1.  

Trúnaðarmál. - 2011090094

Eitt trúnaðarmál lagt fram til afgreiðslu í félagsmálanefnd.

Trúnaðarmálið afgreitt og fært til bókar í trúnaðarmálabók félagsmálanefndar.

2.  

Fjárhagsaðstoð - 2012120016

Lögð fram drög að nýjum reglum um fjárhagsaðstoð hjá Ísafjarðarbæ.

Félagsmálanefnd felur starfsmönnum fjölskyldusviðs að gera breytingar á reglunum í samræmi við umræður á fundinum og leggur til við bæjarstjórn Ísafjarðarbæjar að reglurnar verði samþykktar.

3.  

Reglur um sérstakan húsnæðisstuðning hjá Ísafjarðarbæ. - 2016120045

Lögð fram drög að reglum um sérstakan húsnæðisstuðning hjá Ísafjarðarbæ.

Félagsmálanefnd felur starfsmönnum fjölskyldusviðs að gera breytingar á reglunum í samræmi við umræður á fundinum og leggur til við bæjarstjórn Ísafjarðarbæjar að reglurnar verði samþykktar.

1.  

Sindragata 4a - umsókn um stofnframlag. - 2016100023

Lagður fram tölvupóstur Hrafnhildar Sifjar Hrafnsdóttur, f.h. Íbúðalánasjóðs, dagsettur 30. desember sl., ásamt bréfi sjóðsins til Ísafjarðarbæjar. Sótt var um úthlutun stofnframlags vegna byggingar almennra íbúða að Sindragötu 4a, og í bréfinu gefur úthlutunarnefnd Íbúðalánasjóðs Ísafjarðarbæ kost á að breyta umsókn sinni til samræmis við athugasemdir nefndarinnar.

Bæjarráð felur bæjarstjóra að vinna áfram að málinu og laga umsóknina til samræmis við athugasemdir nefndarinnar.

2.  

Samskip - hækkun á þjónustugjöldum - 2017010013

Lögð fram tilkynning frá Samskipum, ódagsett, þar sem tilkynnt er um hækkun á þjónustugjöldum frá og með 1. janúar 2017. Þjónustugjöld munu hækka um 7-12% að jafnaði og sett verður á sérstakt strandferðagjald vegna sjóflutnings frá Ísafirði, Sauðárkróki, Akureyri og Húsavík, kr. 42.000.- á hvern gám.

Bæjarráð felur bæjarstjóra að óska eftir skýringum hjá Samskipum hvers vegna verið er að leggja sérstakt strandflutningagjald á gámaflutninga og hvort rétt sé að gjaldið verði eingöngu lagt á landsbyggðir og hvort hluti landsbyggða verði undanþeginn.

3.  

Hestamannafélagið Hending - kröfugerð vegna reiðvallar - 2016050078

Lögð fram drög að samkomulagi milli Vegagerðarinnar og Ísafjarðarbæjar um greiðslu fullnaðarbóta vegna byggingar Bolungarvíkurganga, þ.á.m. vegna skerðingar á aðstöðu Hestamannafélagsins Hendingar að Búðartúni í Hnífsdal.

Bæjarráð leggur til við bæjarstjórn að drögin að samkomulaginu verði samþykkt.

Jónas Þór Birgisson leggur fram eftirfarandi bókun:
„Undirritaður lýsir yfir ánægju með að samningi við Vegagerðina hafi verið lokið á þeim nótum sem lagt hafði verið upp með á árinu 2013.“

4.  

Ýmis erindi og fundargerðir 2017 - Samband íslenskra sveitarfélaga - 2017010019

Lagður fram tölvupóstur Klöru E. Finnbogadóttur f.h. Sambands íslenskra sveitarfélaga, dagsettur 4. janúar sl., þar sem vakin er athygli á Degi leikskólans sem haldinn verður hátíðlegur í tíunda sinn þann 6. febrúar 2017.

Lagt fram til kynningar.

5.  

Samband íslenskra sveitarfélaga, ýmis erindi og fundargerðir 2016 - 2016020019

Lagður fram tölvupóstur Magnúsar Karels Hannessonar f.h. Sambands íslenskra sveitarfélaga, dagsettur 21. desember sl., ásamt fundargerð 845. fundar Sambandsins sem haldinn var 16. desember sl.

Lagt fram til kynningar.

6.  

Mánaðaryfirlit 2016 - 2016050081

Lagt er fram minnisblað Helgu Ásgeirsdóttur, verkefnastjóra á fjármálasviði, dags. 6. janúar sl, um skatttekjur og laun frá janúar til nóvember 2016. Þar má sjá að útsvarstekjur eru 5,7 milljónum króna yfir áætlun og eru 1.614 milljónir króna fyrir tímabilið. Jöfnunarsjóður er 1,8 milljónum króna yfir áætlun eða 642 milljónir króna. Að lokum er launakostnaður 3,8 milljónum króna undir áætlun en kostnaðurinn nemur 1.884 milljónum króna fyrir fyrstu 11 mánuði ársins 2016.

Helga fór yfir minnisblaðið og umræður fóru fram á fundinum.

Gestir

Helga Ásgeirsdóttir, sérfræðingur á fjármálasviði - 08:25

Helga Ásgeirsdóttir yfirgefur fundinn kl. 8:30.

7.  

Kerfisáætlun Landsnets 2014-2023 og 2016-2025 - 2014050071

Lagður fram tölvupóstur Aðalsteins Óskarssonar f.h. Fjórðungssambands Vestfirðinga, dagsettur 4. janúar sl., ásamt umsögn sambandsins um drög að kerfisáætlun Landsnets 2016-2025.

Bæjarráð samþykkir eftirfarandi umsögn Ísafjarðarbæjar um kerfisáætlun Landsnets 2016-2025:
„Þann 18. janúar 2016 samþykkti bæjarstjórn Ísafjarðarbæjar eftirfarandi ályktun vegna Hvalárvirkjunar og hringtengingar raforku um Ísafjarðardjúp.
Bæjarstjórn Ísafjarðarbæjar skorar á Landsnet, ríkisstjórn Íslands, Alþingi og Orkustofnun að vinna sem fyrst tímasetta áætlun sem tryggt getur nýtingu orkuauðlinda á Vestfjörðum samhliða því að styrkja markvisst flutningskerfi raforku til og um Vestfirði.
Mikilvægt er að nýr afhendingarstaður raforku verði skilgreindur innarlega við Ísafjarðardjúp, sem tengipunktur fyrir nýjar virkjanir á Ströndum og við Ísafjarðardjúp. Sá tengipunktur verður fyrirsjáanlega hornsteinninn í uppbyggingu raforkukerfis Vestfjarða og verður ákvörðun um þá staðsetningu að liggja fyrir á næstu vikum, til að tefja ekki frekar áframhald undirbúnings virkjanaframkvæmda í Hvalá.
Ennfremur ítrekar bæjarstjórn Ísafjarðarbæjar þá kröfu sína að þessar framkvæmdir verði nýttar til að bæta raforkuöryggi og færa raforkukerfi Vestfjarða til nútímans með hringtengingu um Vestfirði. Háspennulína sem tengir Ísafjörð, Súðavík og Hólmavík í gegnum nýjan afhendingarstað raforku við Djúp mun stórbæta afhendingaröryggi raforku á öllum Vestfjörðum, tryggja bestu möguleika Landsnets á að standa við sína afhendingarskyldu og uppfylla markmið íslenskra stjórnvalda um að samfélög á Íslandi standi jafnfætis í þessum efnum.
Fleiri sveitarfélög á Vestfjörðum hafa ályktað á sömu lund.
Ályktunin gengur efnislega í sömu átt og öll markmið kerfisáætlunar eiga að gera, þ.e. um öryggi, skilvirkni, áreiðanleika afhendingar, hagkvæmni og gæði raforku.
Í kafla 2.3.3. kemur skýrt fram að sá landshluti sem ótiltæki er minnst er sá landshluti sem hefur flesta möskvatengda afhendingarstaði. Vestfirðir sem heild eru geislatengt afhendingarsvæði og aukalega eru afhendingarstaðir á sunnanverðum Vestfjörðum geislatengdar einingar. Ótiltæki á Vestfjörðum er því með því hæsta sem gerist á landinu og er landshlutanum samfélagslega dýrt. Aukin möskvatenging raforkukerfis á Vestfjörðum verður því að teljast best til þess fallið að bæta raforkugæði svæðisins sem og að tryggja hagsmuni Landsnets, þar sem afhendingaröryggi frá væntanlegum virkjunum verður umtalsvert meira og mun nær því markmiði að ein eining geti fallið úr rekstri tímabundið án þess að það loki fyrir afhendingu.
Það er því eðlileg krafa Ísafjarðarbæjar að í kerfisáætlun Landsnets sé gert ráð fyrir að tenging nýs afhendingarstaðar í innanverðu Ísafjarðardjúpi verði bæði í austur og vestur, þ.e um Hólmavík annars vegar og til Ísafjarðar á hinn veginn.
Ísafjarðarbær fagnar þeim áformum sem fram koma í kerfisáætluninni að efla tengingu á suðurfjörðum Vestfjarða, með tengingu yfir Arnarfjörð. Ljóst er að aukin möskvatenging raforkukerfis Vestfjarða er til bóta fyrir landshlutann.
Varðandi þær áætlanir að tengja Ísland við raforkukerfi Evrópu með lagningu sæstrengs til Bretlands, ganga þau plön þvert gegn hagsmunum íbúa á Vestfjörðum. Húshitun á Vestfjörðum fer að langmestu leiti fram með raforku og hækkun orkuverðs á þeim markaði mun án nokkurs vafa hafa verulega neikvæð áhrif á búsetuskilyrði. Nýlega hefur verið sýnt fram á að fólk sem býr á orkuveitusvæði RARIK og Orkubús Vestfjarða í dreifbýli borgar allt að 287% meira í húshitunarkostnað en fólk á Seltjarnarnesi. Ísafjarðarbær varar því við þessum áformum, nema að til komi verulegar leiðréttingar sem jafni stöðu landsmanna eftir möguleikum á orkutegundum til húshitunar.“

8.  

Skólamál á Flateyri - 2016110039

Lagt fram minnisblað Margrétar Halldórsdóttur, sviðsstjóra skóla- og tómstundasviðs, dagsett 6. janúar sl., ásamt tillögu að erindisbréfi fyrir samráðshóp leik- og grunnskóla á Flateyri. Taka þarf afstöðu til erindisbréfsins og þess hvaða sérfræðingur verður valinn til að starfa með starfshópnum og leiða verkefnið.

Bæjarráð vísar erindisbréfinu til umsagnar í fræðslunefnd. Bæjarráð leggur til við bæjarstjórn að Trappa ehf. verði ráðin ráðgjafi og verkefnastjóri samráðshópsins.

9.  

Fjárhagsáætlun 2017 - 2016020047

Lagt fram minnisblað Margrétar Halldórsdóttur, sviðsstjóra skóla- og tómstundasviðs, dagsett 6. janúar 2017, þar sem óskað er eftir að gjaldskrá skíðasvæðis verði breytt lítillega. Um er að ræða breytingu á verðskrá skíðaleigu á þann veg að mismunandi verð verði á gönguskíðum í leigunni. Mikill munur er á því hversu mikla umhirðu skíðin þurfa og eðlilegt að verð á þeim endurspegli það.

