Almenn mál

1.  

Sjókvíaeldi Arnarlax í Ísafjarðardjúpi - drög að tillögu að matsáætlun - 2016090039

Umsögn 470. fundar skipulags- og mannvirkjanefndar og 960. fundar bæjarráðs á tillögu að matsáætlun á sjókvíaeldi Arnarlax í Ísafjarðardjúpi, framleiðsla á 10.000 tonnum af laxi á ári.

2.  

Skólamál á Flateyri - 2016110039

Tillaga 960. fundar bæjarráðs um staðfestingu á erindisbréfi fyrir samráðshóp um leik- og grunnskólastarf á Flateyri og tillaga að fulltrúum Ísafjarðarbæjar í samráðshópnum.

3.  

Hestamannafélagið Hending - kröfugerð vegna reiðvallar - 2016050078

Tillaga 960. fundur bæjarráðs að samkomulagi við Hestamannafélagið Hendingu ásamt viðauka.

4.  

1. viðauki við fjárhagsáætlun 2017 - 2017010064

Tillaga 961. fundar bæjarráðs við bæjarstjórn að samþykkja 1. viðauka við fjárhagsáætlun. Viðaukinn varðar hækkun á tekjuviðmiðum afslátta elli- og öryrkja vegna fasteignagjalda 2017 og styrk til Hafstjörnunnar vegna unglingalandsmóts Landsbjargar.

Fundargerðir til kynningar

5.  

Bæjarráð - 960 - 1701017F

Fundargerð 960. fundar bæjarráðs sem haldinn var 23. janúar sl., fundargerðin er í 27 liðum.

6.  

Bæjarráð - 961 - 1701020F

Fundargerð 961. fundar bæjarráðs sem haldinn var 30. janúar sl., fundargerðin er í 13 liðum.

7.  

Fræðslunefnd - 376 - 1701011F

Fundargerð 376. fundar fræðslunefndar sem haldinn var 19. janúar sl., fundargerðin er í 4 liðum.

8.  

Skipulags- og mannvirkjanefnd - 470 - 1701013F

Fundargerð 470. fundar skipulags- og mannvirkjanefndar sem haldinn var 18. janúar sl., fundargerðin er í 4 liðum.

9.  

Umhverfis- og framkvæmdanefnd - 40 - 1701008F

Fundargerð 40. fundar umhverfis- og framkvæmdanefndar sem haldinn var 24. janúar sl., fundargerðin er í 4 liðum.

1.  

Trúnaðarmál - 2012010059

Farið yfir helstu mál sem eru í vinnslu hjá Barnaverndarnefnd á norðanverðum Vestfjörðum.

Trúnaðarmál rædd.

2.  

Samstarf um barnavernd á norðanverðum Vestfjörðum. - 2017020009

Lagt fram minnisblað um skiptingu kostnaðar í barnavernd hjá Ísafjarðarbæ, Bolungarvíkurkaupstað og Súðavíkurhreppi.

Lagt fram til kynningar.

3.  

Barnaverndarstofa - ýmis erindi 2017 - 2017010023

Kynning á ESTER, nýju vinnulagi í könnun barnaverndarmála og mat á árangri stuðningsúrræða.

Lagt fram til kynningar.

1.  

Sjókvíaeldi Arnarlax í Ísafjarðardjúpi - drög að tillögu að matsáætlun - 2016090039

Umsögn 470. fundar skipulags- og mannvirkjanefndar og 960. fundar bæjarráðs á tillögu að matsáætlun á sjókvíaeldi Arnarlax í Ísafjarðardjúpi, framleiðsla á 10.000 tonnum af laxi á ári.

Til máls tók: Kristján Andri Guðjónsson, forseti.

Forseti bæjarstjórnar leggur til að bæjarstjórn taki undir eftirfarandi bókun skipulags- og mannvirkjanefndar og geri ekki athugasemd við framkomna tillögu að matsáætlun:

"Skipulags- og mannvirkjanefnd gerir ekki athugasemd við framkomna tillögu að matsáætlun.

Nefndin ítrekar enn og aftur að afleitt sé að enga stefnumörkun stjórnvalda sé að finna um sjókvíaeldi á Vestfjörðum, fremur en annars staðar á landinu. Óheppilegt er að veita leyfi þar sem burðarþol Ísafjararðdjúps liggur ekki fyrir og samlegðaráhrif eldis á svæðinu gagnvart lífríkinu eru ekki ljós. Því verður að telja það forgangsatriði að klára rannsóknir á burðarþoli Ísafjarðardjúps.
Að frumkvæði sveitarfélaga á Vestfjörðum og Fjórðungssambands var unnin nýtingaráætlun fyrir Arnarfjörð og er það mjög miður að ríkisvaldið hafi ekki séð ástæðu til að samsvarandi vinna fari fram á strandsvæði Ísafjarðardjúps, því í þessu tilfelli hefði slík áætlun verið til mikilla bóta.
Skipulags- og mannvirkjanefnd vill því ítreka þá skoðun sína að æskilegt er að sveitarfélög ráði skipulagi strandsjávar út að 1 sjómílu frá grunnlínu."

Forseti ber tillöguna upp til atkvæða.
Tillagan samþykkt 9-0.

2.  

Skólamál á Flateyri - 2016110039

Tillaga 960. fundar bæjarráðs um að staðfesta erindisbréf fulltrúa í starfshóp um leik- og grunnskóla á Flateyri.

Jafnframt lagði bæjarráð til við bæjarstjórn að Nanný Arna Guðmundsdóttir, bæjarfulltrúi verði fulltrúi bæjarstjórnar og Unnur Björk Arnfjörð, skólastjóri Grunnskóla Önundarfjarðar, verði fulltrúi skóla- og tómstundasviðs.

Til máls tóku: Kristján Andri Guðjónsson, forseti, Arna Lára Jónsdóttir og Gunnhildur Elíasdóttir.

Forseti ber tillöguna upp til atkvæða.
Tillagan samþykkt 9-0.

3.  

Hestamannafélagið Hending - kröfugerð vegna reiðvallar - 2016050078

Tillaga 960. fundur bæjarráðs að samkomulagi við Hestamannafélagið Hendingu ásamt viðauka.

Til máls tóku: Kristján Andri Guðjónsson, forseti, Gísli Halldór Halldórsson, bæjarstjóri, Jónas Þór Birgisson, Kristín Hálfdánsdóttir, Marzellíus Sveinbjörnsson og Gunnar Jónsson.

Kristján Andri Guðjónsson, forseti leggur fram eftirfarandi breytingartillögu:
"Forseti leggur til að tillögunni verði frestað til næsta fundar bæjarstjórnar Ísafjarðarbæjar þar sem samningur við Vegagerðina um bætur vegna aðstöðunnar að Búðartúni er ekki tilbúinn."

