólk, samtök lækna, Vá Vest hópurinn og fjölmargir aðrir aðilar sem vinna að heilsueflingu og velferðarmálum vara eindregið við samþykkt frumvarpsins og þeirri breytingu sem í því felst. Bent hefur verið á rannsóknir sem sýna að með mikilli fjölgun sölustaða mun aukið aðgengi að áfengi leiða til aukinnar neyslu ? meðal annars meðal barna og ungmenna.
Bæjarstjórn Ísafjarðarbæjar leggur ríka áherslu á forvarnastarf og vill hafa í forgangi að búa börnum og ungmennum sem best uppvaxtarskilyrði. Heilsa íbúa, hagsmunir og velferð barna og ungmenna eiga að njóta forgangs í allri stefnumörkun ríkisins. Aukinn áróður í formi áfengisauglýsinga og aukið aðgengi að áfengi gengur gegn því sjónarmiði."

Forseti ber umsögnina upp til atkvæðagreiðslu.

Umsögnin samþykkt 9-0.

12.  

Bæjarráð - 966 - 1703004F

Fundargerð 966. fundar bæjarráðs sem haldinn var 6. mars sl., fundargerðin er í 14 liðum.

Til máls tók: Nanný Arna Guðmundsdóttir, forseti.

Fundargerðin lögð fram til kynningar.

13.  

Bæjarráð - 967 - 1703007F

Fundargerð 967. fundar bæjarráðs sem haldinn var 13. mars sl., fundargerðin er í 12 liðum.

Til máls tók: Nanný Arna Guðmundsdóttir, forseti.

Fundargerðin lögð fram til kynningar.

14.  

Umhverfis- og framkvæmdanefnd - 43 - 1702019F

Fundargerð 43. fundar umhverfis- og framkvæmdanefndar sem haldinn var 7. mars sl., fundargerðin er í 3 liðum.

Til máls tók: Nanný Arna Guðmundsdóttir, forseti.

Fundargerðin lögð fram til kynningar.

15.  

Skipulags- og mannvirkjanefnd - 473 - 1703001F

Fundargerð 473. fundar skipulags- og mannavirkjanefndar sem haldinn var 8. mars sl., fundargerðin er í 10 liðum.

Til máls tók: Nanný Arna Guðmundsdóttir, forseti.

Fundargerðin lögð fram til kynningar.

1.  

Styrkbeiðni til ráðstefnunnar "Skemmtiferðaskip á réttri leið?" - 2017010042

Lagt fram bréf Birnu Lárusdóttur, verkefnastjóra Háskólaseturs Vestfjarða, sem barst með tölvupósti 14. mars sl., þar sem óskað er eftir styrk til ráðstefnuhalds vegna ráðstefnunnar "Skemmtiferðaskip á réttri leið?" sem haldin verður 3.-4. apríl nk.

Bæjarráð samþykkir erindið og felur bæjarstjóra að ljúka því í samráði við hafnarstjóra.

2.  

Tjaldsvæði - Flateyri - 2016050086

Lagður fram tölvupóstur frá forsvarsmönnum Litlabýlis Guesthouse ehf., dags. 16. mars sl., þar sem óskað er eftir framlengingu á leigusamningi um tjaldsvæðið á Flateyri.

Bæjarráð samþykkir framlengingu á leigusamningi um 3 ár, með möguleika á framlengingu um 1 ár til viðbótar.

3.  

Mat á burðarþoli Ísafjarðardjúps m.t.t. sjókvíaeldis - 2017030052

Lagður fram tölvupóstur Margrétar Þorvaldsdóttur, f.h. Hafrannsóknastofnunar, dagsettur 13. mars sl., ásamt bréfi, dagsettu 10. mars sl., og greinargerð varðandi burðarþol Ísafjarðardjúps m.t.t. sjókvíaeldis.

Bæjarráð fagnar því að fyrir liggi burðarþolsmat fyrir Ísafjarðardjúp m.t.t. fiskeldis.

4.  

Lánasjóður - ýmis erindi 2016 - 2017 - 2016040045

Lagt fram fundarboð Óttars Guðjónssonar, framkvæmdastjóra Lánasjóðs sveitarfélaga á aðalfund sjóðsins vegna ársins 2016, ódagsett en barst með tölvupósti 8. mars sl. Fundurinn verður haldinn 24. mars nk. kl 16:00 á Grand Hótel Reykjavík.

Lagt fram til kynningar.

5.  

Heimsókn bæjarstjóra til Færeyja - 2017020047

Umræður um fyrirhugaða heimsókn til Færeyja

Áveðið að bæjarfulltrúar taki þátt í ferðinni, sem jafnframt verði kynnisferð í fiskeldi Færeyinga.

6.  

Málstofa um hverfisráð og íbúalýðræði, undirbúningur og skipulag - 2016110026

Lögð er fram dagskrá málþings um íbúasamráð "Hvernig gerum við góðan bæ betri?" sem fer fram laugardaginn 25. mars nk. í Edinborgarhúsinu.

Lagt fram til kynningar.

7.  

Frumvarp til laga um orlof húsmæðra (afnám laganna) - 2017020032

Lagður fram tölvupóstur Kristjönu Benediktsdóttur, f.h. nefndasviðs Alþingis, dagsettur 10. mars sl. þar sem umsagnar er óskað um frumvarp til laga um orlof húsmæðra (afnám laganna), 119. mál. Umsögn berist eigi síðar en 24. mars nk.

Lagt fram til kynningar og vísað til félagsmálanefndar til umsagnar.

8.  

Frumvarp til laga um tekjustofn sveitarfélaga (afnám lágmarksútsvars) - 2017020032

Lagður fram tölvupóstur Sigrúnar Helgu Sigurjónsdóttur, f.h. nefndasviðs Alþingis, dagsettur 14. mars sl. þar sem umsagnar er óskað um frumvarp til laga um tekjustofna sveitarfélaga (afnám lágmarksútsvars), 120. mál. Umsögn berist eigi síðar en 30. mars nk.

Lagt fram til kynningar.

9.  

Frumvarp til laga um útlendinga (frestun réttaráhrifa) - 2017020032

Lagður fram tölvupóstur Sigrúnar Helgu Sigurjónsdóttur, f.h. nefndasviðs Alþingis, dagsettur 16. mars sl. þar sem umsagnar er óskað um frumvarp til laga um útlendinga (frestun réttaráhrifa), 236. mál. Umsögn berist eigi síðar en 26. mars nk.

Lagt fram til kynningar.

10.  

Frumvarp til laga um breytingu á ýmsum lögum á sviði samgangna - 2017020032

Lagður fram tölvupóstur Sigrúnar Helgu Sigurjónsdóttur, f.h. nefndasviðs Alþingis, dagsettur 15. mars sl. þar sem umsagnar er óskað um frumvarp til laga um breytingu á ýmsum lögum á sviði samgangna (innleiðing alþjóðlegra skuldbindinga), 234. mál. Umsögn berist eigi síðar en 29. mars nk.

Lagt fram til kynningar.

11.  

Félagsmálanefnd - 416 - 1703008F

Fundargerð 416. fundar félagsmálanefndar sem haldinn var 14. mars sl., fundargerðin er í 6 liðum.

Lagt fram til kynningar.