Bæjarráð leggur til við bæjarstjórn að beiðni um breytinguna á gjaldskrá skíðasvæðisins verði samþykkt.

10.  

Fjárhagsaðstoð - 2012120016

Á 414. fundi félagsmálanefndar, sem haldinn var 29. desember sl., voru lögð fram drög að reglum um fjárhagsaðstoð hjá Ísafjarðarbæ. Félagsmálanefnd samþykkir reglurnar fyrir sitt leiti og leggur til við bæjarstjórn að þær verði samþykktar.

Bæjarráð leggur til við bæjarstjórn að drög að reglum um fjárhagsaðstoð hjá Ísafjarðarbæ verði samþykkt.

11.  

Reglur um sérstakan húsnæðisstuðning hjá Ísafjarðarbæ. - 2016120045

Á 414. fundi félagsmálanefndar, sem haldinn var 29. desember sl., voru lögð fram drög að reglum um sérstakan húsnæðisstuðning hjá Ísafjarðarbæ. Félagsmálanefnd samþykkir reglurnar fyrir sitt leyti og leggur til við bæjarstjórn að þær verði samþykktar.

Bæjarráð leggur til við bæjarstjórn að drög að reglum um sérstakan húsnæðisstuðning hjá Ísafjarðarbæ verði samþykkt.

12.  

Sjókvíaeldi Arnarlax í Ísafjarðardjúpi - drög að tillögu að matsáætlun - 2016090039

Lagt fram bréf Hólmfríðar Bjarnadóttur, f.h. Skipulagsstofnunar, dagsett 3. janúar sl., ásamt tillögu að matsáætlun um Sjókvíaeldi Arnarlax í Ísafjarðardjúpi, framleiðslu á 10.000 tonnum af laxi á ári, frá Verkís, dagsett í desember 2016. Skipulagsstofnun óskar eftir umsögn Ísafjarðarbæjar um tillöguna.

Lagt fram til kynningar. Bæjarráð vísar beiðni um umsögn til skipulags- og mannvirkjanefndar.

13.  

Götusópur fyrir Þjónustumiðstöð - 2016110007

Lagður fram tölvupóstur Daníels Jakobssonar, dagsettur 19. desember sl., þar sem hann leggur til að farið verði í útboð á hreinsun/sópun gatna og niðurstaða útboðsins borin saman við kostnað við að kaupa og reka götusóp, áður en kaup á nýjum götusóp verða gerð.

Þegar hefur verið gerð óformleg verðkönnun í hreinsun gatna sem leiðir það í ljós að það er töluvert hagkvæmara fyrir Ísafjarðarbæ að eiga sjálf götusópinn og reka hann, þar með getur bæjarráð ekki samþykkt tillöguna.

Gestir

Brynjar Þór Jónasson, sviðstjóri umhverfis- og eignasviðs - 09:10

Brynjar yfirgefur fundinn kl. 09:15.

14.  

Úttekt á slökkviliði Ísafjarðarbæjar 2016 - 2016120057

Lagt fram bréf Bernhards Jóhannessonar f.h. Mannvirkjastofnunar, dagsett 19. desember sl., vegna úttektar á slökkviliði Ísafjarðarbæjar.

Bæjarráð felur slökkvistjóra að verða við tilmælum Mannvirkjastofnunar.

15.  

Sýslumaðurinn á Ísafirði - 2016 leyfisveitingar, rekstrarleyfi - 2016010026

Lögð er fram beiðni Sýslumannsins á Vestfjörðum, dags. 28. desember sl., um umsögn vegna umsóknar Guðrúnar Hönnu Óskarsdóttur, Neðri-Breiðadal, um nýtt rekstrarleyfi vegna veitingastaðar í flokki II. Jafnframt er lögð fram umsögn Axels Rodriguez Överby, skipulags- og byggingarfulltrúa, dags. 2. janúar sl.

Afgreiðslu málsins er frestað.

16.  

Bryggjupláss fyrir farþegabátinn Sægrím ÍS 38 - 2017010024

Lagt fram bréf Ragnars Ágústs Kristinssonar f.h. útgerðar Sægríms ÍS 38, dagsett 5. janúar sl., þar sem óskað er eftir aðstöðu til að taka um borð farþega, helst á svæðinu frá Sundabakka að trébryggjunni í Sundahöfn.

Lagt fram til kynningar. Bæjarráð vísar erindinu til hafnarstjórnar.

23.  

Sundhöll Ísafjarðar Samkeppni - 2015090052

Jónas Þór Birgisson leggur fram eftirfarandi bókun:
„Það er mikilvægt að stjórnsýsla bæjarins svari erindum hratt og vel og á það ekki hvað síst við þegar um skipulagsmál er að ræða. Að sama skapi er mjög mikilvægt að bæjarstjóri svari eins hratt og unnt er fyrirspurnum frá bæjarfulltrúum. Að mati undirritaðs er eitt mikilvægasta hlutverk bæjarfulltrúa í minnihluta að veita meirihlutanum aðhald. Byggist það ekki síst á því að koma til bæjarbúa upplýsingum um hvernig farið er með fjármuni þeirra og í því samhengi gegna formlegar fyrirspurnir bæjarfulltrúa og formleg svör bæjarstjóra lykilhlutverki.
Eftirfarandi fyrirspurn sendi undirritaður 14.09.2016:
Hver er áfallinn kostnaður bæjarins 14.09.2016 vegna samkeppninnar um Sundhöllina?
Óskað er eftir sundurliðuðum tölum eftir því hvert greiðslurnar hafa runnið.
Fyrirspurnin var tekin fyrir á fundi bæjarráðs 19.09.2016.
16.11.2016 sendi undirritaður inn fyrirspurn um greiðslur til tiltekins fyrirtækis en tók fram að þar sem um væri að ræða sérstaklega tilgreint fyrirtæki þá vissi hann ekki hvort meðhöndla þyrfti fyrirspurnina sem trúnaðarmál. Bæjarstjóri lét undirrituðum vissulega í té ljósrit er málið varðar en 28.11.2016 var málið tekið fyrir með formlegum hætti á fundi bæjarráðs og því ætti að gera ráð fyrir formlegu svari.
Hvorugri þessara fyrirspurna hefur bæjarstjóri svarað með formlegum hætti þegar kominn er 9. janúar 2017 og telur undirritaður það óviðunandi.“

17.  

Náttúrustofa - Ýmis erindi og fundargerðir 2016 - 2016020010

Lögð fram fundargerð 101. fundar stjórnar Náttúrustofu Vestfjarða, sem haldinn var 9. desember sl.

Lagt fram til kynningar.

18.  

Almannavarnanefnd - aðgerðarstjórnun - 2016120039

Lögð fram fundargerð fundar sameinaðrar almannavarnarnefndar Ísafjarðarbæjar og Súðavíkurhrepps, sem haldinn var 13. desember sl.

Lagt fram til kynningar.

19.  

Umhverfis- og framkvæmdanefnd - 38 - 1612003F

Lögð fram fundargerð 38. fundar umhverfis- og framkvæmdanefndar, sem haldinn var 20. desember sl. Fundargerðin er í 2 liðum.

Lagt fram til kynningar.

20.  

Skipulags- og mannvirkjanefnd - 468 - 1612012F

Lögð fram fundargerð 468. fundar skipulags- og mannvirkjanefndar, sem haldinn var 21. desember sl. Fundargerðin er í 7 liðum.

Lagt fram til kynningar.

21.  

Félagsmálanefnd - 413 - 1612015F

Lögð fram fundargerð 413. fundar félagsmálanefndar, sem haldinn var 20. desember sl. Fundargerðin er í 6 liðum.

Lagt fram til kynningar.

22.  

Félagsmálanefnd - 414 - 1612018F

Lögð fram fundargerð 414. fundar félagsmálanefndar, sem haldinn var 29. desember sl. Fundargerðin er í 3 liðum.

Lagt fram til kynningar.

1.  

Sjókvíaeldi í ísafjarðardjúpi - Háafell - 2016020056

Skipulagsstofnun óskar umsagnar Ísafjarðarbæjar á frummatsskýrslu um allt að 6.800 tonna framleiðslu á laxi í sjókvíum á vegum Háafells, í Ísafjarðardjúpi. Umsögn óskast send Skipulagsstofnun fyrir 9. janúar 2017

Erindið var áður á dagskrá á fundi skipulags- og mannvirkjanefndar þann 21. desember og var afgreiðslu frestað.

Það er sérhverju samfélagi, stóru sem smáu, nauðsynlegt að geta nýtt aðliggjandi auðlindir sér og íbúum sínum til hagsbóta. Í því samhengi skiptir gríðarlega miklu máli að sú auðlindanýting skapi störf á svæðinu og auki hagsæld íbúanna, fyrirtækjanna og samfélaganna í heild.
Á þeim forsendum hafa sveitarfélög á Vestfjörðum í fjölda ára haldið á lofti þeirri kröfu að skipulagsvald sveitarfélaga nái til fjarða, flóa og allt að eina mílu út fyrir grunnlínupunkta.
Fyrir allnokkrum árum hófst vinna við strandsvæðaskipulag í Ísafjarðardjúpi að frumkvæði sveitarfélaga og Fjórðungsambands Vestfirðinga. Sú vinna hefur hinsvegar legið í dvala í þónokkurn tíma vegna fjárskorts og áhugaleysis ríkisvaldsins.
Því má segja að það skorti heildstæða áætlun sem mótar framtíðarsýn í fiskeldi við Ísafjarðardjúp. Heildarskipulag sem gerir grein fyrir markmiðum og ákvörðunum viðkomandi stjórnvalda um framtíð fiskeldis í Ísafjarðardjúpi. Hver er framtíðarsýnin, hvaða markmið eru sett, hver eru áætluð viðmið og hvernig á að framfylgja stefnu. Einnig hafa bæjaryfirvöld áhyggjur af því að að ekki liggi fyrir umhverfismat á heildarálagi fiskeldis, þar sem sammögnunaráhrif alls fiskeldis í Ísafjarðardjúpi eru metin. Hversu víðtæk eru áhrif fiskeldis, s.s. langtímaáhrif og áhrif á stærri svæði. Hver eru samlegðaráhrif margra fiskeldisleyfa og afleidd áhrif s.s. efnahagslega, félagslega og umhverfislega.
Í frummatsskýrslu Háafells er gert ágætlega grein fyrir hvaða áhrif framkvæmdin getur haft á áðurnefnda þætti. Áætlað er að starfsemi Háafells verði að verulegu eða öllu leiti innan sveitarfélaga á svæðinu og efnahagsleg og samfélagsleg áhrif verða því umtalsverð og jákvæð. Umhverfisáhrif verða einhver, en eins og segir í skýrslunni að verulegu leiti afturkræf og mögulegt að lágmarka með mótvægisaðgerðum.
Í ljósi þess sem hér hefur verið tínt til gerir skipulags og mannvirkjanefnd Ísafjarðarbæjar ekki athugasemd við Frummatsskýrslu Háafells vegna 6800 tonna framleiðslu á laxi í sjókvíum í Ísafjarðardjúpi.