Jónas Þór Birgisson, Kristín Hálfdsánsdóttir og Martha Kristín Pálmadóttir, bæjarfulltrúar Sjálfstæðisflokksins leggja fram eftirfarandi bókun:
"Undirritaðir bæjarfulltrúar Sjálfstæðisflokksins fordæma vinnubrögð Í-listans í máli er varðar fyrirhugaða byggingu á reiðskemmu. Upphaf málsins má rekja til reiðvallar sem sannanlega var í eigu bæjarins eins og önnur íþróttamannvirki í bæjarfélaginu. Fyrir milligöngu bæjarins hefur lengi legið fyrir vilji Vegagerðarinnar til að greiða 20 milljónir í bætur vegna umrædds reiðvallar sem renna myndu til uppbyggingar á nýjum velli án þess að forsvarsmenn Hestamannafélagsins Hendingar hafi viljað fallast á það. Eftir s.k. samningaviðræður við forsvarsmenn hestamannafélagsins hefur Í-listinn ákveðið að til viðbótar ofangreindum fjármunum muni Ísafjarðarbær leggja til 30 milljónir og jarðefni að verðmæti 8 milljónir í framkvæmdir í þágu hestamannafélagsins. Þannig ætlar Í-listinn að gerast minnihlutaeigandi í hlutafélagi með vægast sagt óljósan rekstrargrundvöll með tilheyrandi ófyrirséðri fjárhagslegri áhættu fyrir bæjarbúa.
Samningur um þennan gjörning var fyrst kynntur fyrir HSV. Þar næst var hann lagður fram á fundi íþrótta- og tómstundanefndar án þess að fulltrúar þar hefðu haft tækifæri á að kynna sér samninginn fyrir fundinn. Að þessu loknu kom samningurinn loks á formlega dagskrá bæjarráðs. Á þeim fundi féllust fulltrúar Í-listans á að líklega væri rétt að afla einhverra áætlana um byggingarkostnað og rekstraráætlanir fyrirhugaðrar reiðskemmu en ekki hafði verið unnið að neinum slíkum gögnum á því stigi þótt augljóslega hafi þá þegar verið búið að taka ákvörðun í málinu.
Mikilvægt er í umsýslu með almannafé að fyrir liggi skýrar leikreglur. Því hefur verið unnið eftir því innan bæjarkerfisins að fylgja áætlun í samstarfi við HSV um uppbyggingu íþróttamannvirkja í bæjarfélaginu. Reiðskemmu er hvergi að finna í þeim áætlunum. Hvað varðar framlög til íþróttafélaga hefur verið unnið út frá því að gerður sé uppbyggingarsamningur við viðkomandi félag. Jafnframt hlýtur að vera æskilegt að fyrir liggi einhver gögn um starfsemi félagsins eins og fjöldi iðkenda og upplýsingar um barna- unglingastarf. Engin slík gögn eru til staðar varðandi Hendingu en vissulega er gert ráð fyrir að gera uppbyggingarsamning á árinu 2018. Á því sama ári á bæjarsjóður hins vegar þegar að hafa lagt fram ofangreindar 38 milljónir og tryggt 20 milljónir frá Vegagerðinni.
Augljóst er að þessar samningaviðræður, ef samningaviðræður skyldi kalla, við Hendingu voru þegar komnar í gang þegar síðasta fjárhagsáætlun og þriggja ára áætlun voru lagðar fram en þar er engu að síður ekki gert ráð fyrir neinum kostnaði vegna samnings af þessu tagi. Öll vinnubrögð við þessa samningsgerð eru með hreinum ólíkindum en augljóst er að fulltrúum Í-listans finnst engin ábyrgð fylgja því að ráðstafa fjármunum bæjarbúa. Í raun má segja að Í-listinn sé að gefa út opinn tékka á bæjarsjóð, svo illa unninn og óvandaður er samningurinn. Viðhorfið virðist vera að þetta sé allt í lagi það er einhver annar sem borgar. Málið er bara að þessi einhver annar er bara við, íbúarnir í bænum okkar.
En þetta mál er frá upphafi illa unnið og ólýðræðislegum aðferðum beitt og allt gert til að keyra málið eins hratt í gegn um kerfið og mögulegt er, sama hvort heldur á við samskipti við minnihluta bæjarstjórnar eða tilheyrandi fagnefnd bæjarins.
Vel má segja að vinnubrögin minni helst á aðferðir nýkjörnins forseta ónefnds lands."

Marzellíus Sveinbjörnsson, bæjarfulltrúi Framsóknarflokksins leggur fram eftirfarandi bókun:
"Samningar við Hestamannafélagið Hendingu hafa því miður dregist úr hófi og hafa félagsmenn þeirra verið aðstöðulausir allt of lengi. Þess vegna er mjög mikilvægt að semja sem fyrst um viðunandi aðstöðu til þess að hestamenn geti sinnt íþrótt sinni með eðlilegum hætti. Er það einmitt í takt við uppbyggingarsamning Ísafjarðarbæjar og HSV sem samþykktur var árið 2013 en þar var talað um í 3 ára áætlun að ljúka ætti samningum við Hestamannafélagið Hendingu og einnig hefur þessi samningur sem liggur nú fyrir verið lagður fyrir HSV sem hefur gefið honum jákvæða umsögn. Ég lýsi yfir ánægju að skriður hafi komið á málið en mjög margar spurningar, varðandi útfærslu og upphæðir sem bærinn þarf að láta af hendi, kvikna við skoðun á þeim drögum sem fyrir liggja. Miðað við reynslu okkar af framkvæmdum og samningum sem Ísafjarðarbær hefur tekið þátt í undanfarið svosem í Hjúkrunarheimilinu Eyri verðum við bæjarfulltrúar að gaumgæfa vel þær fjárhagslegu skuldbindingar sem bærinn leggur í. Fjármagnið eru auðvitað af skornum skammti og margvíslegar framkvæmdir eru á borðinu sem kalla á fjármagn."

Sigurður J. Hreinsson, bæjarfulltrúi Í-listans leggur fram eftirfarandi bókun:
"Það verða að teljast vægast sagt sérkennilegar sögutúlkanir, sem birst hafa í bókunum minnihlutans í bæjarráði á síðasta fundi sem og í málflutningi sjálfstæðismanna á þessum fundi bæjarstjórnar. Það er því við hæfi að hér verði einnig sett fram sjónarmið hestamanna í þessu máli. Að Ísafjarðarbær hafi verið talinn eigandi íþróttamannvirkjanna að Búðartúni, hefur ekkert með það að gera að Ísafjarðarbær, eða forveri hans Ísafjarðarkaupstaður, hafi á einhverjum tíma sett fjármagn eða vinnuframlag í gerð þeirra. Og raunar fer því víðsfjarri, því hestamenn lögðu sjálfir á sig gríðarlega vinnu og tilkostnað að koma þessum mannvirkjum upp. Var það svo í fjölda ára að einstaklingar í félaginu voru í fjárhagslegum ábyrgðum fyrir stórum upphæðum og á engum tíma hljóp bæjarfélagið undir þann bagga. Eina ástæða þess að bærinn er talinn eigandi mannvirkjanna er fyrsta málsgrein 7. gr. laga nr 64 frá 1998; Íþróttalög og er svohljóðandi: „Bygging íþróttamannvirkja í þágu skóla og til almenningsnota er í verkahring sveitarfélaga nema öðruvísi sé fyrir mælt í lögum." Þegar svo kom upp sú staða að Vegagerðin sýnir áhuga á að taka svæði Hendingar á Búðartúni undir framkvæmdasvæði vegna Óshlíðarganga, gerir Ísafjarðarbær mörg og alvarleg mistök.
- Afhendir Vegagerðinni svæðið áður en búið er að semja um bætur fyrir mannvirkin og glatar þar með algerlega samningsstöðu sinni gagnvart Vegagerðinni.
- Afhendir Vegagerðinni svæðið án þess að hestamenn séu á nokkurn hátt varaðir við og fá því ekki að fjarlægja þær eignir sem þó var mögulegt að taka af svæðinu.
- Neitar alfarið að hestamenn komi nálægt samningaviðræðum um bætur vegna framkvæmdanna.
- Viðurkennir óháða matsmenn sem eiga að meta verðmæti mannvirkjanna, en hafnar niðurstöðu þeirra.
Það verður því að segjast að bæjarstjórinn fyrrverandi, sem er gerandi í þessu máli, bíti höfuðið af skömminni með því að halda því fram í ræðu og riti að Hestamannafélagið Hending hafi sýnt Ísafjarðarbæ óbilgirni og ósanngirni. Vel má halda því fram að með slíkri framsetningu sé málinu snúið á hvolf, því ef einhver aðili hefur sýnt óbilgirni eða ósangirni er það Ísafjarðarbær og bæjarstjórinn fyrrverandi. Með samkomulagi því sem hér er til afgreiðslu hafa báðir samningsaðilar slakað verulega á sínum ýtrustu kröfum. Í samkomulaginu horfa báðir aðilar til framtíðar og sýna vilja til að skapa frambærilega aðstöðu til iðkunar hestaíþrótta í Skutulsfirði. Það er vilji samningsaðila að rjúfa þá kyrrstöðu sem verið hefur undanfarinn áratug í uppbyggingu á svæði hestamanna í Engidal og að þar eflist starf hestamanna. Því eins og allir vita bætir blómlegt íþróttalíf lífsgæði íbúanna."

Forseti ber breytingartillöguna upp til atkvæða.
Tillagan samþykkt 9-0.

4.  

1. viðauki við fjárhagsáætlun 2017 - 2017010064

Tillaga 961. fundar bæjarráðs við bæjarstjórn að samþykkja 1. viðauka við fjárhagsáætlun. Viðaukinn varðar hækkun á tekjuviðmiðum afslátta ellilífeyrisþega og öryrkja vegna fasteignagjalda 2017 og styrk til Hafstjörnunnar vegna unglingalandsmóts Landsbjargar.

Til máls tók: Kristján Andri Guðjónsson, forseti.

Forseti ber tillöguna upp til atkvæða.
Tillagan samþykkt 9-0.

5.  

Bæjarráð - 960 - 1701017F

Fundargerð 960. fundar bæjarráðs sem haldinn var 23. janúar sl., fundargerðin er í 27 liðum.

Til máls tók: Kristján Andri Guðjónsson, forseti.

Fundargerðin lögð fram til kynningar.

6.  

Bæjarráð - 961 - 1701020F

Fundargerð 961. fundar bæjarráðs sem haldinn var 30. janúar sl., fundargerðin er í 13 liðum.

Til máls tók: Kristján Andri Guðjónsson, forseti.

Fundargerðin lögð fram til kynningar.

7.  

Fræðslunefnd - 376 - 1701011F

Fundargerð 376. fundar fræðslunefndar sem haldinn var 19. janúar sl., fundargerðin er í 4 liðum.

Til máls tók: Kristján Andri Guðjónsson, forseti.

Fundargerðin lögð fram til kynningar.

8.  

Skipulags- og mannvirkjanefnd - 470 - 1701013F

Fundargerð 470. fundar skipulags- og mannvirkjanefndar sem haldinn var 18. janúar sl., fundargerðin er í 4 liðum.

Til máls tók: Kristján Andri Guðjónsson, forseti.

Fundargerðin lögð fram til kynningar.

9.  

Umhverfis- og framkvæmdanefnd - 40 - 1701008F

Fundargerð 40. fundar umhverfis- og framkvæmdanefndar sem haldinn var 24. janúar sl., fundargerðin er í 4 liðum.

Til máls tóku: Kristján Andri Guðjónsson, forseti, Kristín Hálfdánsdóttir og Gísli Halldór Halldórsson, bæjarstjóri.

Fundargerðin lögð fram til kynningar.

1.  

Stjórnunar- og verndaráætlun fyrir friðlandið á Hornströndum - 2016110092

Lagður fram tölvupóstur Jóns Smára Jónssonar, f.h. Umhverfisstofnunar, dagsettur 31. janúar sl., vegna breytinga á samstarfshóp um gerð stjórnunar- og verndaráætlunar fyrir friðlandið á Hornströndum.

Bæjarráð telur mikilvægt að bæjarfulltrúar og nefndarmenn bæjarins séu vel upplýstir um gang mála.

2.  

Milljarður rís 2017 - 2017020011

Lögð fram tölvupóstssamskipti Mörtu Goðadóttur, f.h. Landsnefndar UN Women á Íslandi, og Gísla Halldórs Halldórssonar, bæjarstjóra, frá 30. og 31. janúar sl., vegna atburðarins Milljarður rís, þar sem fólk í yfir 200 löndum sameinast um að dansa til að sýna þolendum kynbundins ofbeldis samstöðu. Bæjarstjóri mun ávarpa dansgesti í upphafi og hleypa dansinum af stað, en dansað verður í Edinborgarhúsinu þann 17. febrúar nk. kl. 12 á hádegi.

Bæjarráð fagnar viðburðinum.

3.  

Svæðisskipulag fyrir Dalabyggð, Reykhólahrepp og Strandabyggð - beiðni um umsögn - 2016060025

Lagður fram tölvupóstur Matthildar Kr. Elmarsdóttur, verkefnisstjóra svæðisskipulagsnefndar Dalabyggðar, Reykhólahrepps og Strandabyggðar, dagsettur 2. febrúar sl. Óskað er eftir umsögn Ísafjarðarbæjar um greiningaskýrslu, sem fylgir tölvupóstinum, vegna svæðisskipulagsgerðar og þarf umsögnin að berast fyrir 24. febrúar nk.

Bæjarráð vísar erindinu til skipulags- og mannvirkjanefndar.

Daníel Jakobsson yfirgefur fundinn kl. 8:19.

4.  

Styrkbeiðni frá SFÍ - 2017010047

Lögð fram styrkbeiðni Hólmfríðar Völu Svavarsdóttur, f.h. SFÍ, dags. 20. desember sl., vegna Unglingameistaramóts Íslands sem haldið verður á Ísafirði 23.-26. mars 2017.
Á 174. fundi íþrótta- og tómstundanefndar var tekið jákvætt í erindið og málinu vísað til bæjarráðs þar sem ekki er fé í fjárhagsáætlun fyrir styrk sem þessum. Nefndin veltir fyrir sér hvort hluti þess sem óskað er eftir styrk fyrir eigi að vera í eigu skíðasvæðisins og felur starfsmanni að kanna það. Nefndin vill ítreka að beiðnir sem þessar komi tímalega og áður en vinnu við fjárhagsáætlun er lokið.
Bæjarráð frestar málinu meðan beðið er eftir gögnum frá sviðsstjóra skóla- og tómstundasviðs, sbr. bókun 174. fundar íþrótta- og tómstundanefndar.

Gögn hafa nú borist frá sviðsstjóra og er lagt fram minnisblað Margrétar Halldórsdóttur, dagsett 31. janúar sl., með kostnaðaráætlun fyrir þann búnað sem skíðasvæðið ætti að eiga vegna skíðamóta.

Bæjarráð gerir athugsemd við það hve seint erindið kemur fram. Hins vegar er um að ræða jákvætt verkefni sem jafna má við uppbyggingarsamninga íþróttafélaganna.
Bæjarráð felur sviðstjóra skóla- og tómstundasviðs að gera viðauka til að mæta styrk upp á kr. 1.000.000,- skv. beiðni félagsins.

Daníel Jakobsson mætir aftur til fundarins eftir afgreiðslu dagskrárliðarins kl. 8:26.

5.  

Athugasemd við afslátt elli- og örorkulífeyrisþega af fasteignagjöldum - 2017010113

Lagt fram bréf Ragnheiðar Hákonardóttur, dagsett 30. janúar sl., þar sem skorað er því á bæjarráð og bæjarstjórn Ísafjarðarbæjar að aðlaga viðmið sitt til afsláttar á fasteignagjöldum og holræsagjöldum elli- og örorkulífeyrisþega.