Inga Steinunn Ólafsdóttir vék af fundi við afgreiðslu erindis.

2.  

Sjókvíaeldi Arnarlax í Ísafjarðardjúpi - drög að tillögu að matsáætlun - 2016090039

Skipulagsstofnun óskar umsagnar Ísafjarðarbæjar um tillögu að matsáætlun sjókvíaeldis Arnarlax,um er að ræða framleiðslu á 10.000 tonnum af laxi á ári í Ísafjarðardjúpi. Umsögn óskast send Skipulagsstofnun fyrir 20. janúar 2017.

Skipulags- og mannvirkjanefnd frestar afgreiðslu erindis.

3.  

Skjólskógar - Skógrækt á landbúnaðarlandi jarðarinnar Bakka - 2017010026

Sæmundur Þorvaldsson, f.h. Skjólskóga, sækirum leyfi til þess að skipuleggja skógrækt á landbúnaðarlandi jarðarinnar Bakka í Brekkudal, Dýrafirði, þannig að markalína skógræktarsvæðis og hverfisverndarsvæðis H1 í Aðalskipulagi, taki mið af aðstæðum á svæðinu s.s. náttúrulegum línum í landslagi.

Það er mat skipulags- og mannvirkjanefndar að áform Skjólskóga um skipualgagningu skógræktar á svæðum sem liggja á mörkum hverfisverndarsvæðisins, eins og kemur fram í erindi Skjólskóga sé ásættanleg og vel til þess fallið að fella skógrækt inn í það náttúrulega umhverfi sem fyrir er. Beinar og ónáttúrulegar línur eins og birtast í Aðalskipulagi og sýna mörk svæðis sem njóta verndar, eru á engan hátt æskilegar til þess að stýra því nákvæmlega hvar má planta trjáplöntum og hvar ekki.
Skipulags- og mannvirkjanefnd heimilar því Skjólskógum að vinna skógræktaráætlanir á þeim forsendum sem fram koma í erindinu.

4.  

Skeiði B - Umsókn um lóð - 2017010027

Einar Halldórsson, f.h. G.E. Vinnuvéla ehf., sækir um lóð við Skeiði B, skv. umsókn dags. 5. jan 2016 og meðfylgjandi uppdrætti.

Skipulags- og mannvirkjanefnd leggur til við bæjarstjórn að G.E. Vinnuvélar, fái lóð inn á Skeiði við Götu B, Ísafirði skv. uppdrætti með þeim reglum sem í gildi eru og settar kunna að verða. Lóðarumsókn fellur úr gildi hafi teikningar ekki borist Ísafjarðarbæ innan 6 mánaða og framkvæmdir ekki hafist innan 12 mánaða frá úthlutun.

5.  

Mávagarður Viðlegustöpull - Umsókn um framkvæmdarleyfi - 2016120059

Guðmundur Magnús Kristjánsson, hafnarstjóri hafna Ísafjarðarbæjar, sækir um framkvæmdaleyfi vegna viðlegustöpuls sem fyrirhugaður er á Mávagarði. Meðfylgjandi gögn eru umsókn dags. 22.12.2016, ásamt útboðs og verklýsingu, dagsettri í jan. 2017 ásamt teikningum og teikningaskrá.
Skipulags- og byggingarfulltrúi vísar umsókn til skipulags- og mannvirkjanefndar með vísan í 3. gr. reglugerðar
772/2012 um framkvæmdaleyfi.

Skipulags- og mannvirkjanefnd leggur til við bæjarstjórn að heimiluð verði útgáfa framkvæmdaleyfis vegna viðlegustöpuls við Mávagarð.

6.  

Fyrirspurn - Gautur Ívar Halldórsson fyrirspurn um land til afnota. - 2017010031

Gautur Ívar Halldórsson og Þórhallur Snædal leggja inn eftirfarandi fyrirspurn dags. 29.12.2016 þar sem óskað er eftir afnotasamningi til 25 ára fyrir frístundahúsabyggð á svæði sem merkt er I9 í Aðalskipulagi Ísafjarðarbæjar 2008-2020. Um er að ræða ódeiliskipulagt svæði í ofanverðum Dagverðardal.

Skipulags- og mannvirkjanefnd hafnar erindi á þeim forsendum að framtíð svæðisins er óráðin.

7.  

Tunguskeiði - Óveruleg breyting á deiliskipulagi. - 2017010033

Miðað við núverandi forsendur deiliskipulags við Tunguskeið, er nýtingarhlutfall iðnaðarlóða 0.2 sem í dag er of lágt miðað við fyrirhugaða nýtingu á svæðinu.

Skipulags- og mannvirkjanefnd leggur til við bæjarstjórn að gerð verði óveruleg breyting á iðnaðaðar og athafnalóðum í deiliskipulagi Tunguskeiðs,sem felur í sér hækkun á nýtingarstuðli.

1.  

Sjókvíaeldi í ísafjarðardjúpi - Háafell - 2016020056

Lagt er fram bréf Sigmars Arnars Steingrímssonar, f.h. Skipulagsstofnunar, dags. 6. desember sl., þar sem óskað er umsagnar Ísafjarðarbæjar á frummatsskýrslu um allt að 6.800 tonna framleiðslu á laxi í sjókvíum á vegum Háafells, í Ísafjarðardjúpi. Umsögn var óskað fyrir 9. janúar 2017.
Erindið var tekið fyrir á 469. fundi skipulags- og mannvirkjanefndar og vísast til umsagnar nefndarinnar um erindið.

Bæjarráð tekur undir eftirfarandi umsögn skipulags- og mannvirkjanefndar:
"Það er sérhverju samfélagi, stóru sem smáu, nauðsynlegt að geta nýtt aðliggjandi auðlindir sér og íbúum sínum til hagsbóta. Í því samhengi skiptir gríðarlega miklu máli að sú auðlindanýting skapi störf á svæðinu og auki hagsæld íbúanna, fyrirtækjanna og samfélaganna í heild.
Á þeim forsendum hafa sveitarfélög á Vestfjörðum í fjölda ára haldið á lofti þeirri kröfu að skipulagsvald sveitarfélaga nái til fjarða, flóa og allt að eina mílu út fyrir grunnlínupunkta.
Fyrir allnokkrum árum hófst vinna við strandsvæðaskipulag í Ísafjarðardjúpi að frumkvæði sveitarfélaga og Fjórðungsambands Vestfirðinga. Sú vinna hefur hinsvegar legið í dvala í þónokkurn tíma vegna fjárskorts og áhugaleysis ríkisvaldsins.
Því má segja að það skorti heildstæða áætlun sem mótar framtíðarsýn í fiskeldi við Ísafjarðardjúp. Heildarskipulag sem gerir grein fyrir markmiðum og ákvörðunum viðkomandi stjórnvalda um framtíð fiskeldis í Ísafjarðardjúpi. Hver er framtíðarsýnin, hvaða markmið eru sett, hver eru áætluð viðmið og hvernig á að framfylgja stefnu. Einnig hafa bæjaryfirvöld áhyggjur af því að að ekki liggi fyrir umhverfismat á heildarálagi fiskeldis, þar sem sammögnunaráhrif alls fiskeldis í Ísafjarðardjúpi eru metin. Hversu víðtæk eru áhrif fiskeldis, s.s. langtímaáhrif og áhrif á stærri svæði. Hver eru samlegðaráhrif margra fiskeldisleyfa og afleidd áhrif s.s. efnahagslega, félagslega og umhverfislega.
Í frummatsskýrslu Háafells er gert ágætlega grein fyrir hvaða áhrif framkvæmdin getur haft á áðurnefnda þætti. Áætlað er að starfsemi Háafells verði að verulegu eða öllu leiti innan sveitarfélaga á svæðinu og efnahagsleg og samfélagsleg áhrif verða því umtalsverð og jákvæð. Umhverfisáhrif verða einhver, en eins og segir í skýrslunni að verulegu leiti afturkræf og mögulegt að lágmarka með mótvægisaðgerðum.
Í ljósi þess sem hér hefur verið tínt til gerir skipulags og mannvirkjanefnd Ísafjarðarbæjar ekki athugasemd við Frummatsskýrslu Háafells vegna 6800 tonna framleiðslu á laxi í sjókvíum í Ísafjarðardjúpi."

2.  

Aukin vetrarþjónusta á vegum í dreifbýli Ísafjarðarbæjar - 2017010038

Lagt fram bréf Guðmundar Steinars Björgmundssonar, f.h. Búnaðarfélagsins Bjarma, dagsett 9. janúar sl. Óskað er eftir viðræðum við Ísafjarðarbæ vegna vetrarþjónustu á vegum í dreifbýli Ísafjarðarbæjar.

Eins og fram kom á fundi Búnaðarfélgsins Bjarma með Vegagerðinni, bæjarstjóra og forstöðumanni þjónustumiðstöðvar þann 5. desember sl. er mikill vilji hjá Ísafjarðarbæ til að leita leiða svo bæta megi snjómokstur umfram það sem hann er í dag. Sviðsstjóri umhverfis- og eignasviðs, forstöðumaður þjónustumiðstöðvar og bæjarstjóri hafa verið með þetta mál til skoðunar og meðal annars rætt við Vegagerðina í framhaldi fundarins. Vonast er til að hægt verði að þoka þessum málum til betri vegar.

3.  

Ársskýrsla 2016 - Slökkvilið Ísafjarðarbæjar - 2017010040

Lögð fram ársskýrsla slökkviliðs Ísafjarðarbæjar fyrir árið 2016.

Lögð fram til kynningar.

4.  

Almenningssamgöngur - útboð 2016 - 2016040042

Lögð eru fram til kynningar drög að útboðsgögnum almenningssamgangna í Ísafjarðarbæ og skólaakstur í Skutulsfirði 2017-2021.

Lagt fram til kynningar. Hverfisráðum og Héraðssambandi Vestfirðinga hefur verið send tillaga að tímatöflu til umsagnar.

Gestir

Brynjar Þór Jónasson, sviðsstjóri umhverfis- og eignasviðs - 08:27

5.  

Úttekt frárennslislagna 2016 - 2016110066

Lagðar eru fram til kynningar niðurstöður verðkönnunar á úttekt á fráveitumálum Ísafjarðarbæjar.

Bæjarráð tekur jákvætt í erindið og felur bæjarstjóra að gera viðauka til að hægt verði að kaupa úttekt á fráveitumálum Ísafjarðarbæjar.

Brynjar Þór Jónasson yfirgaf fundinn kl. 08:30.

6.  

Sýslumaðurinn á Ísafirði - 2016 leyfisveitingar, rekstrarleyfi - 2016010026

Lögð er fram að nýju beiðni Sýslumannsins á Vestfjörðum, dags. 28. desember sl., um umsögn vegna umsóknar Guðrúnar Hönnu Óskarsdóttur, Neðri-Breiðadal, um nýtt rekstrarleyfi vegna veitingastaðar í flokki II. Jafnframt er lögð fram ný umsögn Axels Rodriguez Överby, skipulags- og byggingarfulltrúa, dags. 13. janúar sl.

Bæjarráð gerir ekki athugasemd við veitingu rekstrarleyfis vegna Neðri-Breiðadals.

7.  