Bæjarráð þakkar ábendingarnar og bendir á breytingar í þessa veru sem gerðar voru á síðasta fundi bæjarstjórnar, þar sem viðmið voru hækkuð um 10% og þar með upp fyrir grunnllífeyri.

6.  

Landsáætlun um uppbyggingu innviða til verndar náttúru og menningarlegum minjum - 2017010114

Lögð fram tillaga Ísafjarðarbæjar að landsáætlun um uppbyggingu innviða til verndar náttúru og menningarlegum minjum. Um er að ræða bæði langtíma- og skammtímaáætlun.

Lagt fram til kynningar.

7.  

Fundargerðir 2017 - Samband íslenskra sveitarfélaga - 2017010019

Lögð er fram fundargerð 846. fundar stjórnar Sambands íslenskra sveitarfélaga, frá 27. janúar sl.

Fundargerðin lögð fram til kynningar.

8.  

Barnaverndarnefnd á norðanverðum Vestfjörðum - 147 - 1702003F

Fundargerð 147. fundar barnaverndarnefndar sem haldinn var 2. febrúar sl. fundargerðin er í 3 liðum.

Fundargerðin lögð fram til kynningar.

1.  

Mávagarður Viðlegustöpull - Umsókn um framkvæmdarleyfi - 2016120059

Fyrir fundinum liggur framkvæmdaleyfi útgefið af byggingarfulltrúa Ísafjarðarbæjar ásamt niðurstöðu útboðs á framkvæmdinni Stuðpúði Mávagarður. Tvö tilboð bárust frá Geirnaglanum á Ísafirði, 69.952.915 krónur, og frá Ísar ehf. Kópavogi, 46.248.516 krónur, en áætlun hönnuða er 46.723.650 krónur.

Hafnarstjórn leggur til við bæjarstjórn að tilboði lægstbjóðanda verði tekið.

2.  

Stöðuleyfisumsókn Arctic Sea Farm í Ísafjarðardjúpi - 2017010103

Lögð er fram umsókn, ódags., frá Arctic Sea Farm um stöðuleyfi fyrir aðstöðuhús starfsmanna er vinna á bátum fyrirtækisins á höfninni á Þingeyri.

Hafnarstjórn samþykkir umsóknina og felur hafnarstjóra að vera í sambandi við umsækjanda um nánari útfærslu.

3.  

Bryggjupláss fyrir farþegabátinn Sægrím ÍS 38 - 2017010024

Á 958. fundi bæjarráðs var lagt fram bréf Ragnars Ágústs Kristinssonar f.h. útgerðar Sægríms ÍS 38, dagsett 5. janúar sl., þar sem óskað er eftir aðstöðu til að taka um borð farþega, helst á svæðinu frá Sundabakka að trébryggjunni í Sundahöfn.
Bæjarráð vísar erindinu til hafnarstjórnar.

Nefndin felur hafnarstjóra að vera í sambandi við umsækjanda. Nefndin leggur til að bátnum verði fundinn staður við Ólsen-bryggju þar sem María Júlía stendur nú. Hafnarstjóra er falið að rita bréf til stjórnar Byggðasafns Vestfjarða og óska eftir viðræðum um framtíðarlegupláss fyrir Maríu Júlíu.

5.  

Árs samantektir hafnarstjóra - 2017020026

Fyrir fundinum liggur minnisblað hafnarstjóra varðandi umsvif ársins 2016.

Lagt fram til kynningar.

6.  

Umsókn um staðsetningu sölubáss á Sundahöfn - 2017020025

Fyrir fundinum liggur erindi frá Bernharði Guðmundssyni, dags. 10. janúar sl., þar sem hann óskar eftir að fá úthlutað stað fyrir lítinn sölubás við aðgönguhlið farþegaskipa á Sundabakka.

Hafnarstjórn samþykkir erindið og felur hafnarstjóra að ræða við bréfritara.

7.  

Deiliskipulag-Suðurtangi - 2016060017

Fyrir fundinum liggja frumdrög að breyttu deiluskipulagi á Suðurtanga að teknu tilliti til stækkunar Sundabakka og landgerðar á Suðurtanga.

Hafnarstjórn felur hafnarstjóra að fara þess á leit við hafnarmálasvið Vegagerðarinnar að gert verði kostnaðarmat á lengingu hafnarkants og uppfyllingu á svæðinu.

9.  

Starfshópur um framtíðarskipan komu skemmtiferðaskipa - 2016090040

Á 960. fundi bæjarráðs var óskað eftir umsögn frá hafnarstjórn um drög að erindisbréfi fyrir framtíðarskipan komu skemmtiferðaskipa. Þegar umsögn hefur borist verður erindisbréfið lagt fram að nýju á fundi bæjarráðs.

Hafnarstjórn gerir ekki athugasemdir við drögin. Hafdís Gunnarsdóttir og Daníel Jakobsson lýsa vonbrigðum með það hversu langan tíma gerð erindisbréfsins hefur tekið.

8.  

Sjókvíaeldi Arctic Sea Farm í Ísafjarðardjúpi - 2017010103

Á 961. fundi bæjarráðs var lagt fram bréf Hólmfríðar Bjarnadóttur, f.h. Skipulagsstofnunar, dagsett 23. janúar sl., þar sem óskað er eftir umsögn Ísafjarðarbæjar um tillögu að matsáætlun um 7.600 tonna framleiðsluaukningu á laxeldi Arctic Sea Farm í Ísafjarðardjúpi. Óskað er eftir að umsögnin berist fyrir 8. febrúar. Bæjarráð vísaði beiðninni til skipulags- og mannvirkjanefndar og hafnarstjórnar.

Hafnarstjórn fagnar auknum umsvifum fiskeldisfyrirtækja á svæðinu sem treysta tekjustofna hafnarinnar, en getur ekki fallist á að eldiskvíar verði staðsettar á því svæði út af Arnarnesi (Skutulsfirði) sem lagt er til í erindi þessu vegna þess að staðsetning eldiskvía á þessu svæði skerðir aðkomu stærri skipa að fjarðarmynni Skutulsfjarðar og þrengir athafnasvæði skipa. Hér er aðallega átt við skemmtiferðaskip, flutningaskip og stærri olíuskip. Nú þegar eru eldiskvíar á Skutulsfirði sem gera stærri skipum erfitt fyrir á Akkerislagi vegna minna athafnarýmis og ekki verður við það unað að skerða aðkomu að siglingaleið meira en orðið er.

4.  

Hafnasamband Íslands - Ýmis erindi og fundargerðir 2013-2016 - 2013060031

Lagðar eru fram fundargerðir 390. og 391. fundar Hafnasambands Íslands.

Lagt fram til kynningar.

1.  

Stofnun Hollvinafélags Bæjarbryggjunnar á Ísafirði - 2016080011

Hollvinafélag bæjarbryggjunar á Ísafirði var stofnað 02.07.2016 tilgangur félagsins er að stuðla að byggingu nýrrar bæjarbryggju á Ísafirði, sem reist yrði með hliðsjón af þeirri gömlu sem rifin var. Hollvinafélag nýrrar bæjarbryggju óskar eftir afstöðu bæjaryfirvalda til erindisins, jafnframt að málið fái eðlilegt brautargengi innan stjórnkerfis bæjarins.

Skipulags- og mannvirkjanefnd tekur jákvætt í erindið og leggur til að þessi hugmynd verði skoðuð með tilliti til niðurstöðu skýrslu pollnefndar og væntanlegrar deiliskipulagsvinnu á svæðinu.

2.  

3X óskar eftir óverulegri aðalskipulagsbreytingu - 2016120008

3X Technology óskar eftir því við Ísafjarðarbæ skv. bréfi dags. 05.12.2016, að meðfylgjandi tillaga frá Verkís að óverulegri breytingu aðalskipulags Ísafjarðarbæjar, fái málsmeðferð í samræmi við 2. mgr. 36. gr. skipulagslaga nr. 123/2010 um óverulega breytingu. Tillagan felur í sér minni háttar breytingu á þéttbýlisuppdrætti gildandi aðalskipulags en greinargerð skipulagsins helst óbreytt.

Skipulags- og mannvirkjanefnd leggur til við bæjarstjórn að samþykkja meðfylgjandi tillögu og heimila málsmeðferð í samræmi við 2. mgr. 36. gr. skipulagslaga nr. 123/2010 um óverulega breytingu.

3.  

Umsókn um stöðuleyfi fyrir matarvagn á Silfurtorgi - 2017010075

Sunna Jökulsdóttir sækir um stöðuleyfi fyrir matarvagn á Silfurtorgi frá maí mánuði fram í október. Hjálagt er umsókn og uppdráttur.

Skipulags- og mannvirkjanefnd tekur jákvætt í erindið og felur tæknideild að óska eftir frekari gögnum.

4.  

Sjókvíaeldi Arctic Sea Farm í Ísafjarðardjúpi - 2017010103

Á 961. fundi bæjarráðs var lagt fram bréf Hólmfríðar Bjarnadóttur, f.h. Skipulagsstofnunar, dagsett 23. janúar sl., þar sem óskað er eftir umsögn Ísafjarðarbæjar um tillögu að matsáætlun um 7.600 tonna framleiðsluaukningu í laxeldi Arctic Sea Farm í Ísafjarðardjúpi. Óskað er eftir að umsögnin berist fyrir 8. febrúar nk. Bæjarráð vísaði beiðninni til skipulags- og mannvirkjanefndar og hafnarstjórnar.

Skipulags- og mannvirkjanefnd tekur undir bókun hafnarstjórnar frá fundi nr. 189 þann 07.02.2017 þar sem eftirfarandi kemur fram; "Hafnarstjórn getur ekki fallist á að eldiskvíar verði staðsettar á því svæði út af Arnarnesi (Skutulsfirði) sem lagt er til í erindi þessu vegna þess að staðsetning eldiskvía á þessu svæði skerðir aðkomu stærri skipa að fjarðarmynni Skutulsfjarðar og þrengir athafnasvæði skipa"
Nefndin ítrekar enn og aftur að afleitt sé að enga stefnumörkun stjórnvalda sé að finna um sjókvíaeldi á Vestfjörðum, fremur en annars staðar á landinu. Óheppilegt er að veita leyfi þar sem burðarþol Ísafjarðardjúps liggur ekki fyrir og samlegðaráhrif eldis á svæðinu gagnvart lífríkinu eru ekki ljós. Því verður að telja það forgangsatriði að klára rannsóknir á burðarþoli Ísafjarðardjúps. Að frumkvæði sveitarfélaga á Vestfjörðum og Fjórðungssambands var unnin nýtingaráætlun fyrir Arnarfjörð og er það mjög miður að ríkisvaldið hafi ekki séð ástæðu til að samsvarandi vinna fari fram á strandsvæði Ísafjarðardjúps, því í þessu tilfelli hefði slík áætlun verið til mikilla bóta. Skipulags og mannvirkjanefnd vill því ítreka þá skoðun sína að æskilegt er að sveitarfélög ráði skipulagi strandsjávar út að 1 sjómílu frá grunnlínu. Skipulags- og mannvirkjanefnd ítrekar einnig þá skoðun sína að æskilegt er að sveitarfélög ráði skipulagi strandsjávar út að 1 sjómílu frá grunnlínu og hafi með því heimild til gjaldtöku af þeim aðilum sem nýta svæðið.
Nefndin gerir að öðru leiti ekki athugasemd við framkomna tillögu að matsáætlun.

5.  

Umsókn um Stöðuleyfi - Gunnar Sæmundsson - 2016120003

Gunnar Sæmundsson leggur fram umsókn um stöðuleyfi fyrir 40 feta gám á hafnarkanti til móts við Edinborgarhús. Með umsókn fylgir loftmynd sem markar staðsetningu nánar.

Skipulags- mannvirkjanefnd frestar erindi.

6.  

Sæborg í Aðalvík - stofnun þriggja lóða - 2016010020

Lagður fram tölvupóstur Erlings Ásgeirssonar, f.h. landeigendafélags Sléttu- og Grunnavíkurhrepps frá 8.júní 2016 ásamt afriti af bréfi Erlings Ásgeirssonar, f.h. landeigendafélags Sléttu- og Grunnavíkurhrepps dags. 24. mai 2016 til Umhverfisstofnunar.

Skipulags- og mannvirkjanefnd samþykkir fundarbeiðni.

7.  

Engidalur - Staðfesting landamerkja - 2017020019

Inga Daníelsdóttir óskar eftir þvi við skipulagsyfirvöld Ísafjarðarbæjar f.h. landeigenda jarðarinnar Fossa í Engidal, Skutulsfirði landnr. 137998 að landamerki jarðarinnar verði staðfest. Framlögð eru eftirfarandi gögn, hnitsettur uppdráttur frá Teiknistofunni Eik dags. 09.12.2016, undirritaður af landeigendum jarðanna Efri og Neðri Engidals, Breiðumýrar og Orkubúi Vestfjarða. Yfirlýsingar um landamerki og eignamörk dagsett feb. 2015 og 11. desember 2016 ásamt afsalsbréfum frá 14.apríl 1945, kaup- og afsalsbréf frá 10.júlí 1948, afsal dags. 7. apríl 1953.

Byggingafulltrúa falið að ganga frá málinu.

8.  

Æfingaturn - umsókn um stöðuleyfi - 2015090074

Einar Birkir Sveinbjörnsson sækir um stöðuleyfi f.h. Unglingadeildarinnar Hafstjörnunnar skv. umsókn og meðfylgjandi uppdrætti. Sótt er um stöðuleyfi fyrir æfingaturn þar sem fjallabjörgun, sig og klifur eru æfð. Tilgreindar eru tvær staðsetningar á meðfylgjandi deiliskipulagsuppdrætti.

Skipulags- og mannvirkjanefnd samþykkir úthlutun stöðuleyfis fyrir æfingaturnn, nánari staðsetning í samráði við byggingafulltrúa. Einnig er bent á að stöðuleyfi gildir í eitt ár.

9.  

Dýrafjarðargöng - Umsókn um framkvæmdaleyfi - 2016120021

Guðmundur Rafn Kristjánsson, f.h. Vegagerðarinnar, sækir um framkvæmdarleyfi fyrir jarðgöng milli Arnarfjarðar og Dýrafjarðar í Ísafjarðarbæ skv. umsókn dags. 16. janúar 2017. Sótt er um framkvæmdaleyfi til Ísafjarðarbæjar vegna Dýrafjarðarganga, á grundvelli 13. gr. skipulagslaga nr. 123/2010 og reglugerðar nr. 772/2012 um framkvæmdaleyfi. Framkvæmdin er matsskyld skv. lögum um mat á umhverfisáhrifum nr. 106/2000 og er matsskýrsla og álit Skipulagsstofnunar fyrirliggjandi og meðfylgjandi.
Sótt er um framkvæmdina á grundvelli Aðalskipulags Ísafjarðarbæjar 2008-2020 og deiliskipulags í landi Dranga, í Dýrafirði og Rauðsstaða í Arnarfirði, þar sem gert er ráð fyrir jarðgöngum. Meðfylgjandi eru eftirfarandi gögn vegna framkvæmdarleyfisumsóknar.
1. Afstöðumynd
2. Hönnunargögn, jarðgöng, vegir og brýr
3. Fylgiskjal 3 lýsing á framkvæmd, upplýsingar úr útboðslýsingu.
4. Umhverfismat og álit Skipulagsstofnunar.
Óskað er eftir leyfi fyrir framkvæmdinni í heild sinni eins og henni er lýst í meðfylgjandi gögnum.
Vegagerðin hefur sótt um leyfi til Fiskistofu vegna efnistöku úr Hófsá, vegna byggingar brúa á Mjólká og Hofsá og ræsis í Kjaransstaðaá.