Samstarfssamningur - 2005090047

Lagt er fram bréf Elfars Loga Hannessonar, f.h. Kómedíuleikhússins, dags. 15. desember sl., þar sem óskað er eftir endurnýjun á samstarfssamningi Kómedíuleikhússins við Ísafjarðarbæ.

Bæjarráð vísar beiðninni til umsagnar í atvinnu- og menningarmálanefnd.

8.  

Áhugi á vatnskaupum af Ísafjarðarbæ - 2016080046

Lagt er fram afrit af bréfi Gísla Halldórs Halldórssonar, bæjarstjóra, dags. 10. janúar sl., með svari við fyrirspurnum fyrirtækis sem hefur áhuga vatnskaupum af Ísafjarðarbæ.

Lagt fram til kynningar.

9.  

Beiðni um styrk vegna námskeiðsins "Bootcamp for Youthworkers" - 2017010042

Lagður fram tölvupóstur Guðmundar Ara Sigurjónssonar, formanns Félags fagfólks í frítímaþjónustu, dagsettur 9. janúar sl, ásamt bréfi með styrkumsókn. Óskað er eftir 400.000,- kr. styrk frá Ísafjarðarbæ vegna námskeiðsins "Bootcamp for Youthworkers", sem er námskeið fyrir æskulýðsstarfsfólk.

Bæjarráð hafnar beiðninni.

10.  

DMP landshlutaáætlanir - Svæðisráð Vestfjarða - 2017010044

Lagður fram tölvupóstur Díönu Jóhannsdóttur, f.h. Visit Westfjords, dagsettur 2. janúar sl., þar sem óskað er eftir að Ísafjarðarbær tilnefni fulltrúa í svæðisráð Vestfjarða.

Bæjarráð tilnefnir Jón Pál Hreinsson, bæjarstjóra í Bolungarvík, sem fulltrúa Ísafjarðarbæjar í svæðisráð Vestfjarða. Svæðisráð Vestfjarða er skipað til að taka ákvörðun um hversu margar DMP áætlanir eru unnar á hverju markaðsstofusvæði auk þess að tilnefna tengiliði fyrir hverja DMP áætlun.

11.  

Byggðasamlag Vestfjarða - þjónustusamningur og samstarfssamningur 2016 - 2016100073

Lagt fram minnisblað Gísla Halldórs Halldórssonar, bæjarstjóra, dagsett 12. janúar sl., með hugmyndum um aðkomu Ísafjarðarbæjar að BsVest og þjónustusvæði um málefni fatlaðs fólks á Vestfjörðum.

Bæjarráð felur bæjarstjóra að kynna fyrir hinum sveitarfélögunum í BsVest þær tillögur Ísafjarðarbæjar um þjónustu við fatlað fólk í framtíðinni sem kynnt er í minnisblaðinu.

12.  

Skipulags- og mannvirkjanefnd - 469 - 1701001F

Lögð er fram fundargerð 469. fundar skipulags- og mannvirkjanefndar sem haldinn var 11. janúar sl., fundargerðin er í 7 liðum.

Lagt fram til kynningar.

13.  

Umhverfis- og framkvæmdanefnd - 39 - 1701005F

Fundargerð 39. fundar umhverfis- og framkvæmdanefndar sem haldinn var 10. janúar sl., fundargerð er í 2 liðum.

Lagt fram til kynningar.

1.  

Verkefnalisti íþrótta- og tómstundanefndar - 2014030027

Lagður fram verkefnalisti nefndarinnar.

Lagt fram til kynningar.

2.  

Hestamannafélagið Hending - kröfugerð vegna reiðvallar - 2016050078

Lögð fram drög að samkomulagi við Hestamannafélagið Hendingu, einning lögð fram umsögn HSV um drögin.

Nefndin gerir ekki athugasemd við drögin. Sif Huld Albertsdóttir tók ekki afstöðu til samkomulagsins og gerir athugasemd við að fullnægjandi gögn hafi ekki borist fyrr en á fundinum.

3.  

Styrkbeiðni frá SFÍ - 2017010047

Lögð fram styrkbeiðni frá SFÍ vegna Unglingameistaramóts Íslands sem haldið verður á Ísafirði 23.-26. mars 2017.

Nefndin tekur jákvætt í erindið og vísar málinu til bæjarráðs þar sem ekki er fé í fjárhagsáætlun fyrir styrk sem þessum. Nefndin veltir fyrir sér hvort hluti þess sem óskað er eftir styrk fyrir eigi að vera í eigu skíðasvæðisins og felur starfsmanni að kanna það. Nefndin vill ítreka að beiðnir sem þessar komi tímalega og áður en vinnu við fjárhagsáætlun er lokið.

4.  

Íþróttamaður Ísafjarðarbæjar 2016 - 2017010034

Lagðar fram tilnefningar til íþróttamanns og efnilegasta íþróttamanns Ísafjarðarbæjar árið 2016.

Nefndin valdi íþróttamann Ísafjarðarbæjar 2016 og efnilegasta íþróttamann ársins. Valið verður tilkynnt við athöfn sunnudaginn 22. janúar kl. 16:00 á 4. hæð Stjórnsýsluhússins á Ísafirði.

1.  

Sjókvíaeldi Arnarlax í Ísafjarðardjúpi - drög að tillögu að matsáætlun - 2016090039

Skipulagsstofnun óskar umsagnar Ísafjarðarbæjar um tillögu að matsáætlun sjókvíaeldis Arnarlax, um er að ræða framleiðslu á 10.000 tonnum af laxi á ári í Ísafjarðardjúpi. Umsögn óskast send Skipulagsstofnun fyrir 20. Janúar 2017.
Erindið var lagt fram til kynningar á 469. fundi skipulags- og mannvirkjanefndar.

Skipulags- og mannvirkjanefnd gerir ekki athugasemd við framkomna tillögu að matsáætlun.

Nefndin ítrekar enn og aftur að afleitt sé að enga stefnumörkun stjórnvalda sé að finna um sjókvíaeldi á Vestfjörðum, fremur en annars staðar á landinu. Óheppilegt er að veita leyfi þar sem burðarþol Ísafjarðardjúps liggur ekki fyrir og samlegðaráhrif eldis á svæðinu gagnvart lífríkinu eru ekki ljós. Því verður að telja það forgangsatriði að klára rannsóknir á burðarþoli Ísafjarðardjúps.
Að frumkvæði sveitarfélaga á Vestfjörðum og Fjórðungssambands var unnin nýtingaráætlun fyrir Arnarfjörð og er það mjög miður að ríkisvaldið hafi ekki séð ástæðu til að samsvarandi vinna fari fram á strandsvæði Ísafjarðardjúps, því í þessu tilfelli hefði slík áætlun verið til mikilla bóta.
Skipulags- og mannvirkjanefnd vill því ítreka þá skoðun sína að æskilegt er að sveitarfélög ráði skipulagi strandsjávar út að 1 sjómílu frá grunnlínu.

2.  

Aukin framleiðsla á laxi í Arnarfirði - 2016020071

Skipulagsstofnun óskar umsagnar Ísafjarðarbæjar á tillögu að matsáætlun vegna framleiðslu á 4000 tonnum af laxi í Arnarfirði, á vegum Artic Sea Farm.
Skipulagsstofnun veitir frest til 24. janúar 2017.

Skipulags- og mannvirkjanefnd bendir á að tillagan samræmist ekki Nýtingaráætlun fyrir strandsvæði Arnarfjarðar 2012-2024. Nýtingaráætlunin gerir ekki ráð fyrir kvíaeldi á svæðinu milli Hvestudals og Bíldudals.
Ennfremur telur nefndin að það sé forgangsatriði að rannsóknir á burðarþoli Arnarfjarðar verði kláraðar sem fyrst, svo að fyrir liggi að fyrirhugað eldi sé innan þess ramma sem fjörðurinn þolir.

3.  

Íbúðamarkaðurinn á Ísafirði - 2017010050

Skýrsla Reykjavík Economics um íbúðarmarkað Ísafjarðarbæjar lögð fram til kynningar.

4.  

Ársskýrsla 2016 - Slökkvilið Ísafjarðarbæjar - 2017010040

Ársskýrsla Slökkviliðs Ísafjarðar fyrir árið 2016 lögð fram til kynningar.

1.  

Verkefnalisti fræðslunefndar - 2014030064

Lagður fram verkefnalisti fræðslunefndar

Gerð var grein fyrir þeim verkefnum sem liggja fyrir og stöðu þeirra.

2.  

PISA niðurstöður - 2017010049

Lagðar fram niðurstöður úr PISA könnun.

Fræðslunefnd lýsir ánægju sinni yfir þróun og niðurstöðum Pisa könnunar og óskar öllum sem komu að málum til hamingju. Þessa góðu niðurstöðu verður litið á sem hvatningu til frekari dáða, en ekki vísbendingu um að öllum markmiðum sé nú náð.

3.  

Skólamál á Flateyri - 2016110039

Lagt fram til umsagnar erindisbréf, vegna samráðshóps um leik- og grunnskólastarf á Flateyri.

Fræðslunefnd hefur farið yfir erindisbréf samráðshópsins og gerir ekki aðrar athugasemdir en þær að tímaramminn sé of rúmur og telur að vinnu starfshópsins ætti að vera lokið 1. júní 2017, svo vinnan megi nýtast sem best í stefnumótunarvinnu sem fræðslunefnd er að fara í.

Gestir

Þórdís Sif Sigurðardóttir bæjarritari - 08:40

4.  

Skóladagatal 2016-2017 - 2016030044

Lagt fram bréf frá Svövu Rán Valgeirsdóttur, leikskólastjóra Tjarnarbæjar á Suðureyri, þar sem óskað er eftir breytingu á skóladagatali.

Fræðslunefnd samþykkir þessa breytingu.

1.  

Virðisaukinn - 2013110016

Í upphafi fundarins fer fram afhending Virðisaukans 2016, sbr. útnefningu á 135. fundi atvinnu- og menningarmálanefndar.

Forseti bæjarstjórnar afhendir forsvarsmönnum Fossavatnsgöngunnar Virðisaukann vegna ársins 2016, með eftirfarandi rökstuðningi:

"Viðurkenningu og hvatningarverðlaun atvinnu- og menningamálanefndar árið 2016, og þar með farandgripinn Virðisaukann, hlýtur Fossavatnsgangan, sem er elsta skíðamót sem enn er við lýði á Íslandi. Fyrsta gangan fór fram árið 1935 og hefur farið fram árlega frá árinu 1955. Fossavatnsgangan hefur vakið sífellt meiri athygli, bæði hérlendis og erlendis. Mótið var stofnaðili að norrænni mótaröð, FIS Nordic Ski Marathon Cup, er atburður af Landvættunum og er nýlega orðinn hluti af hinni þekktu Worldloppet mótaröð. Allt þetta hefur orðið til þess að þátttaka í göngunni hefur farið vaxandi frá ári til árs. Á árinu 2016 voru 1.000 manns skráð á mótið, þar af tæplega helmingurinn í 50 km gönguna. Gangan fer fram utan háannatíma ferðaþjónustunnar og fyllir Ísafjörð lífi.
Forsvarsmenn Fossavatnsgöngunnar fengu á síðasta ári styrk frá Uppbyggingarsjóði Ferðamannastaða til vinna að uppbyggingu svæðisins, merkingu leiða og lagningar keppnisbrautar sem þeir vonast til að nýtist til skíða, göngu eða hjóla allan ársins hring.“

Gestir

Kristbjörn Sigurjónsson - 17:00

Þröstur Jóhannesson - 17:00

Heimir Hansson - 17:00

2.  