Skipulags- og mannvirkjanefnd frestar erindi.

Sigurður Mar Óskarsson vék af fundi við afgreiðslu.

1.  

Verkefnalisti íþrótta- og tómstundanefndar - 2014030027

Lagður fram verkefnalisti íþrótta- og tómstundanefndar.

Lagt fram til kynningar.

2.  

Sundhöll Ísafjarðar Samkeppni - 2015090052

Lagt fram til kynningar dómnefndarálit í hugmyndasamkeppni um aukna og bætta íþrótta- og baðaðstöðu í Sundhöll Ísafjarðar.

Lagt fram til kynningar.

3.  

Uppbyggingasamningar við íþróttafélög 2017-2018 - 2017020028

Lögð fram drög að uppbyggingasamningum við Skíðafélag Ísfirðinga vegna Seljalandsdals og Tungudals, Golfklúbbs Ísafjarðar og Skotíþróttafélag Ísafjarðar.

Nefndin leggur til við bæjarstjórn að gerðir verði samningar við þau þrjú félög um þau fjögur samningsdrög sem fyrir fundinum lágu. Upphæð í hvert verkefni verði kr. 3.000.000.

1.  

Trúnaðarmál. - 2011090094

Tvö trúnaðarmál lögð fram í félagsmálanefnd.

Trúnaðarmálin afgreidd og færð til bókar í trúnaðarmálabók félagsmálanefndar.

2.  

Móttökuáætlun nýrra íbúa - 2015010086

Rætt um úrvinnslu gagna frá fjölmenningarþingi og móttökuáætlun nýrra íbúa.

Umræður um móttökuáætlun.

3.  

Þjónusta SÁÁ, uppbygging í 40 ár. - 2017020030

Lagt fram bréf dags. 4. janúar 2017 frá Arnþóri Jónssyni formanni SÁÁ ásamt blaði frá SÁÁ, sem kynnir starfsemi samtakanna á sviði áfengis- og vímuefnameðferðar og fíknilækninga.

Lagt fram til kynningar.

4.  

Fundargerðir verkefnahóps BSVest. - 2011090092

Lögð fram fundargerð frá 58. fundi verkefnahóps BsVest.

Lagt fram til kynningar.

5.  

Frumvörp og þingsályktunartillögur til umsagnar 2017 - 2017020032

Lögð fram drög að reglugerð um útlendingamál til umsagnar.

Lagt fram til kynningar.

1.  

Sjómannaverkfallið 2017 - 2017020023

Almennar umræður um sjómannaverkfallið og áhrif þess í sveitarfélaginu.

Bæjarráð skorar á deiluaðila í sjómannaverkfallinu að sýna ábyrgð og ljúka samningum sem allra fyrst, enda er tjón vegna deilunnar orðið umtalsvert og fer hratt vaxandi.

2.  

Starfshópur um framtíðarskipan komu skemmtiferðaskipa - 2016090040

Kynnt er umsögn frá 189. fundi hafnarstjórnar á drögum að erindisbréfi fyrir starfshóp um framtíðarskipan komu skemmtiferðaskipa. Hafnarstjórn gerir ekki athugasemdir við drögin. Hafdís Gunnarsdóttir og Daníel Jakobsson lýsa vonbrigðum með það hversu langan tíma gerð erindisbréfsins hefur tekið.

Bæjarráð leggur til við bæjarstjórn að samþykkja erindisbréfið.

3.  

Skrúður, þjónustuhús. - 2017010006

Gísli Halldór Halldórson, bæjarstjóri, kynnir mögulega ályktun bæjarráðs vegna samkomulags um svokallað verndarsvæði umhverfis garðinn Skrúð.

Bæjarráð samþykkir eftirfarandi ályktun:
"Ísafjarðarbær er eigandi Skrúðs í Dýrafirði, landnúmer 140992, en menntamálaráðuneytið, vegna Héraðsskólans á Núpi, afhenti Ísafjarðarbæ garðinn til fullrar eignar með samkomulagi, dags. 5. nóvember 1997. Landeigendur Núps höfðu áður gefið Héraðsskólanum á Núpi Skrúð.

Á Skrúð er þinglýst kvöð (skjal nr. 418-F-000415/1994), en um er að ræða samkomulag um svokallað verndarsvæði umhverfis garðinn Skrúð, sem þáverandi landeigendur jarðarinnar Núps (140975), og framkvæmdanefnd Skrúðs, gerðu þann 12. júní 1994 og þinglýst var þann 16. júní 1994.

Með makaskiptasamningi landeigenda Núps og menntamálaráðuneytisins, vegna Héraðsskólans á Núpi, dags. 12. janúar 2006, fékk Héraðsskólinn (140979) til eignar umrætt verndarsvæði, þ.e. "land umhverfis Skrúð, 170 x 260 m [...] samtals um 41.593 m² að frádregnum Skrúðsreitnum [...]." Í samningnum var ekki getið um aðrar kvaðir en umferðarrétt landeigenda Núps um vegslóða samhliða verndarsvæðinu.

Ísafjarðarbær, núverandi eigandi Skrúðs, og Ríkiseignir, vegna Héraðsskólans á Núpi, núverandi eigandi umrædds verndarsvæðis, eru sammála um að fyrrgreint samkomulag, dags. 12. júní 1994, sem þinglýst var á landnúmer Skrúðs (140992) þann 16. júní 1994, sé nú niður fallið.

Með vísan til framangreinds samþykkir bæjarráð að framangreindri kvöð á Skrúði (skjal nr. 418-F-000415/1994) verði aflýst.

Er Andra Árnasyni hrl. falið að hlutast til um að fá kvöð þessari aflýst af eigninni í samræmi við framangreint."

4.  

Lýðháskóli á Flateyri - 2016110085

Lagður fram tölvupóstur Runólfs Ágústssonar, f.h. fjárhagsráðs verkefnis um lýðháskóla á Flateyri, dagsettur 6. febrúar sl. Fjárhagsráðið óskar eftir fundi með Þórdísi Kolbrúnu Gylfadóttur, ferðamála-, iðnaðar- og nýsköpunarráðherra, ásamt Gísla Halldóri Halldórssyni, bæjarstjóra Ísafjarðarbæjar, þar sem ætlunin er að kynna verkefnið um lýðháskóla á Flateyri.

Lagt fram til kynningar.

Daníel Jakobsson yfirgaf fundinn kl. 8:35.

5.  

Styrkbeiðni frá SFÍ - 2017010047

Kynnt eru drög að viðauka vegna styrkbeiðni Hólmfríðar Völu Svavarsdóttur, f.h. SFÍ, dags. 20. desember sl., vegna Unglingameistaramóts Íslands sem haldið verður á Ísafirði 23.-26. mars 2017. Á 962. fundi bæjarráðs var tekið jákvætt í verkefnið og bæjarstjóra falið að gera drög að viðauka til að mæta styrk upp á kr. 1.000.000,-.

Bæjarráð leggur til við bæjarstjórn að samþykkja viðaukann.

Daníel Jakobsson kom aftur til fundarins kl. 8:38.

6.  

Frístundarúta til Bolungarvíkur - 2017010051

Kynnt er minnisblað Þórdísar Sifjar Sigurðardóttur, bæjarritara, dags. 10. febrúar sl., vegna samnings milli Ísafjarðarbæjar og Bolungarvíkurkaupstaðar vegna frístundarútu milli Bolungarvíkur og Ísafjarðar sem ætluð er börnum og unglingum yngri en 18 ára vegna þátttöku þeirra í skipulögðu tómstundastarfi.

Bæjarráð felur bæjarstjóra að útbúa viðauka og samning vegna frístundarútunnar milli Ísafjarðar og Bolungarvíkur og leggja fyrir bæjarstjórn til samþykkjar.

7.  

Sindragata 4a - umsókn um stofnframlag. - 2016100023

Lagt fram bréf Sigurðar Jóns Björnssonar og Laufeyjar L. Sigurðardóttur, f.h. Íbúðalánasjóðs, ódagsett en móttekið 9. febrúar sl., þar sem óskað er eftir frekari gögnum með umsókn Ísafjarðarbæjar um stofnframlag vegna byggingar íbúða við Sindragötu 4a, Ísafirði.

Jafnframt er kynnt tillaga Þórdísar Sifjar Sigurðardóttur, bæjarritara, dags. 10. febrúar sl., um tillögu að greiðslu stofnframlags sveitarfélagsins til byggingarinnar.

Bæjarráð samþykkir eftirfarandi ályktun:
"Bæjarráð samþykkir að stofnframlag Ísafjarðarbæjar, til byggingar 11 íbúða við Sindragötu 4a, verði lóðaverð og önnur opinber gjöld, útlagður kostnaður framkvæmdaaðila vegna byggingarinnar sem áætlaður er 3% og hreint fjárframlag. Enn fremur setur Ísafjarðarbær þau skilyrði fyrir stofnframlaginu að það verði endurgreitt þegar önnur fjármögnun hefur verið greidd."

8.  

Nýtingaráætlun Arnarfjarðar - fiskeldismál - 2017020052

Lagður fram tölvupóstur Gísla Halldórs Halldórssonar, bæjarstjóra, dagsettur 8. febrúar sl., til Aðalsteins Óskarssonar, framkvæmdastjóra Fjórðungssambands Vestfirðinga. Í ljósi þeirra umsókna sem fram hafa komið um fiskeldisleyfi utan svæða samþykktra í nýtingaráætlun Arnarfjarðar, og sum þeirra meira að segja þegar samþykkt, óskar bæjarstjóri eftir því að Fjórðungssambandið hlutist til um þau viðbrögð sem nauðsynleg eru samkvæmt orðalagi nýtingaráætlunarinnar. Slík viðbrögð þurfa að eiga sér stað eins fljótt og mögulegt er.

Lagt fram til kynningar.

9.  

Byggðakvóti fiskveiðiárið 2016/2017 - 2016090018

Lagður fram tölvupóstur Hinriks Greipssonar, f.h. atvinnuvega- og nýsköpunarráðuneytis, dagsettur 8. febrúar sl. Lagt er til að bæjarstjórn Ísafjarðarbæjar taki aftur til afgreiðslu tillögu bæjarstjóra að sérreglum um byggðakvóta í Ísafjarðarbæ, fiskveiðiárið 2016/2017, vegna mistaka í fundarritun, sem nauðsynlegt er að leiðrétta svo útreikningur byggðakvóta verði réttur.

Bæjarráð leggur til við bæjarstjórn að sérreglur um byggðakvóta í Ísafjarðarbæ fiskveiðiárið 2016/2017 verði samþykktar að nýju þannig að skýrt komi fram að aðeins verði gerð breyting frá fyrra ári á 1. málsl. 1. og 2. mgr. 4. gr. reglugerðarinnar. Breytingin sé sú að fyrst skuli úthluta bátum með frístundaleyfi sbr. a-lið, 1 þorskígildistonni á bát, 40% af því sem eftir stendur skuli skipta jafnt milli annarra skipa, þó ekki meira, í þorskígildum talið, sem landað var innan byggðalagsins á tímabilinu 1. september 2015 til 31. ágúst 2016.

10.  

Staða Menntaskólans á Ísafirði - 2017020051

Lagt fram til kynningar afrit af tölvupósti Jónu Benediktsdóttur, formanns skólanefndar Menntaskólans á Ísafirði, dagsett 9. febrúar. Jón Reynir Sigurvinsson, skólameistari MÍ og Gísli Halldór Halldórsson, bæjarstjóri, eru einnig skrifaðir fyrir póstinum, sem sendur er til þingmanna Norðvesturkjördæmis. Bréfritarar hafa þungar áhyggjur af stöðu mála við Menntaskólann á Ísafirði og óska liðsinnis þingmanna við að sjá til þess að skólinn geti haldið stöðu sinni sem einn af burðarásum í samfélaginu á norðanverðum Vestfjörðum.

Lagt fram til kynningar.

11.  

Íslandsmót iðn- og verkgreina 2017 - hvatning til sveitarfélaga og skóla - 2017020044

Lagður fram tölvupóstur Svandísar Ingimundardóttur, skólamálafulltrúa Sambands íslenskra sveitarfélaga, dagsettur 7. febrúar sl. þar sem kynnt er Íslandsmót iðn- og verkgreina 2017. Á mótinu gefst grunnskólanemendum tækifæri til að kynnast fjölbreyttu framboði iðn- og verknáms á framhaldsskólastigi, sjá nemendur á viðkomandi námssviðum spreyta sig á ólíkum verkefnum auk þess að fá sjálfir að reyna sig við ýmsar verklegar æfingar.
Verkiðn sér um skipulagningu og framkvæmd viðburðarins í samstarfi við fagfélög iðn- og verkgreina og framhaldsskóla og býður sveitarfélögum og skólum styrki til þess að koma nemendum á staðinn með rútum.

Lagt fram til kynningar og vísað til fræðslunefndar.

12.  

Frumvörp og þingsályktunartillögur til umsagnar 2017 - 2017020032

Lagður fram tölvupóstur Ívars Más Ottasonar, f.h. innanríkisráðuneytis, dagsettur 7. febrúar sl., þar sem athygli er vakin á því að drög að reglugerð um útlendingamál hafa verið birt á vef ráðuneytisins. Hægt er að senda ráðuneytinu umsagnir til og með 19. febrúar nk.

Lagt fram til kynningar.

13.  

Mávagarður Viðlegustöpull - Umsókn um framkvæmdarleyfi - 2016120059

Á 189. fundi sínum lagði hafnarstjórn til við bæjarstjórn að tilboði lægstbjóðanda í verkið Mávagarður Viðlegustöpull yrði tekið.

Bæjarráð samþykkir tilboðið og óskar eftir að viðauki verði gerður og lagður fyrir næsta fund bæjarráðs.

14.  

Fjórðungssamband Vestfirðinga - fundargerðir 2017 - 2017010014

Lagður fram tölvupóstur Aðalsteins Óskarssonar, framkvæmdastjóra Fjórðungssambands Vestfirðinga, dagsettur 8. febrúar sl., ásamt fundargerð 3. fundar samráðsvettvangs sveitarfélaga á Vestfjörðum, sem haldinn var 25. janúar sl.