Fremri Breiðadalur/Þverárvirkjun - Stofnun Lóðar - 2016120024

Lögð er fram tillaga frá 468. fundi skipulags- og mannvirkjanefndar þar sem nefndin lagði til við bæjarstjórn að heimila stofnun lóðar í landi Fremri Breiðadals 2 landnr. 212073 skv. uppdrætti dags. 29. ágúst 2016.

Til máls tóku: Nanný Arna Guðmundsdóttir, forseti, og Sigurður J. Hreinsson.

Forseti ber tillöguna upp til atkvæða.
Tillagan samþykkt 9-0.

3.  

Selakirkjuból / Kaldárvirkjun - Ósk um stofnun lóðar - 2016120026

Lögð er fram tillaga frá 468. fundi skipulags- og mannvirkjanefndar þar sem nefndin lagði til við bæjarstjórn að heimila stofnun lóðar í landi Selakirkjubóls landnúmer 141048 skv. uppdrætti dags. 6. september 2016.

Til máls tóku: Nanný Arna Guðmundsdóttir, forseti, og Sigurður J. Hreinsson.

Forseti ber tillöguna upp til atkvæða.
Tillagan samþykkt 9-0.

4.  

Skeiði B - Umsókn um lóð - 2017010027

Lögð er fram tillaga frá 469. fundi skipulags- og mannvirkjanefndar þar sem nefndin lagði til við bæjarstjórn að G.E. Vinnuvélar, fengju lóð inn á Skeiði við Götu B, Ísafirði, með þeim reglum sem í gildi eru og settar kunna að verða, sbr. umsókn dags. 5. janúar 2017 og meðfylgjandi uppdrætti.

Til máls tóku: Nanný Arna Guðmundsdóttir, forseti, og Sigurður J. Hreinsson.

Forseti ber tillöguna upp til atkvæða.
Tillagan samþykkt 9-0.

5.  

Mávagarður Viðlegustöpull - Umsókn um framkvæmdarleyfi - 2016120059

Lögð er fram tillaga frá 469. fundi skipulags- og mannvirkjanefndar þar sem nefndin lagði til við bæjarstjórn að heimiluð yrði útgáfa framkvæmdaleyfis vegna viðlegustöpuls við Mávagarð, sbr. umsókn Guðmundar M. Kristjánssonar hafnarstjóra hafna Ísafjarðarbæjar.

Til máls tóku: Nanný Arna Guðmundsdóttir, forseti, og Kristján Andri Guðjónsson.

Forseti ber tillöguna upp til atkvæða.
Tillagan samþykkt 9-0.

6.  

Tunguskeiði - Óveruleg breyting á deiliskipulagi. - 2017010033

Lögð er fram tillaga frá 469. fundi skipulags- og mannvirkjanefndar þar sem nefndin lagði til við bæjarstjórn að gerð yrði óveruleg breyting á iðnaðaðar- og athafnalóðum í deiliskipulagi Tunguskeiðs, sem felur í sér hækkun á nýtingarstuðli upp í 1. Miðað við núverandi forsendur deiliskipulags við Tunguskeið er nýtingarhlutfall iðnaðarlóða, sem er 0,2, of lágt miðað við fyrirhugaða nýtingu á svæðinu.

Til máls tóku: Nanný Arna Guðmundsdóttir, forseti, og Sigurður J. Hreinsson.

Forseti ber tillöguna upp til atkvæða.
Tillagan samþykkt 9-0.

7.  

Skólamál á Flateyri - 2016110039

Lögð er fram tillaga frá 958. fundi bæjarráðs þar sem nefndin lagði til við bæjarstjórn að Trappa ehf. yrði ráðin ráðgjafi og verkefnastjóri samráðshóps leik- og grunnskóla á Flateyri.

Til máls tóku: Nanný Arna Guðmundsdóttir, forseti, og Arna Lára Jónsdóttir.

Forseti ber tillöguna upp til atkvæða.
Tillagan samþykkt 9-0.

8.  

Fjárhagsáætlun 2017, breyting á gjaldskrá - 2016020047

Lögð er fram tillaga frá 958. fundi bæjarráðs þar sem lagt var til við bæjarstjórn að samþykkja tillögu að breytingu á verðskrá skíðasvæðisins þess efnis að mismunandi verð verði á gönguskíðum og svigskíðum í leigunni þar sem mikill munur er á hversu mikla umhirðu skíðin þurfa.

Til máls tóku: Nanný Arna Guðmundsdóttir, forseti, og Jónas Þór Birgisson.

Forseti ber tillöguna upp til atkvæða.
Tillagan samþykkt 9-0.

9.  

Fjárhagsaðstoð - 2012120016

Lögð er fram tillaga frá 414. fundi félagsmálanefndar um að reglur um fjárhagsaðstoð hjá Ísafjarðarbæ yrðu samþykktar.

Til máls tóku: Nanný Arna Guðmundsdóttir, forseti, og Gunnhildur Elíasdóttir

Forseti ber tillöguna upp til atkvæða.
Tillagan samþykkt 9-0.

10.  

Reglur um sérstakan húsnæðisstuðning hjá Ísafjarðarbæ. - 2016120045

Lögð er fram tillaga frá 414. fundi félagsmálanefndar þar sem lagt var til að reglur um sérstakan húsnæðisstuðning hjá Ísafjarðarbæ yrðu samþykktar.

Til máls tóku: Nanný Arna Guðmundsdóttir, forseti, Gunnhildur Elíasdóttir, Jónas Þór Birgisson og Gísli Halldór Halldórsson, bæjarstjóri.

Forseti ber tillöguna upp til atkvæða.
Tillagan samþykkt 9-0.

11.  

Sjókvíaeldi í ísafjarðardjúpi - Háafell - 2016020056

Lögð er fram tillaga forseta bæjarstjórnar um að bæjarstjórn taki undir umsögn skipulags- og mannvirkjanefndar frá 469. fundi skipulags- og mannvirkjanefndar sem bæjarráð tók undir á 959. fundi sínum, varðandi frummatsskýrslu um allt að 6.800 tonna framleiðslu á laxi í sjókvíum á vegum Háafells í Ísafjarðardjúpi.

Til máls tóku: Nanný Arna Guðmundsdóttir, forseti, og Sigurður J. Hreinsson.

Forseti ber tillöguna upp til atkvæða og er umsögnin svohljóðandi:
"Það er sérhverju samfélagi, stóru sem smáu, nauðsynlegt að geta nýtt aðliggjandi auðlindir sér og íbúum sínum til hagsbóta. Í því samhengi skiptir gríðarlega miklu máli að sú auðlindanýting skapi störf á svæðinu og auki hagsæld íbúanna, fyrirtækjanna og samfélaganna í heild. Á þeim forsendum hafa sveitarfélög á Vestfjörðum í fjölda ára haldið á lofti þeirri kröfu að skipulagsvald sveitarfélaga nái til fjarða, flóa og allt að eina mílu út fyrir grunnlínupunkta. Fyrir allnokkrum árum hófst vinna við strandsvæðaskipulag í Ísafjarðardjúpi að frumkvæði sveitarfélaga og Fjórðungsambands Vestfirðinga. Sú vinna hefur hinsvegar legið í dvala í þónokkurn tíma vegna fjárskorts og áhugaleysis ríkisvaldsins. Því má segja að það skorti heildstæða áætlun sem mótar framtíðarsýn í fiskeldi við Ísafjarðardjúp. Heildarskipulag sem gerir grein fyrir markmiðum og ákvörðunum viðkomandi stjórnvalda um framtíð fiskeldis í Ísafjarðardjúpi. Hver er framtíðarsýnin, hvaða markmið eru sett, hver eru áætluð viðmið og hvernig á að framfylgja stefnu. Einnig hafa bæjaryfirvöld áhyggjur af því að að ekki liggi fyrir umhverfismat á heildarálagi fiskeldis, þar sem sammögnunaráhrif alls fiskeldis í Ísafjarðardjúpi eru metin. Hversu víðtæk eru áhrif fiskeldis, s.s. langtímaáhrif og áhrif á stærri svæði. Hver eru samlegðaráhrif margra fiskeldisleyfa og afleidd áhrif s.s. efnahagslega, félagslega og umhverfislega. Í frummatsskýrslu Háafells er gert ágætlega grein fyrir hvaða áhrif framkvæmdin getur haft á áðurnefnda þætti. Áætlað er að starfsemi Háafells verði að verulegu eða öllu leiti innan sveitarfélaga á svæðinu og efnahagsleg og samfélagsleg áhrif verða því umtalsverð og jákvæð. Umhverfisáhrif verða einhver, en eins og segir í skýrslunni að verulegu leiti afturkræf og mögulegt að lágmarka með mótvægisaðgerðum. Í ljósi þess sem hér hefur verið tínt til gerir skipulags og mannvirkjanefnd Ísafjarðarbæjar ekki athugasemd við Frummatsskýrslu Háafells vegna 6800 tonna framleiðslu á laxi í sjókvíum í Ísafjarðardjúpi."

Tillagan samþykkt 9-0.

12.  

Hestamannafélagið Hending - kröfugerð vegna reiðvallar - 2016050078

Lögð er fram tillaga 958. fundar bæjarráðs um að bæjarstjórn samþykki drög að samkomulagi milli milli Vegagerðarinnar og Ísafjarðarbæjar um greiðslu fullnaðarbóta vegna byggingar Bolungarvíkurganga, þ.á.m. vegna skerðingar á aðstöðu Hestamannafélagsins Hendingar að Búðartúni í Hnífsdal.

Til máls tóku: Nanný Arna Guðmundsdóttir, forseti, Gísli Halldór Halldórsson og Arna Lára Jónsdóttir.

Forseti ber tillöguna upp til atkvæða.
Tillagan samþykkt 9-0.

13.  

Nefndarmenn 2014-2018 - 2014020030

Lögð er fram tillaga bæjarfulltrúa Sjálfstæðisflokksins þess efnis að Guðfinna Hreiðarsdóttir taki sæti Ásgerðar Þorleifsdóttur í skipulags- og mannvirkjanefnd, breytingin tekur gildi frá og með 1. febrúar n.k.

Til máls tók: Nanný Arna Guðmundsdóttir, forseti.

Forseti ber tillöguna upp til atkvæða.
Tillagan samþykkt 9-0.

14.  

Bæjarráð - 957 - 1612014F

Fundargerð 957. fundar bæjarráðs sem haldinn var 19. desember sl., fundargerðin er í 11 liðum.

Til máls tók: Kristján Andri Guðjónsson, varaforseti

Fundargerðin lögð fram til kynningar.

15.  

Bæjarráð - 958 - 1701006F

Fundargerð 958. fundar bæjarráðs sem haldinn var 19. desember sl., fundargerðin er í 11 liðum.

Til máls tóku: Kristján Andri Guðjónsson, varaforseti, Kristín Hálfdánsdóttir, Gísli Halldór Halldórsson, bæjarstjóri.

Fundargerðin lögð fram til kynningar.

16.  

Bæjarráð - 959 - 1701012F

Fundargerð 959. fundar bæjarráðs sem haldinn var 16. janúar sl., fundargerðin er í 13 liðum.

Til máls tók: Nanný Arna Guðmundsdóttir, forseti .
Fundargerðin lögð fram til kynningar.

17.  

Atvinnu- og menningarmálanefnd - 135 - 1612010F

Fundargerð 135. fundar atvinnu- og menningarmálanefndar sem haldinn var 14. desember sl. Fundargerðin er í 4 liðum.

Til máls tók: Nanný Arna Guðmundsdóttir, forseti

Fundargerðin lögð fram til kynningar.

18.  

Félagsmálanefnd - 413 - 1612015F

Fundargerð 413. fundar félagsmálanefndar, sem haldinn var 20. desember sl. Fundargerðin er í 6 liðum.

Til máls tók: Nanný Arna Guðmundsdóttir, forseti

Fundargerðin lögð fram til kynningar.

19.  

Félagsmálanefnd - 414 - 1612018F

Fundargerð 414. fundar félagsmálanefndar, sem haldinn var 29. desember sl. Fundargerðin er í 3 liðum.

Til máls tók: Nanný Arna Guðmundsdóttir, forseti

Fundargerðin lögð fram til kynningar.

20.  

Fræðslunefnd - 375 - 1612006F

Fundargerð 375. fundar fræðslunefndar, sem haldinn var 15. desember sl. Fundargerðin er í 5 liðum.

Til máls tók: Nanný Arna Guðmundsdóttir, forseti

Fundargerðin lögð fram til kynningar.

21.  

Íþrótta- og tómstundanefnd - 174 - 1701009F

Fundargerð 174. fundar íþrótta- og tómstundanefndar sem haldinn 17. janúar sl., fundargerðin er í 4 liðum.

Til máls tók: Nanný Arna Guðmundsdóttir, forseti, Kristján Andri Guðjónsson, Kristín Hálfdánsdóttir, Arna Lára Jónsdóttir, Jónas Þór Birgisson og Gísli Halldór Halldórsson, bæjarstjóri.

Fundargerðin lögð fram til kynningar.

22.  

Skipulags- og mannvirkjanefnd - 468 - 1612012F

Fundargerð 468. fundar skipulags- og mannvirkjanefndar, sem haldinn var 21. desember sl. Fundargerðin er í 7 liðum.

Til máls tók: Nanný Arna Guðmundsdóttir, forseti

Fundargerðin lögð fram til kynningar.

23.  

Skipulags- og mannvirkjanefnd - 469 - 1701001F

Fundargerð 469. fundar skipulags- og mannvirkjanefndar sem haldinn var 11. janúar sl., fundargerðin er í 7 liðum.

Til máls tók: Nanný Arna Guðmundsdóttir, forseti
Fundargerðin lögð fram til kynningar.

24.  

Umhverfis- og framkvæmdanefnd - 38 - 1612003F

Fundargerð 38. fundar umhverfis- og framkvæmdanefndar, sem haldinn var 20. desember sl. Fundargerðin er í 2 liðum.

Til máls tók: Nanný Arna Guðmundsdóttir, forseti

Fundargerðin lögð fram til kynningar.

25.  

Umhverfis- og framkvæmdanefnd - 39 - 1701005F

Fundargerð 39. fundar umhverfis- og framkvæmdanefndar sem haldinn var 10. janúar sl., fundargerðin er í 2 liðum.

Til máls tók: Nanný Arna Guðmundsdóttir, forseti

Fundargerðin lögð fram til kynningar.

1.  

Fyrirspurn um kaup og kjör bæjarstjóra og sviðsstjóra - 2017010056

Lögð fram fyrirspurn Kristínar Hálfdánsdóttur, frá 391. fundi bæjarstjórnar, sem haldinn var 15. desember sl. ásamt minnisblaði Þórdísar Sifjar Sigurðardóttur, dags. 20. janúar sl., með svari við fyrirspurninni. Fyrirspurnin er svohljóðandi:

"Í ljósi þess að á þessum fundi bæjarstjórnar eru umræður um kaup og kjör bæjarfulltrúa og nefndarmanna, óska ég hér með eftir að á næsta bæjarráðsfundi verði gerð skriflega grein fyrir launakjörum bæjarstjóra og meðallaunum sviðsstjóra eins og þau eru í dag. Jafnframt verði gerð grein fyrir því hvernig kaup og kjör allra ofangreindra aðila hafa þróast frá upphafi þessa kjörtímabils og til dagsins í dag"

Lagt fram til kynningar.

2.  

Fyrirspurn um greiðslur til fyrirtækisins Plan 21 - 2016110082

Lagt er fram svar Brynjars Þórs Jónassonar, sviðsstjóra umhverfis- og eignasviðs og Þórdísar Sifjar Sigurðardóttur, bæjarritara, dags. 20. janúar 2017, við fyrirspurn Jónasar Þórs Birgissonar, frá 16. nóvember sl., þar sem óskað er eftir upplýsingum um þær greiðslur sem bókaðar hafa verið hjá Ísafjarðarbæ á fyrirtækið Plan 21.

Lagt fram til kynningar.

3.  

Fyrirspurn - Sundhöll Ísafjarðar Samkeppni - 2015090052

Lagt er fram minnisblað Þórdísar Sifjar Sigurðardóttur, bæjarritara, dags. 20. janúar 2017, þar sem fyrirspurn Jónasar Þórs Birgissonar, bæjarfulltrúa, frá 14. september 2016 er svarað.

Lagt fram til kynningar.

4.  

Undanþágur verkfallsheimilda 2017 - 2017010016

Lagt fram minnisblað Baldurs Inga Jónassonar, mannauðsstjóra, dagsett 17. janúar sl., þar sem óskað er staðfestingar bæjarráðs á drögum að auglýsingu í B-deild stjórnartíðinda vegna lista yfir þá starfsmenn sem ekki hafa verkfallsheimild.

Bæjarráð staðfestir auglýsingu um undanþágu verkfallsheimilda.

5.  

Samkomulag um aukna byggðafestu á Flateyri - 2015040035

Lagður fram tölvupóstur Sigurðar Árnasonar, f.h. Byggðastofnunar, dagsettur 16. janúar sl., þar sem óskað er eftir umsögn Ísafjarðarbæjar um drög að samkomulagi vegna nýtingar á aflamarki Byggðastofnunar á Flateyri. Um er að ræða 100 þorskígildistonna aukningu til tveggja ára og 99 þorskígildistonna aukningu vegna yfirstandandi fiskveiðiárs. Í gildi er samningur milli Byggðastofnunar og heimaaðila um nýtingu á 300 þorskígildistonnum vegna Flateyrar.

Bæjarráð lýsir ánægju með samning Byggðastofnunar um aflaheimildir til aukinnar byggðafestu á Flateyri.

6.  

Sjókvíaeldi Arnarlax í Ísafjarðardjúpi - drög að tillögu að matsáætlun - 2016090039

Lagt er fram bréf Hólmfríðar Bjarnadóttur, f.h. Skipulagsstofnunar, dags. 3. janúar sl., þar sem óskað er umsagnar Ísafjarðarbæjar um tillögu að matsáætlun sjókvíaeldis Arnarlax, en um er að ræða framleiðslu á 10.000 tonnum af laxi á ári í Ísafjarðardjúpi.
Erindið var lagt fram á 470. fundi skipulags- og mannvirkjanefndar sem haldinn var 18. janúar sl. Skipulags- og mannvirkjanefnd gerir ekki athugasemd við framkomna tillögu að matsáætlun.

Bæjarráð gerir ekki athugasemd við framkomna tillögu um matsáætlun.

7.  

Aukin framleiðsla á laxi í Arnarfirði - 2016020071

Lagt fram bréf Hólmfríðar Bjarnadóttur f.h. Skipulagsstofnunar dags. 5. janúar sl., þar sem óskað er umsagnar Ísafjarðarbæjar á tillögu að matsáætlun á sjókvíaeldi Artic Sea Farm, í Arnarfirði áætluð er framleiðsla á 4000 tonnum af laxi.
Á 470. fundi skipulags- og mannvirkjanefndar sem haldinn var 18. janúar sl. var tillagan að matsáætluninni tekin fyrir.

Bæjarráð tekur undir bókun skipulags- og mannvirkjanefndar frá 470. fundi nefndarinnar:
"Skipulags- og mannvirkjanefnd bendir á að tillagan samræmist ekki Nýtingaráætlun fyrir strandsvæði Arnarfjarðar 2012-2024. Nýtingaráætlunin gerir ekki ráð fyrir kvíaeldi á svæðinu milli Hvestudals og Bíldudals.
Ennfremur telur nefndin að það sé forgangsatriði að rannsóknir á burðarþoli Arnarfjarðar verði kláraðar sem fyrst, svo að fyrir liggi að fyrirhugað eldi sé innan þess ramma sem fjörðurinn þolir."

8.  

Stjórnunar- og verndaráætlun fyrir friðlandið á Hornströndum - 2016110092

Lagður er fram tölvupóstur Gísla Halldórs Halldórssonar, bæjarstjóra, dags. 20. janúar 2017, þar sem gerð er grein fyrir því starfi sem hafið er í Samstarfsnefnd um gerð stjórnunar- og verndaráætlunar fyrir friðlandið á Hornströndum.

Bæjarráð felur bæjarstjóra að ræða við Umhverfisstofnun um aukna aðkomu Ísafjarðarbæjar og annarra hagsmunaaðila að gerð stjórnunar- og verndaráætlunar fyrir friðlandið á Hornströndum.

9.  

Landsáætlun um uppbyggingu innviða - Samband íslenskra sveitarfélaga - 2017010019

Lagður fram tölvupóstur Arnar Þórs Halldórssonar, f.h. verkefnisstjórnar um gerð landsáætlunar um uppbygginu innviða til verndar náttúru og menningarlegum minjum, dagsettur 12. janúar sl. Verkefnisstjórn óskar eftir upplýsingar frá sveitarfélögum um hvaða verkefni þau telja brýnt að ráðist verði í á ferðamannastöðum á næstu þremur árum sbr. lög 20/2016 auk áætlaðs heildarkostnaðar fyrir hvert og eitt þeirra.

Bæjarráð felur bæjarritara að taka saman uppbyggingaráætlanir.

10.  

Sindragata 4a - umsókn um stofnframlag. - 2016100023

Lagðar eru fram tillögur að nýjum teikningum á húsnæði Sindragötu 4a, Ísafirði, sem fyrirhugað er að byggja með stofnframlagi frá Íbúðalánasjóði og Ísafjarðarbæ. Tillögurnar eru unnar í samræmi við tillögur úthlutunarnefndar Íbúðarlánasjóðs að breytingum á umsókn sem fram komu í bréfi Hermanns Jónssonar, f.h. Íbúðalánasjóðs, dags. 30. desember sl.

Bæjarráð felur bæjarritara að halda áfram að vinna að umsókn um stofnframlag til byggingar 11 íbúða að Sindragötu 4a.

11.  

Íbúðamarkaðurinn á Ísafirði - 2017010050

Lögð er fram til kynningar greining Reykjavík Economics ehf. á íbúðamarkaðinum í Ísafjarðarbæ, frá desember 2016.