Lagt fram til kynningar.

15.  

Fjórðungssamband Vestfirðinga - fundargerðir 2017 - 2017010014

Lagður fram tölvupóstur Aðalsteins Óskarssonar, framkvæmdastjóra Fjórðungssambands Vestfirðinga, dagsettur 7. febrúar sl., ásamt fundargerðum stjórnar Fjórðungssambands frá 14. desember og 25. janúar sl.

Lagt fram til kynningar.

16.  

Félagsmálanefnd - 415 - 1702008F

Fundargerð 415. fundar félagsmálanefndar sem haldin var 7. febrúar sl., fundargerðin er í 5 liðum.

Lagt fram til kynningar.

17.  

Íþrótta- og tómstundanefnd - 175 - 1702007F

Fundargerð 175. fundar íþrótta- og tómstundanefndar sem haldinn var 8. febrúar sl., fundargerðin er í 3 liðum.

Bæjarráð felur sviðsstjóra að ljúka drögum að uppbyggingasamningum og leggja fyrir bæjarráð.

18.  

Hafnarstjórn - 189 - 1702006F

Fundargerð 189. fundar hafnarstjórnar sem haldinn var 7. febrúar sl., fundargerðin er í 9 liðum.

Bæjarráð felur bæjarstjóra að gera sameiginlega umsögn fyrir Ísafjarðarbæ um tillögu að matsáætlun um 7.600 tonna framleiðsluaukningu í laxeldi Arctic Sea Farm í Ísafjarðardjúpi.

19.  

Skipulags- og mannvirkjanefnd - 471 - 1701018F

Fundargerð 471. fundar skipulags- og mannvirkjanefndar sem haldinn var 8. febrúar sl., fundargerðin er í 9 liðum.

Lagt fram til kynningar.

1.  

Samstarfssamningur - 2005090047

Lagt er fram bréf Elfars Loga Hannessonar, f.h. Kómedíuleikhússins, dags. 15. desember sl., þar sem óskað er eftir endurnýjun á samstarfssamningi Kómedíuleikhússins við Ísafjarðarbæ.

Atvinnu- og menningarmálanefnd leggur til við bæjarráð að gerður verði sambærilegur samningur við Kómedíuleikhúsið og hefur verið í gildi, í samræmi við umræður á fundinum, og gerður verði viðauki við fjárhagsáætlun Ísafjarðarbæjar 2017.

2.  

Samfélagsviðurkenning Ísafjarðarbæjar - 2016030004

Tillaga Kristjáns Andra Guðjónssonar, bæjarfulltrúa, varðandi viðurkenninguna Sómi Ísafjarðarbæjar, tekin aftur á dagskrá.

Atvinnu- og menningarmálanefnd felur bæjarritara að vinna áfram að reglum um samfélagsverðlaun í Ísafjarðarbæ.

3.  

Engi, leiga á húsnæði til ArtsIceland. - 2017020022

Lagt er fram bréf Elísabetar Gunnarsdóttur, f.h. Arts Iceland, dags. 3. febrúar sl., þar sem óskað er eftir að leigja Engi, Seljalandsvegi 102 til tveggja ára. Atvinnu- og menningarmálanefnd efndi til hugmyndasamkeppni til nýtingar á Engi, sem var auglýst í byrjun árs 2016, því er beiðnin lögð fyrir atvinnu- og menningarmálanefnd.

Atvinnu- og menningarmálanefnd leggur til að bæjarráð að fasteignin að Seljalandsvegi 102, Ísafirði, verði leigð ArtsIceland til tveggja ára frá 15. apríl 2017 til og með 14. apríl 2019. Samningurinn skal útbúinn af bæjarritara m.t.t. beiðnar Elísabetar Gunnarsdóttur, f.h. ArtsIceland, gegn greiðslu daglegs reksturs hússins auk tilfallandi viðhalds. Leigutaka verður óheimilt að leigja húsnæðið út á almennum markaði, til lengri eða skemmri tíma.

Almenn mál

1.  

Starfshópur um framtíðarskipan komu skemmtiferðaskipa - 2016090040

Tillaga 963. fundar bæjarráðs um að samþykkja erindisbréf starfshóps um framtíðarskipan komu skemmtiferðaskipa.

2.  

Styrkbeiðni frá SFÍ - 2017010047

Tillaga 963. fundar bæjarráðs, um að samþykkja viðauka vegna styrkbeiðni Skíðafélags Ísfirðinga.

3.  

Byggðakvóti fiskveiðiárið 2016/2017 - 2016090018

Tillaga 963. fundar bæjarráðs, 13. febrúar 2017, um að samþykkja að nýju sérreglur um byggðakvóta Ísafjarðarbæjar.

4.  

3X óskar eftir óverulegri aðalskipulagsbreytingu - 2016120008

Tillaga 471. fundar skipulags- og mannvirkjanefnd um að samþykkja meðfylgjandi tillögu og heimila málsmeðferð í samræmi við 2. mgr. 36. gr. skipulagslaga nr. 123/2010 um óverulega breytingu.

5.  

Samþykkt um fráveitu Ísafjarðarbæjar - 2016040069

Tillaga 960. fundar bæjarráðs um að samþykkt um fráveitu í Ísafjarðarbæ verði samþykkt, áður samþykkt af heilbrigðisnefnd með vísan til bréfs Heilbrigðiseftirlits Vestfjarða, dags. 6. nóvember 2016.

6.  

Sjókvíaeldi Arctic Sea Farm í Ísafjarðardjúpi - 2017010103

Tillaga bæjarstjóra að umsögn Ísafjarðarbæjar um tillögu að matsáætlun um 7.600 tonna framleiðsluaukningu á laxeldi Arctic Sea Farm í Ísafjarðardjúpi, beiðnin var tekið fyrir á 189. fundi hafnarstjórnar og 471. fundi skipulags- og mannvirkjanefndar.

Fundargerðir til kynningar

7.  

Bæjarráð - 962 - 1702005F

Fundargerð 962. fundar bæjarráðs sem haldinn var 6. febrúar sl., fundargerðin er í 8 liðum.

8.  

Bæjarráð - 963 - 1702012F

Fundargerð 963. fundar bæjarráðs sem haldinn var 13. febrúar sl., fundargerðin er í 19 liðum.

9.  

Barnaverndarnefnd á norðanverðum Vestfjörðum - 147 - 1702003F

Fundargerð 147. fundar barnaverndarnefndar á norðanverðum Vestfjörðum sem haldinn var 2. febrúar sl., fundargerðin er í 3 liðum.

10.  

Félagsmálanefnd - 415 - 1702008F

Fundargerð 415. fundar félagsmálanefndar sem haldinn var 7. febrúar sl., fundargerðin er í 5 liðum.

11.  

Hafnarstjórn - 189 - 1702006F

Fundargerð 189. fundar hafnarstjórnar sem haldinn var 7. febrúar sl., fundargerðin er í 9 liðum.

12.  

Íþrótta- og tómstundanefnd - 175 - 1702007F

Fundargerð 175. fundar íþrótta- og tómstundanefndar sem haldinn var 8. febrúar sl., fundargerðin er í 3 liðum.

13.  

Skipulags- og mannvirkjanefnd - 471 - 1701018F

Fundargerð 471. fundar skipulags- og mannvirkjanefndar sem haldinn var 8. febrúar sl., fundargerðin er í 9 liðum.

14.  

Umhverfis- og framkvæmdanefnd - 41 - 1702002F

Fundargerð 41. fundar umhverfis- og framkvæmdanefndar sem haldinn var 7. febrúar sl., fundargerðin er í 4 liðum.