Lagt fram til kynningar og áframhaldandi vinnslu.

12.  

Suðurtangi, nýbygging gatna. - 2017010018

Lagt er fram bréf sviðsstjóra umhverfis- og eignasviðs, dags. 19. janúar 2017, vegna verksins Suðurtangi, nýbygging gatna, hönnun gatna og veitna. Sviðsstjóri umhverfis- og eignasviðs leggur til að samið verði við Tækniþjónustu Vestfjarða um verkið.

Bæjarráð samþykkir tillögu sviðsstjóra umhverfis- og eignasviðs, að taka tilboði Tækniþjónustunnar í verkið.

13.  

Lónið Suðureyri - 2017010067

Lagður fram tölvupóstur Huldu Rósar Rúriksdóttur hrl., f.h. Lögmanna Laugavegi 3, dagsettur 19. janúar sl., þar sem óskað er eftir afstöðu Ísafjarðarbæjar til samnings um afnotarétt á Lóninu á Suðureyri. Enn fremur er lagt fram minnisblað Þórdísar Sifjar Sigurðardóttur, sviðsstjóra stjórnsýslu- og fjármálasviðs, þar sem gerð er grein fyrir þeim samningi sem um ræðir og forsögu hans ásamt afriti af samningnum.

Bæjarráð óskar eftir upplýsingum frá Fiskistofu um hvort Jens Daníel Hólm hafi fengið útgefið rekstrarleyfi til fiskeldis.

14.  

Skólamál á Flateyri - 2016110039

Á 958. fundi bæjarráðs var erindisbréfi fyrir samráðshóp um leik- og grunnskólastarf á Flateyri vísað til umsagnar í fræðslunefnd. Enn fremur var erindisbréfið sent hverfisráði Önundarfjarðar til umsagnar. Lögð er fram umsögn 376. fundar fræðslunefndar auk umsagnar fundar hverfisráðs Önundarfjarðar frá 18. janúar sl.

Bæjarráð fellst á tillögu hverfisráðs Önundarfjarðar um að fulltrúum í starfshópnum verði fjölgað, þannig að það verði tveir fulltrúar foreldra, annar frá leikskólanum og hinn frá grunnskólanum.

Að öðru leyti samþykkir bæjarráð erindisbréfið og sendir til staðfestingar bæjarstjórnar.

Jafnframt leggur bæjarráð til við bæjarstjórn að Nanný Arna Guðmundsdóttir, bæjarfulltrúi verði fulltrúi bæjarstjórnar og Unnur Björk Arnfjörð, skólastjóri Grunnskóla Önundafjarðar, verði fulltrúi skóla- og tómstundasviðs.

15.  

Hestamannafélagið Hending - kröfugerð vegna reiðvallar - 2016050078

Lögð fram drög að samkomulagi við Hestamannafélagið Hendingu, ásamt umsögn HSV um drögin, frá 11. janúar sl. Drögin voru lögð fram á 174. fundi íþrótta- og tómstundanefndar sem haldinn var 17. janúar sl.
Nefndin gerir ekki athugasemd við drögin. Sif Huld Albertsdóttir tók ekki afstöðu til samkomulagsins og gerir athugasemd við að fullnægjandi gögn hafi ekki borist fyrr en á fundinum.

Marzellíus Sveinbjörnsson, bæjarfulltrúi og áheyrnarfulltrúi Framsóknarflokksins í bæjarráði og Jónas Þór Birgisson, bæjarfulltrúi Sjálfstæðisflokksins leggja fram eftirfarandi bókun:

"Í samningsdrögum þeim sem nú liggja fyrir um byggingu reiðskemmu í Engidal er margt sem alvarlegar athugasemdir má gera við. Hér verður þó einungis staldrað við eitt veigamikið atriði.
Áheyrnarfulltrúi Framsóknarflokksins í bæjarráði Ísafjarðarbæjar og fulltrúi Sjálfstæðisflokksins í bæjarráði hvetja meirihluta bæjarstjórnar til þess að fresta samkomulagi um reiðskemmu þar til niðurstaða liggur fyrir um hvernig rekstri skemmunnar verður háttað í framtíðinni. Það hlýtur að teljast lágmarkskrafa að upplýsingar um framtíðarskuldbindingu sveitarfélagsins séu skýrar áður en lagt er út í miklar fjárfestingar sem íbúar bæjarins þurfa að taka endanlega ábyrgð á."

Kristján Andri Guðjónsson, bæjarfulltrúi Í-listans, Arna Lára Jónsdóttir, bæjarfulltrúi Í-listans og Gísli Halldór Halldórsson, bæjarstjóri leggja fram eftirfarandi gagnbókun:

"Nú hillir undir samkomulag milli Ísafjarðabæjar og Vegagerðarinnar um bætur vegna aðstöðunnar við Búðartún í Hnífsdal og á milli Ísafjarðarbæjar og Hestamannafélagsins Hendingar um uppbyggingu nýrrar aðstöðu í Engidal.
Þetta mál og uppgjör þess hefur dregist allt of lengi og vonandi geta hestamenn nú byggt upp góða aðstöðu í Engidal sem nýtast mun öllum iðkendum þessarar íþróttar sem er sú þriðja vinsælasta á Íslandi hvað þátttökufjölda varðar. Bygging reiðskemmu í Engidal mun vonandi hleypa endurnýjuðum krafti í starfsemi Hendingar og verða félaginu til mikils sóma.
Sjálfsagt er að gefa sér tíma til að gera þær breytingar á samningsdrögunum sem nauðynlegar teljast og verða þau lögð fram á fundi bæjarstjórnar þann 2. febrúar n.k."

Bæjarráð felur bæjarstjóra að vinna umbeðin fylgigögn með samningnum og vísar honum til samþykktar í bæjarstjórn 2. febrúar n.k.

16.  

Starfshópur um framtíðarskipan komu skemmtiferðaskipa - 2016090040

Lögð eru fram drög að erindisbréfi fyrir starfshóp um framtíðarskipan komu skemmtiferðaskipa.

Bæjarráð óskar eftir umsögn frá hafnarstjórn og leggur erindisbréfið fram að nýju þegar umsögn hefur borist.

17.  

Uppbygging knattspyrnumannvirkja á Torfnesi - ósk um fund með Ísafjarðarbæ - 2017010066

Lagður fram tölvupóstur Sigríðar Láru Gunnlaugsdóttur, framkvæmdastjóra Héraðssambands Vestfirðinga, dagsettur 19. janúar sl., þar sem hún kemur á framfæri óskum Íþróttafélagsins Vestra um fund með Ísafjarðarbæ til að ræða uppbyggingu knattspyrnumannvirkja á Torfnesi.

Bæjarráð verður við beiðni íþróttafélagsins Vestra um fund og felur bæjarstjóra að finna heppilegan fundartíma.

18.  

Styrkbeiðni frá SFÍ - 2017010047

Lögð fram styrkbeiðni Hólmfríðar Völu Svavarsdóttur, f.h. SFÍ, dags. 20. desember sl., vegna Unglingameistaramóts Íslands sem haldið verður á Ísafirði 23.-26. mars 2017.

Á 174. fundi íþrótta- og tómstundanefndar var tekið jákvætt í erindið og málinu vísað til bæjarráðs þar sem ekki er fé í fjárhagsáætlun fyrir styrk sem þessum. Nefndin veltir fyrir sér hvort hluti þess sem óskað er eftir styrk fyrir eigi að vera í eigu skíðasvæðisins og felur starfsmanni að kanna það. Nefndin vill ítreka að beiðnir sem þessar komi tímalega og áður en vinnu við fjárhagsáætlun er lokið.

Bæjarráð frestar málinu meðan beðið er eftir gögnum frá sviðsstjóra skóla- og tómstundasviðs, sbr. bókun 174. fundar íþrótta- og tómstundanefndar.

19.  

Götusópur fyrir Þjónustumiðstöð - 2016110007

Lagt er fram bréf sviðsstjóra umhverfis- og eignasviðs, dags. 20. janúar 2017, vegna kaupa á nýjum götusóp fyrir Þjónustumiðstöð Ísafjarðarbæjar. Sviðsstjóri umhverfis- og eignasviðs leggur til að samið verði Kraft hf. um kaup á nýjum götusóp fyrir Þjónustumiðstöð Ísafjarðarbæjar.

Bæjarráð samþykkir tillögu Brynjars Þórs Jónassonar, sviðsstjóra umhverfis- og eignasviðs, um að taka tilboði Krafts hf. um kaup á götusóp.

20.  

Samþykkt um fráveitu - 2016040069

Lögð fram samþykkt um fráveitu 2016 sem var samþykkt af heilbrigðisnefnd með vísan í bréf Heilbrigðiseftirlits Vestfjarða, dags. 6. nóvember 2016.

Bæjarráð leggur til við bæjarstjórn að samþykkt um fráveitu í Ísafjarðarbæ verði samþykkt.

21.  

Afslættir elli- og örorkulífeyrisþega - Fjárhagsáætlun 2017 - 2016020047

Lagt er fram minnisblað Eddu Maríu Hagalín, fjármálastjóra, dags. 17. janúar sl., með greiningu á afslætti fasteignagjalda 2017 til elli- og örorkulífeyrisþega.

Bæjarráð leggur til við bæjarstjórn að farið verði að tillögu 1 sem fram kemur í minnisblaði fjármálastjóra, þ.e. að tekjumörk 2017 verði hækkuð um 10% frá árinu 2016. Bæjarráð felur bæjarstjóra að undirbúa viðauka vegna tillögunnar.

22.  

Mánaðaryfirlit 2016 - 2016050081

Lagt er fram minnisblað Helgu Ásgeirsdóttur, verkefnastjóra á fjármálasviði, dags. 20. janúar sl, um skatttekjur og laun frá janúar til desember 2016. Þar má sjá að útsvarstekjur eru 13,9 milljónum króna yfir áætlun og eru 1.776 milljónir króna fyrir árið. Jöfnunarsjóður er 139 milljónum króna yfir áætlun eða 860 milljónir króna. Að lokum er launakostnaður 20,7 milljónum króna yfir áætlun en kostnaðurinn nemur 2.082 milljónum króna fyrir árið 2016.

Helga Ásgeirsdóttir fer yfir mánaðaryfirlit ársins 2016.

Gestir

Helga Ásgeirsdóttir, sérfræðingur á fjármálasviði - 10:01

Edda María Hagalín, fjármálastjóri - 10:01

Gestir yfirgefa fundinn kl. 10:13.

23.  

Íbúasamtökin Hnífsdal - Hverfisráð Ísafjarðarbæ - 2011030002

Lagt er fram minnisblað Brynjars Þórs Jónassonar, sviðsstjóra umhverfis- og eignasviðs, dags. 20. janúar 2017, varðandi nýtingu framkvæmdafjár Íbúasamtaka Hnífsdals vegna ársins 2016.

Bæjarráð samþykkir tillöguna.

24.  

Hverfisráð Önundarfjarðar - Málefni hverfisráða 2017 - 2017010043

Lögð er fram til kynningar fundargerð Hverfisráðs Önundarfjarðar frá 18. janúar sl.

Lögð fram til kynningar.

25.  

Fræðslunefnd - 376 - 1701011F

Fundargerð 376. fundar fræðslunefndar sem haldinn var 19. janúar sl., fundargerðin er í 4 liðum.

Lögð fram til kynningar.

26.  

Íþrótta- og tómstundanefnd - 174 - 1701009F

Fundargerð 174. fundar íþrótta- og tómstundanefndar, sem haldinn var 17. janúar sl., fundargerðin er í 4 liðum.

Lögð fram til kynningar.

27.  

Skipulags- og mannvirkjanefnd - 470 - 1701013F

Fundargerð 470. fundar skipulags- og mannvirkjanefndar sem haldinn var 18. janúar sl., fundargerðin er í 4 liðum.

Lögð fram til kynningar.

1.  

Uppbygging knattspyrnumannvirkja á Torfnesi - ósk um fund með Ísafjarðarbæ - 2017010066

Fulltrúar íþróttafélagsins Vestra mæta til fundar við bæjarráð til að ræða uppbyggingu knattspyrnumannvirkja á Torfnesi.

Fulltrúar Vestra og HSV óska eftir upplýsingum um fyrirætlanir í uppbyggingu knattspyrnumannvirkja á Torfnesi og óskuðu eftir samstarfi við Ísafjarðarbæ um uppbyggingu knattspyrnumannvirkja.
Bæjarráð felur bæjarstjóra að koma á vinnufundi með fulltrúum Vestra og HSV og fulltrúum skipulags- og mannvirkjanefndar.

Gestir

Gísli Jón Hjaltason, stjórnarmaður Vestra - 08:08

Sigríður Lára Gunnlaugsdóttir, framkvæmdastjóri HSV - 08:08

Svavar Þór Guðmundsson, formaður knattspyrnudeildar Vestra - 08:08

Hjalti Karlsson, formaður Vestra - 08:08

Gestir yfirgefa fundinn kl. 8:45.

2.  

Ný reglugerð um eldvarnir og eldvarnaeftirlit - 2017010092

Lagt fram bréf Williams Freys Huntingdon-Williams, f.h. umhverfis- og auðlindaráðuneytis, dagsett 19. janúar sl., þar sem óskað er eftir umsögn um drög að nýrri reglugerð um eldvarnir og eldvarnaeftirlit.

Bæjarráð vísar erindinu til umsagnar í skipulags- og mannvirkjanefnd.

3.  

Neysluvatn í Reykjanesi - 2017010105

Lagt fram bréf Jóns Heiðars Guðjónssonar, f.h. Ferðaþjónustunnar Reykjanesi, þar sem óskað er eftir aðstoð vegna máls er varðar notkun Ferðaþjónustunnar á neysluvatni í Reykjanesi, og ágreinings við landeiganda þar um.

Bæjarráð felur bæjarstjóra að ræða við Súðavíkurhrepp um útvegun neysluvatns í Reykjanesi í Reykjafirði.

4.  

Viðauki 1 við fjárhagsáætlun 2017 - Álagning fasteignagjalda og afslættir - 2017010064

Lögð eru fram frumdrög að viðauka 1 við fjárhagsáætlun 2017 af Eddu Maríu Hagalín, fjármálastjóra. Álagning fasteignagjalda 2017 leiddi í ljós aukningu á tekjum umfram áætlun um 5,4 milljónir króna. Jafnframt er lagt til að tekjuviðmið afslátta elli- og öryrkja vegna fasteignagjalda 2017 verði hækkuð um 10% sem leiðir til aukningu styrkja um 2,4 milljónir króna. Einnig er lagður fram styrkur til Hafstjörnunnar fyrir 1 milljón vegna unglingalandsmóts Landsbjargar sem haldið verður á Ísafirði í sumar. Afgangi viðaukans er ráðstafað í aukningu á áætluðum ófyrirséðum kostnaði um 2 milljónir króna. Viðaukinn hefur þau áhrif að tekjur aukast um 5,4 milljónir króna og gjöld aukast um 5,4 milljónir króna. Nettó áhrif viðaukans í rekstur samstæðu Ísafjarðarbæjar eru því kr. 0.

Bæjarráð leggur til við bæjarstjórn að samþykkja 1. viðauka við fjárhagsáætlun.

Gestir

Edda María Hagalín, fjármálastjóri - 09:00

5.  

Viðauki 2 við fjárhagsáætlun 2017 - 2017010064

Lögð eru fram frumdrög að viðauka B (2) við fjárhagsáætlun 2017 af Eddu Maríu Hagalín, fjármálastjóra. Viðaukinn er vegna reiðskemmu fyrir Hestamannafélagið Hendingu og hefur þau áhrif að gjöld aukast um 8,1 milljónir króna, eignarhlutur í félögum eykst um 15 milljónir króna og handbært fé lækkar um 23,1 milljón króna. Áhrif viðaukans á afkomu samstæðu Ísafjarðarbæjar eru því lækkun úr kr. 35.353.535,- í kr. 27.253.535,-.

Daníel Jakobsson, bæjarfulltrúi Sjálfstæðisflokksins, leggur fram eftirfarandi bókun:

"Undirritaður gagnrýnir harðlega þá fyrirætlan meirihluta Ísfjarðarbæjar að ganga til samninga við Hestamannafélagið Hendingu um byggingu reiðskemmu. Með því er verið að verðlauna óbilgirni og ósanngirni forystumanna félagsins sem hafa staðið í vegi fyrir því að Ísafjarðarbær hafi getað samið við Vegagerðina um bætur fyrir völlinn. Nú síðast í desember neituðu forsvarsmenn félagins að skrifa undir þríhliða samkomulag við bæinn og Vegagerðina sem hefði tryggt bænum og þar með hestamannafélaginu 20 m.kr. greiðslu nema umræddur samningur yrði samþykktur jafnframt. Það gerðu þeir einnig árið 2014 þegar að Ísafjarðarbær gerði félaginu skriflegt tilboð um að byggja í Engidal sambærilegan völl og var í Hnífsdal, því tilboði var aldrei svarað.

Með því að neita því að að greiða götu bæjarins í uppgjöri við Vegagerðina hafa þeir kostað bæinn umtalsvert fjármagn og sýnt óbilgirni sem hefði getað skaðað Ísafjarðarbæ, Hendingu og samfélagið hér. Að semja á þeim nótum sem nú liggur fyrir við forystumenn félagsins er óásættanlegt fyrir íbúa bæjarins og þau íþróttafélög sem fara eftir sameiginlegum reglum HSV og bæjarins.

Jafnframt má benda á að eftir sem áður á eftir að byggja alla útiaðstöðu félagsins þannig að nú er verið að fara í vegferð sem mun kosta bæjarbúa tugi milljóna króna. Í dag eru um 10-15 manns sem halda hesta á svæðinu og starfsemi hefur verið afar lítil s.l. ár. Því er ekki aðstöðuleysi einu um að kenna. Það að forgangsraða fjármagni í umrædda framkvæmd á sama tíma og er ekki hægt að fjármagna mörg önnur verkefni er óskynsamleg ráðstöfun skattfjár sem ég get ekki stutt."

Bæjarráð gerir ekki athugasemd við 2. viðauka við fjárhagsáætlun og vísar honum til bæjarstjórnar.

Edda María yfirgefur fundinn kl. 9:11.

6.  

Stútungur: Beiðni um niðurfellingu á leigu íþróttahúss - 2017010074

Lagður er fram tölvupóstur Steinunnar G. Einarsdóttur, f.h. Stútungsnefndar 2017, frá 22. janúar sl., þar sem sótt erum styrk með niðurfellingu á leigu íþróttahúss Flateyrar 11. febrúar 2017 fyrir Þorrablótið Stútung.

Bæjarráð samþykkir beiðnina.

7.  

Umsókn um styrk - verkefni til að vekja athygli á kynferðisofbeldi gegn drengjum - 2017010042

Lagður fram tölvupóstur Hrafnhildar Ýrar Denke, dagsettur 21. janúar sl., þar sem óskað er eftir styrk að upphæð 200.000 kr. vegna átaksverkefnis meistaranema og kennara Háskólans á Akureyri sem snýr að því að vekja athygli á kynferðisofbeldi gegn drengjum.

Bæjarráð sér sér ekki fært að taka þátt í verkefninu.

8.  

Sjókvíaeldi Arctic Sea Farm í Ísafjarðardjúpi - 2017010103

Lagt fram bréf Hólmfríðar Bjarnadóttur, f.h. Skipulagsstofnunar, dagsett 23. janúar sl., þar sem óskað er eftir umsögn Ísafjarðarbæjar um tillögu að matsáætlun um 7.600 tonna framleiðsluaukningu í laxeldi Arctic Sea Farm í Ísafjarðardjúpi. Óskað er eftir að umsögnin berist fyrir 8. febrúar nk.

Lagt fram til kynningar og vísað til skipulags- og mannvirkjanefndar og hafnarstjórnar.

9.  

Sundhöll Ísafjarðar Samkeppni - 2015090052

Lagt fram boðskort Ísafjarðarbæjar, sem sent var út 26. janúar sl. Viðtakendum er boðið að vera viðstaddir athöfn þar sem kynnt verða úrslit hugmyndasamkeppni um aukna og bætta íþrótta- og baðaðstöðu í Sundhöll Ísafjarðar. Athöfnin verður haldin í Sundhöllinni 1. febrúar nk.

Lagt fram til kynningar.

10.  

Samskip - hækkun á þjónustugjöldum - 2017010013

Lagður er fram tölvupóstur Pálmars Óla Magnússonar, forstjóra Samskipa, frá 23. janúar sl., þar sem tölvupósti Gísla Halldórs Halldórssonar, bæjarstjóra, er svarað varðandi hækkun flutningskostnaðar hjá Samskipum.

Bæjarráð óskar eftir því að fulltrúar Samskipa mæti á fund bæjarráðs eins fljótt og verða má.

11.  

Lónið Suðureyri - 2017010067

Bæjarráð óskar eftir upplýsingum frá Fiskistofu um hvort Jens Daníel Hólm hafi fengið útgefið rekstrarleyfi til fiskeldis.

Samkvæmt samkomulaginu var afnotarétturinn að Lóninu bundinn því skilyrði að þar væri starfrækt fiskeldi innan 12 mánaða frá undirritun samkomulagsins. Samkvæmt upplýsingum bæjarráðs fékk Jens Daníel Hólm ekki útgefið rekstrarleyfi fyrir fiskeldi í Lóninu í framhaldi af samkomulaginu við Ísafjarðarbæ, samkomulagið hefur því fallið úr gildi.

12.  

Stjórnunar- og verndaráætlun fyrir friðlandið á Hornströndum - 2016110092

Lagður fram tölvupóstur Jóns Smára Jónssonar, f.h. Umhverfisstofnunar, ásamt fundargerð fyrsta fundar samstarfsnefndar vegna gerðar stjórnunar- og verndaráætlunar fyrir friðlandið á Hornströndum, sem haldinn var 17. janúar sl.

Lagt fram til kynningar.

13.  

Umhverfis- og framkvæmdanefnd - 40 - 1701008F

Fundargerð 40. fundar umhverfis- og framkvæmdanefndar sem haldinn var 24. janúar sl., fundargerðin er í 4 liðum.

Lagt fram til kynningar.